مساعدة اغراض السفر

من واقع تجربه عايش في امريكا سنه ونص
الجزم الله يكرمك طيبه ولكن عند الثلج تحتاج بوت وافضل شي تشتريه من هنا كل شي متوفر هنا ياجماعه الخير مايحتاج تجيبو شي من السعوديه ترا عندنا جزم وملابس وخير كثير ان شاء الله
الكهرباء بصفه عامه ١١٠ ولا يوجد شي اسمه ٢٢٠ في امريكا ولا تنسى افياش التحويل وترا الادوات الكهربائيه هنا ارخص وافضل وجودتها عاليه
العده المدرسيه جيده رغم اني انصحك ماتكثر عفش وشناط من السعوديه في امريكا اقرب سوبر ماركت تحصل كل شي وتفادى الشراء من مكتبات الجامعه لانها غاليه روح للسوبر ماركت في مدينتك تلقى كل شي رخيص وابشرك فيه عندنا شي اسمه ابو دولار كل شي على دولار زي ابو ريال في السعوديه
بالنسبه للكريمات والخ كلها موجوده هنا واذا حاب تجيب شي يمشيك الايام الاولى فلا باس
زي ماقلتلك الكهرباء ١١٠ فقط وماتحتاج المحول يا اخي زياده عفش ووزن !!
الكتب ممتازة ولكن تاخذ وزن .. القاموس ممتاز ولكن ماراح تستخدم الا ترجمة قوقل وتذكرني بالخير
الاشياء الغذئية انصحك تاخذ الاتي
بهارات مشكله احرص على اخذها .. في امريكا موجوده ولكن ليست بجودة بهاراتنا
البن والهيل المطحون.. في امريكا موجود ولكن في البقالات العربيه في المدن الكبيرة فقط يصعب الوصول لها غالبا
التمر خذلك اثنين او ثلاث باكجات تمر .. هنا موجود ولكن ليس بجوده تمرنا وغير متوفر الا في البقالات العربيه لنفس السبب السابق
براد شاهي وبكرج حق القهوة .. موجود في امريكا ولكن اسعاره خرافيه..
الاشياء الاخرى
سجادات ثقيلة وخفيفه
المصحف
ثوب سعودي ومعداته (للاحتفالات والاعياد والمسجد)
هذا مايحضرني واي سؤال انا حاضر
وفقكم الله وتحياتي

السلام عليكم
اول شي انت في اي مدينه علشان اعرف الأغراض متوفره او لا

1-الجزم (الله يكرمكم) رياضه-وسكيني (الخفيفه) وحقت شياكه
ok

2- النعل نعالين -وزنوبه للطلعات
يكفي نعال وحده لأنك ما تحتاجها كثير الجو تقريبا برد على حسب الولايه اللي انت فيها

3- مكينة حلاقة وتنعيم / وغلايه الصاج (الكهربا 220) ويقولون مافيه 220 صح ولا؟
الغلايه ما يحتاج هنا تاخذها كهرب 110 وبسعر حوالي 12 $ او اكثرشوي على حسب الجوده هذي من الداخل بلاستك

4- دفاتر - كراسه -اقلام-مرسام-الوان- آله حاسبة (العده كامله المدرسيه)
مايحتاج هنا كل القرطاسيه متوفره وما راح تحتاج الا دفتر ابو 5 اقسام وقلم ومساحه ودفتر احتياط فقط ( اشترها من هنا افضل )

5- كريمات -فازلين- جل حلاقة وشعر-اسعافات أوليه - مشط -قصاصة الاظافر
كل هذي متوفره في كل مكان

6- مناديل -عطور -صابون -شامبو (تمشيت اول شهر )
ايضاً متوفره في اي مدينه

7- فيش ابو ثلاثه - توصيلة كهرباء - وباخذ محول للكهرباء من 110 لـ 220 (ماعندهم 220) صح ولا لا اتمنى احد يجاوبني ؟
الفيش ابو ثلاثه انتبه ترى الصغير اللي شكل سالب مو الدائري التوصيله متوفره في السوبر ماركات المحول ما يحتاج لأنكبتاخذ الغلايه من هنا

8- وكتب للتسليه - قاموس - كتاب اكس فورد الانجليزي
هذي كويسه لكن لا تكثر والقاموس جب معك قاموس اطلس اللإلكتروني علشان من عندك يكون الكي بورد عربي

9- شاهي - قدر صغير -اندومي -سكر صغير
الشاهي اوكيه لأناللي هنا نكهته غريبه قدر معقوله والأفضل اذا جيت هنا تاخذ طقم السكر متوفر جداً لا تجيب

10- ملابس
انا معك بالملابس لأن اللي هنا اسعارها متفاوته لكن هنا اللي ماركه ارخص


في النهايه من الأشياء المهمه اذا كنت راعي قهوه مثل ما ذكر الأخ امير خذ لك بكرج حق القهوه وخذ ابريق شاي صغير وفناجيل وبيالات
والقهوه جبها معك هي والتمر وكثر لأنها بتخلص وما فيه بجودتها هنا ابدا
ولا تنسى الكمبيوتر المحمول كي بورد عربي

توصل بالف سلامه وخير يارب ...

الشباب اللي قبلي مشاء الله عليهم ماقصرو بشي والله يجزيهم الف خير يارب ..

بس في شي اتوقع انه مهم وراح تحتاج ظروي اللي هو شطاف الرحلات اذا تقدر جيب معك واحد راح تحتاجه في الحمام وانت بكرامه ..


في شي حاول تنتبه له اللي هو الايفون اذا كان في جل بريك هما مرات مايفتشون عليه .. كمبيوترك انتبه من البرامج المكركرة وبعض الافلام مرات يفتشون " من باب احتياط خليك حريص" ...
خلي معك كمان بطاقتين صرافه مثلا "راجحي و اهلي" لا سمح الله في اول شهر ماتعرف ايش يحصل .. لان في بعض المحلات بعض البطاقات ماتعمل فيكون معك اثنين لاول اسبوع وبعدها تقدر تفتح لك حساب بنك امريكي وتيدع فيه فلوسك ..

بتوفيق يارب اتمنى لك بدايه طيبه ..

اشكركم على الردود
انا في مدينة Big rapids وسالت عنها واجابني احد الاخوان انها مدينة صغيره مو كل شي متوفر
ياليت صوره للفيش الي عندهم والمشكله مو بس الغلايه مكينة الحلاقه تقريبا اكثر الادوات الكهربائيه 220 عندهم وخايف اتورط وما القى محول عندهم
وهل المحول عندهم ارخص من هنا؟

كل الافياش 110 عندهم

ما ادري عن توفر الاشياء في مدينتك ولكن من شكلها في الخريطه صغيره و ما حولها شي قريب .

ممكن احد من اهل متشيقن يفيدك اكثر عنها .

اهلا طالب متورط
انا متورط مثلك ورحلتي لنفس المدينه ياليت اقدر انسق معك بوسيلة اتصال افضل ايميل او جوال

أشكركم كلكم وباخذ لي محول والله يعين وإن شاء الله ما ياثر علي

مشكلتي الان ان الغلايه استغني عنها عادي لكن مكينة الحلاقه كمان 220 وشكلي باخذ محول صغير لها واذا فيه احد يفيدني بالمدينة الي انا فيها

طيب للمناطق اللي فيها ثلج !!
هل لها تحضير معين ؟؟
من ناحية االملابس والكنادرأوالجزم الله يكرم الجميع
سؤال فيه ذكاء فاجأتكم : ) ياسلام

وهل ضروري حكاية المظلة أو الشمسية ف الثلج ؟؟
والبوصلة عشان القبلة ..
والسكن ف البداية احجز ف فندق من هنا ثم ادور .. وووو
بجد فيه شغلات كثيرة بتقلق .. لكن الله يعين
للأهمية UP