الأعضاء الإشتراك و التسجيل

الملتقيات
ADs

مدينة أدموند..

مدينة أدموند..


NOTICE

تنبيه: هذا الموضوع قديم. تم طرحه قبل 4486 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية nosah2
    nosah2

    مبتعث مستجد Freshman Member

    nosah2 الولايات المتحدة الأمريكية

    nosah2 , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى جغرافيا , بجامعة طيبة
    • طيبة
    • جغرافيا
    • أنثى
    • السعودية, السعودية
    • السعودية
    • Sep 2010
    المزيدl

    December 17th, 2011, 09:20 AM

    السلام عليكم ورحمة الله وبركاته..

    حبيت أكتب عن مدينة أدموند .. لأنو كثيرين يسألو ومحد يرد..
    حأكتب موضوعي بإختصار..
    المدينة مليانة سعوديين .. أنا لما كنت أكتب موضوع عن ادموند ماكنت الاقي احد يرد حسيت اني في المدينة لحالي .. بس اكتشفت انها مليانة سعوديين..
    أول شيء المدينة جدا هادئة تنفع للدراسة ..
    المحلات تقفل 9 طبعا مو كلها في زي السوبرماركت مفتوح 24 ساعة أشهرها الوال مارت _ كريست _ تارقت..
    في حدايق اشهرها hafer park وبحيرات أشهرها arcadia lake وطبعا في محلات للملابس والادوات المنزلية كلها قريبة من الجامعة ..
    مافيها نشاطات كثيرة بس ممكن تروحو لاوكلاهوما سيتي تبعد 20 دقيقة بالسيارة مو بعيدة كانها مدينة وحدة .. فيها 3 مولات ومطاعم ومطاعم عربية اشهرها زمزم أكله لذيذ.. فيها ملاهي والعاب زي تشكي تشيز وغيره .. فيها بقالة عربية أشهرها حلال مارت..
    مدينة ادموند فيها حضانات طبعا تتفاوت في السعر وكل ماكان الطفل أكبر كل ماقل السعر.. طبعا البيوت تختلف أسعارها بين 600_ 950 وممكن يزيد على حسب عدد الغرف..
    المدينة أمنة جدا..
    الطقس متقلب يعني أعملو حسابكم تيجيبو ملابس لجميع فصول السنة..
    الملابس والاشياء حسيتها غالية طبعا يختلف من مكان لاخر ..
    التكسي جدا غالي .. يعني الي جالس مدة لازم يشتري سيارة .. فيه باص بس يوصل داخل المدينة ممكن تاخذه معلوماته من المعهد أو الجامعة..
    هذا الي أفتكره وإذا أفتكرت شيء ثاني حأرجع أكتبه..
  2. الله يجزالك الجنة يأختي ويحفظك ...........موضوع بصراحة ولا اروع .......

    من جدا بالمره محتاجين معلومات عنها ........

    طيب

    1- وش الجامعات وافضلها .... ياليت تكتبي لنا الجامعات الموجوده
    2- المعاهد وافضلها وهل هي قوية .....ياليت تكتبي لنا المعاهد الموجودة
    3- كيف البيوت والشقق هل ألقى بيت من 3 غرف وحوله مزرعه وتقريبا كم يكون سعره
    4- وش اللى من الاغراض لما ذهبتي فقدتيه وماموجود هناك .....يعنى تمنيتي لو أخذتيه معالك
    5- هل فيه سوبرماركات عربية كثيره منتشره بالمنطقة
    6- هل زحمة المنطقة او عادي مافيه زحمة
    7- هل فيه نادي سعودي .....هل فيه شئ مركز او مساجد او دور مخصصة للنساء حتى نجتمع مع النساء
    ........

    وكل شئ تحسي بفيدنا ذكرية
    الله يجزاك الجنة
    7 "
  3. المشاركة الأصلية كتبت بواسطة بنت المعالي 22
    الله يجزالك الجنة يأختي ويحفظك ...........موضوع بصراحة ولا اروع .......

    من جدا بالمره محتاجين معلومات عنها ........
    اللهم امين .. تسلمي انا باكتب باختصار لاني اوقات ماافضى ومعليش على التقصير ..

    1- وش الجامعات وافضلها .... ياليت تكتبي لنا الجامعات الموجوده
    بالنسبة للجامعات أنا ماعندي معلومات عنها لاني في فترة لغة بس في جامعة UCO في ادموند قريبة من المعهد الي أنا فيه وفيه جامعة مسيحية تبع الكنيسة وفي في أوكلاهوما جامعتين
    2- المعاهد وافضلها وهل هي قوية .....ياليت تكتبي لنا المعاهد الموجودة
    في 3 معاهد في ادموند معهد TLC أنا فيه أعتقد أنه أفضل واحد .. الدراسة فيه مو مرة كويس يعني لازم تعتمدي على نفسك أكثر من المدرسين ولازم يكون عندك كلمات كثيرة .. نظامه 9 مستويات كل شهر تختبري واذا نجحتي تطلعي المستوى الي بعده بعد المستوى التاسع في كلاسات للتوفل وفيه عندهم اختبار التوفل تبع الجامعة يعني اذا عندك قبول في جامعة UCO تقدري تختبري التوفل في المعهد .. المعهد مليان سعوديين.. أكثر من 50 % من طلابها سعوديين
    في معهد تاني ESL هذا مايمدحوه كثير وفيه معهد تابع للكنيسة المسيحية..
    3- كيف البيوت والشقق هل ألقى بيت من 3 غرف وحوله مزرعه وتقريبا كم يكون سعره
    البيوت متوفرة في كل مكان تبغى جمب الجامعة والا بعيدة أغلبها كامبات واسعارها متفاوته فيه ب3 غرف بس أعتقد يزيد سعره عن 1000 دولار في الشهر طبعا على حسب الكامب
    البيوت اعتقد انها ارخص من الشقق مااعرف ليش هذا الي لاحظته يعني ممكن تلاقي بيت بدورين غرفتين وحمامين ب750 وقريب من الجامعة
    أنتي ممكن تسالي المسؤل في المعهد يعطيكي ورقة فيها ارقام وعناوين البيوت..
    4- وش اللى من الاغراض لما ذهبتي فقدتيه وماموجود هناك .....يعنى تمنيتي لو أخذتيه معالك
    بصراحة اشياء كثيرة فقدها هنا أشيائهم مو زي السعودية وأحسها غالية خامتها ماتستاهل .. أنا انصحك تجيبي معاكي ملابسك صيف وشتاء واذا عندك اطفال انصح تجيبيلهم ملابس للشتاء خصوصا الملابس الداخلية الي يلبسوها في الشتاء .. هنا اغلب لبس الشتاء بلايز قطنية كم طويل يعتمدو على الجاكيتات والجو مرة بارد في الشتاء وهم اظن متعودين لكن عيالنا بيمرضو بسرعة.. وماعندهم ادوات للمطبخ زي براد شاي انا صرت اسوي الشاي في براد القهوة الامريكية ماعندهم فناجين شاي وقهوة بصراحة فقدت سرفيس الرز هنا لقيته في تارقت بس ب10 دولار ومو كبير مرة
    يعني أنا لماارجع السعودية ان شاء الله اجيب معايا شوية أغراض للمطبخ وملابس ..
    5- هل فيه سوبرماركات عربية كثيره منتشره بالمنطقة
    السوبرماركات العربية في اوكلاهوما أشهرها حلال مارت فيه كل الي تبغيه بس اسعارهم أغلا من السوبرماركت العادي وعندهم لحم ودجاج طازج مذبوح حلال وبهارات ورز وبقوليات.. وفيه سوبرماركت صيني مرة حلو لقيت عنده براد وصحون ملامين بس شوية غالي فيه عنده سمك وخضار طازة وعنده الاندومي والاشياء الصينية مرة حلو..
    6- هل زحمة المنطقة او عادي مافيه زحمة
    المعهد مرة زحمة بس المدينة لا عادية حسيتها زي الهيئة الملكية في ينبع هادية ومنظمة
    7- هل فيه نادي سعودي .....هل فيه شئ مركز او مساجد او دور مخصصة للنساء حتى نجتمع مع النساء
    في نادي تابع للجامعه اذا في حفل سعودي والاشيء يبلغونا باوراق ومطبوعات تتوزع .. في مسجد صغير قريب من الجامعة هو بيت صغير لوسالتي في المعهد اوالجامعة يدلوكي عليه.. وفي اوكلاهوما في مسجدين كبيرة مرة وحلوة .. بالنسبة لتجمعات النساء طبعا فيه سعوديات ومن مناطق مختلفة بس أغلبهم من الشرقية والقطيف.. فيه من الرياض والغربية.. التجمعات بتكون في البيوت..
    ........

    وكل شئ تحسي بفيدنا ذكرية
    الله يجزاك الجنة
    أنا هذا الي اتذكرة اذا عندك استفسار عن شي واقدر اساعدك انشاء الله مااقصر
    7 "
  4. اسم المعهد التابع للجامعة the language company هذا الي انا فيه .. وبصراحة مااعرف اسماء المعاهد التانية بس تقدري تبحثي عنها في قوقل
    والجامعة University of Central Oklahoma هذا قريب من المعهد
    اما الجامعة الثانية هي الجامعة المسيحية .. مااعرف اسمها بصراحة
    تقدري تدخلي على موقع الوزارة وتلاقي الجامعات الي في ولاية اوكلاهوما والي تكون مقفلة عشان تختاري التخصص الي تبغيه
    7 "
  5. nosah2 يعطيك ألف عافيه على التوضيح و أعتذر نيابه عن السعوديين اللي في إدموند عن التقصير بالمعلومات عن المدينه و عن معاهدها و جامعاتها و هذي المشكله أنا عانيت منها قبل أن ادرس في ادموند بسبب شح المعلومات عن المدينه ...

    بالنسبه للمعاهد في مدينة إدموند في على حد علمي ثلاث معاهد :
    1- معهد English Language Center و هذا معهدي اللي قربت أخلص منه (أخيرا) و هو قريب من جامعة University of Central Oklahoma و محاذي لـ Central Plaza السكن المخصص لطلبة الجامعه وهو معهد جيد و هذا الـ website حق المعهد :::: ELC - English Language Center ::::

    2- معهد The Language Company و هذا المعهد داخل الحرم الجامعي لجامعة University of Central Oklahoma و هو معهد جيد جدا و هذا الـ website حق المعهد The Language Company - About the Center

    3- معهد داخل الحرم الجامعي لجامعة Oklahoma Christain University و لا أعرف أسم المعهد بالتحديد و لكن سأحاول أن اعرفه و هو معهد ممتاز جدا مع درجه من الصعوبه ...

    تحياتي ...
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.