تكفون استفسار بسيط عن السكن في ماديسون

و عليكم السلام
حياك الله أخوي
بالنسبة للسكن أفضل مع عائلة لكن صعبة تحصل عائلة( ولكن قدم على المعهد من الآن يدورون لك عائلة ) و تضطر تسكن في سكن المعهد لعدة أسابيع و ربما يستمر لشهر أو أكثر.
إذا راح تجي على بداية 2012 راح يكون برد جداً و تحتاج تجيب معاك شوي ملابس شتوية لأن بيكون ثلج.
المعهد رائع لما كنت أدرس فيه لكن الآن لا أعلم, والمدينة رائعة.
نصائح بالنسبة لي أنا وممكن تختلف معاي أو غيري
بما أنك جاي على الشتاء فجب معاك ملابس شتوية و في الصيف تقدر تتسوق والملابس والأسعار مناسبة هنا.
لا تكثر شناط و خلك خفيف لأن الأشياء متوفرة هنا ان شاء.
وأي أستفسار أنا حاضر.

اخوي الله يجزاك خير حابة استفسر عن جامعة university of wisconsn stout
هل المدينة امنة ومريحة للمسلمين ومن ناحية الاسعار والجريمة ياليت تجاوبني
لاني مقدمة على جامعتهم وسمعت ان عندهم ديانه غير المسيحية واليهودية بس انها تخوف ابا اتاكد
وجزاك الله خير

جزاك الله خير ما قصرت كفيت ووفيت
انا الصراحة باروح في بداية السنة الجديدة


دامك تقول بداية السنة ثلوج على كذا باخذ فروتي معي

صحيح جب فروة تفيدك ههههه لأن معي ثلاث أصحابي وكلنا معانا فروات بس مشكلتها تاخذ مكان بالعفش.

هذا سؤال جاوبت عليه سابقاً ربما يفيدك في سؤالك
و عليكم السلام والرحمة وبركاته
مدينة Menomonie تعتبر شبة جديدة للطلاب السعوديين و فيها عدد قليل منهم أكثرهم عزاب و فيه بعض العوائل.
هي مدينة صغيرة و يوجد فيها وال مارت و بعض المطاعم المشهورة و أعتقد فيها حضانة مدارس لأن صاحبي حرمته تدرس هناك وعنده ولد .
المدينة قريبة من ولاية مانيسوتا تقريباً ساعة بالسيارة .
الجو في الشتاء طبعاً بارد و ثلج و في الصيف رائع جداً. والأمن فيها رائع و المعيشة مناسبة والسكن ربما لا يتوفر بالصورة المطلوبة أو تقدر تستاجر بيت صغير أو شيء من هذا القبيل. الجامعة أعتقد مشهورة في تخصص الهندسة أو شيء من هذا القبيل و لا أعلم عن التخصصات الآخرى ولكن تقدر تروح لموقع الوزارة و تشوف التخصصات المعترف فيها من الوزارة بسبب بعض التخصصات معترف فيها و بعضها غير معترف. بالنسبة للتحجب أعتقد متعارف فيه ومقبول في المدن الكبيرة ولكن في مدينة صغيرة لا أعلم صراحة وبالتحديد في منامني. لكن الناس مالهم دخل في أحد ولا أحد يحاج أو يكلم أحد. لكن عموماً المدينة صغيرة و مدينة دراسية ولا يوجد فيها كثير من النشاطات لكن مانيسوتا قريبة منكم.
بالنسبة للديانات الأخرى لا أرى فيه تضييق خصوصاً اذا كنت رجل لأنك مثلهم وتلبس لبسهم وليس عليك حجاب أو عباية.
و إذا فيه أي أسئلة أنا حاضر. موفق