استفسار استفسار عن جامعه مارتن بتنسي

ارجوا من الاخوان افادتي في هذا الموضوع

سيدي الكريم

أخوي مبتعث الى جامعة مارتن في ولاية تنسي...

بقولك وش قالي اخوي عن المدينة بالضبط لاني انا كنت ابحث عن جامعات تعطي قبول مشروط وابغى اطلع بعثة...

قال:

مارتن مدينة صغيرررة جدا جدا...مافيها الا محل واحد لبيع الأغراض التموينية...مدينة سيئة بكل ماتعنيه الكلمة... مافيها وسائل ترفيه ولا أماكن توسع الصدر...شعبها بدوي...يهتمون بالابل و الخيول... المدينة سيئة للغاية... ويقول..اذا جا الويكند نبلش..! قلت ليش؟ يقول ماندري وش نسوي...مافيه اي شي ترفيهي في المدينة ...المقاهي سيئة والحدائق شبه معدومه...ولو بغينا نغير جو ونطلع من المدينة نروح لمدينة ممفيس...وهي مدينة سيئة بعد بس احسن من مارتن...! وغالبا نروح لعاصمة تنسي اللي هي ناشفيل...وهي بالسيارة تبعد من 3 الى 4 ساعات...! يعني لو رحنا لها لازم نبيت فيها... ويضيف... انه الحين موقف بعثته لانه يبحث عن جامعة افضل... في مكان افضل...ومن ناحية المعهد...يقول ان المعهد سيء جدا ولا استفاد منه الا القليل رغم انه درس فيه حول 10 شهور...! انا لمت اخوي...لانه راح لجامعة ومدينة سيئة والمفروض انه يجمع معلومات عنها قبل مايروح عشان ما يتوهق...قال انه قدم على للجامعة عن طريق مكتب يجيب قبولات...ويقول ان المكتب قال له ان المدينة رهيبة وفيها عوائل تقدر تسكن معها لتقوية اللغة...وكلام كثير...يقول اخرتها طلع المكتب كذاااب... لا عوائل نقدر نسكن معها ولا مدينة زينة على كلامه !

سيدي الكريم...انا ما ابغى احطمك...ولكن ابغى لك حياة جميلة هناك مابين جامعة مناسبة ومدينة جميلة...ولا تعتمد كلامي هذا كقرار و تغير جامعتك...استشر وشف ناس بعد درسو في نفس الجامعة والمدينة وبيعطونك معلومات اكثر واكثر...

للمعلومية اخوي رايح يدرس بكالريوس مالية...وهو حاليا في الرياض....