ابي رايكم بمعهد els اللي بشيكاغو

المعهد يجننننننننننننننننننن.. انا مره عجبني .. فيه خلطه من كل بلدان العالم الطلاب ..صح اننا السعودين فديييييت قلوبنا كثير بكل مكان ههههه.. بس برضو بهالمعهد اتراك اسبان برازيلين صينينن كورين يابانين .. كللللش موجود..

المعهد عنده سكن حقه .. حلو لانك تسكن مع طلاب المعهد ..طول الوقت جمعه وسواليف وتحت فيه اللونج .. وقدامه علا طول علا طول القطار يوصل لنص البلد بدقايق.. بس هذا مو المترو هذا قطار يسافر بين المدن..بس انه يمر بخطه علا هاذي المحطه فيوصل منها لوسط شيكاقو بس الصراحه انا ماعجبني السكن بسبب>> (لازم يكون عندك روم ميت او انك تدفع حق ٢- بعيد كثير عن المعهد بالمشي بس موفرين سياره تودي الطلاب- بعيد عن السوبرماركتات والمترو - شوي شوي يتحكمون فيك عالساعه ١٠ خلاص لازم كلن ببيته يسكرون الجلسه الي تحت)...

فنصيحتي>>> لاتسكن بسكنهم ..او خذه شهر واحد بس منها تجربه وعلا بالها تدور سكن،، واذا بيكون عندك سياره اتوقع انه يناسبك

في شارع اسمه هارلم ان ليك وحول المعهد في كم عماره حلوين واجاراتها كويسه واقرب لكل شي ... لان ترا منطقه المعهد ماهي بوسط شيكاقو نفسها .. لا كذا تحس انك علا الاطراف حتا بالعناوين انت بتكون بمكان اسمه رفر فورست مو شيكاقو.. لكن دقيقتين بالمترو وانت بنص البلد...

بالنسبه للخطوط اي شي غير الخطوط السعوديه ... لان بالمطارات اذا خطوط سعوديه حتطلع عييييينك ولطعااات الين تمر وتخلص اوراقك.. بس اذا جيت علا قطريه او بريطانيه امارتيه دقايق وانت مخلص .. الزبده اي خطوط ورحله مافيها سعودين كثير عشان تمشي امورك اسهل..

بالنسبه للشيشه ههههه اذا تقصد (شيشه جراك) ماشفت ولااتوقع فيه ابدا... اذا قصدك معسل ف مليااااااااااااااااااااان محلات .. في مكان اسمو الحمرا عجبني طاولات عادي جنب بعض واكل لبناني ومعسلات وفالليل يسير كانو حفله .. وفي مكان ثاني نسيت اسمو ،، بس جلسات عالارض وقدامك طاوله وبين كل جلسه وجلسه حاطين زي ستاير هههه بارتشن للعوائل .. مااعرف ماحبيتو لانك تحس انك لحالك مقفل عليك منتا مع الناس... وفي مقها ثاني بس الي يخدمون فيه عرب ومليان من عرب بعد..

اذا انت حول الحي العربي بتلاقي محلات المعسل الي يشتغلون فيها والزباين اغلبهم عرب،،، اذا انتا بمقاهي بعيد عن الحي العربي ،،الي يشتغلون واغلب الزباين يكونو اجانب..

موففففففق وانشالله تستااااااااااانس شيكاقو مره حلوه وغيييييير

ربي يسعدك يا رب
مشاء الله عليكي اجابات شافية وكافيه

وش رايك بالسكن مع عائله مو افضل

اهلاً اخ عبدالله أنا معك بنفس المعهد وبنفس موعد الدراسه بس دعواتك ان الفيزا تطلع لأني الصراحه مليت من هالسفاره 3 مرات اجل
دراستي
الاخت Houston -88 طمنتيني الله يعطيك العافيه لأني صراحه اسمع ناس كثير تسب المعهد بس ممكن سؤال انتي اي level?

تحياتي لكم جميعاً

عبود.. عن السكن مع عايله او بسكن المعهد>> اكيد انه مره ممتاز من حيث اللغه انك بتسير تمارسها دايم ويساعدوك لو بغيت تسال عن شي بتلاقي دايم احد حولك وماراح تضطر انك تتعاقد مع شركة نت او كهرب وهالامور كلها جاهزه وخالصه .. وانتا شكلك لحالك يعني منت ملزوم باخت والا زوجه والا اي مرافق .. فالسكن مع عايله حلو بس المهم انك تتوفق فناس كويسين .. تقدر مثل ماقلتلم اول شهر تسكن فسكنهم الين تشوف المنطقه وتختار بدل ماتدفع فندق.. الشهر عندهم ب ٩٠٠ وكل شقه فيها شخصين ،،بس لازم تقولهم من قبل لاتوصل عشان يوفرولك مكان..

مواطن.. في مدرسه وحده فالمعهد شوي شديده اسمها سوزان بس احسها تحب العيال السعودين هههه وتحب الواحد يمدحها تستاااانس.. وفي مدرسه عجوزه ومدرس افريقي مرررره هاذولي الاثنين طيبييييييين بطريقه مو طبيعيه بس نسيت اساميهم ههههه.. والبقيه والله كويسين ... والمدير والمشرفه مررره طيبييين ...يعني مافي احد شديد مره او انه مستحيل او مستقعد .. وصراحه الواحد اذا منجد يحضر ويحل واجباته ويذاكر يمشي... هم واجباتهم كثييييييييير كرف،، يعني تصحا تروح من الصباح للعصر ترجع يدوووب تخلص واجباتك وتذاكر وتنام ..احيان تحس تعب بس حنا هنا عشان ندرس يعني الواحد لازم يتحمل

انا حمدالله تخرجت وعقبالكم ياربي تتسهل دراستكم وتتخرجون باعلى الدرجات ..

هلا وغلا اخوي مواطن يارب تطلع فيزه اخوي مواطن

الله يسهل علينا وعليكم ياارب ؛؛؛؛؛

والاخت Houston -88 ما قصرت ربي يوفقها بدراستها ويسعدها ياارب

لاكن انت وش رايك بتسكن في المعهد ولا خارج المعهد

هلا وغلا خيتو
رايك مناسب اللي هو تاخذ شهر بالمعهد وبعدها ممكن ادور لي عائله مناسبة
اي صادقه انا لحالي
وبالنسبة لسوزان تبشر بالمدح بس ننجح الله يطمنك قلبك
ويوفقك بدراستك وترجعين رافعه راسك اهلك ياارب

اخوي مواطن باي خطوط تبي تروح عليها

انا حصلت الاتحاد دايركت لشيكاغو وشكلة افضل خيار

الاخ عبدالله انا اسف على التأخر بالرد بس تويتر ماخذ كل وقتي <<< يعني اني مثقف
بالنسبه للخطوط الصراحه مابحثت خل فيزتي تطلع وماعندي مشكله لو اروح على باص مناحي بس اشوف اغلب الناس يمدحون القطريه ,,,
وبالنسبه للسكن انا مفكر اسكن مع عائله كم شهر لين اعرف الديره واذا شفت فيها فائده اكملت كل فترة اللغه معها ,,,

الاخت houston بالنسبه لسوزان انا بقولها جايك من طرف houston
وشكرا اد الدنيا على المعلومات الكافيه والوافيه والله يوفقك بدراستك الجامعيه ان شاء الله

طيب عبدالله انت بكالوريوس؟؟