أرجو من الأخوة في كلايفلاند اوهايو المساعدة

هلا و مرحبا بأبو فراس

يا اخوي اعذرني ما معي مووووتر ولا كان استقبلناكـ و نقوم بالواجب

ولكـن بأفيدكـ بعده اشياء

1- السكن مع عائله فـي كليفلاند نآآدر تلقى العائله مناسبه لكـ ! + البعد عن الداون تاون يعني بالقليل 45 دقيقه و بقطار و باص يالله تاصل معهدكـ

2 - اغلب الشباب يسكنون بالفندق بدايه الامر يشوف اوضاعه بالديره و يقرر ( فندق الديز ان بالشهر تدفع 600 دولار تقريبا )

3 - انتبه انتبه انتبه و احذر احذر احذر تطلع بالليل لحالكـ خلكـ بعد مغيب الشمس فـ البيت اامن لك بوااجد << ما اخوفكـ بس الحذر واجب و انا خوك الديره 60 % تقريبا ذوي البشره السوداء و نسبه كبيره مشردين ! و شباب صادفو انهم انطقوا و انسرقوا بطلعت الليل ! الا اذا معك سياره دززز ولا توقف !


و انصحكـ انكـ تقدم على معهد ESL CLEVELAND STATE UNIVERSITY معهد تبع جامعه 4 ليفلات كل لفل سمستر تخلصهم انت بالجامعه !

لان في شباب واجد يشتكون من ELS و يحولون عندنا !

اي استفسار حآآضرين

موفق خــير

اخي عمر

شكرا على المعلومات القيمة ..راح اخذها بعين الاعتبار ..

بالنسبة للمعهد انا في معهد ELS في Case western university ,ما ادري المعهد هذا زين ؟ وهل التحويل منه سهل اذا بغيت احول لممعهد اللي قلت لي عليه؟
في سؤال بعد هل تعرف أحد سكن في سكن الخاص بالمعهد في الCase western ؟ او عندك معلومة اذا كان مناسب ونظيف؟

ويعطيك العافية...

هلا بك اخوي
اني ما انصحك بسكن العوايل ابدا اسأل مجرب ... طبعا هنا العوايل مره فقيره يعني سكنهم مش ولا بد اني جربت عايلتين واللحين طلعت وسكنت بفندق ....... وما حصلت شقه إلا بطلعت الروح بعد شهر انقل فيها
ومعهد ELS اطلع منه اذا كانت لغك مشولا بد واني متاجده بعد حاليا فيه وكل سعديين .. تصدق بالله احنا 15 طالب وطالبه كلنا سعوديين .. يعني كأنك دارس بالسعوديه وكله دجه وطلعات
واني ماعندي لغه طبعا فلغتي للحين ما تطورة وصاحبتي مثلي واعظم بس كان قبولها في ESL لكن ماشاءالله اللحين صارت اطلق مني الدراسه فيه صعبه بس من جد تستفيد
وبالنسبه قبول معهد ESL تبع جامعة كليفلاند قبوله مو مره صعب وتوني جايبه لي قبول منه وعلى شهر MAY ان شاءالله راح ابتدي دراسه بس اول ماتجي تروح ع الجامعه عند وحده سمها أولفتينا بمجمع junk hall بالطابق الثالث وتطلب منها قبول وراح تعطيك ورقه تعبيها وتقولك جيب معاك صوره من جوازك و I_20 الاصل والفيزا وI_94 وما اذكر بعد اذا في اوراق غيرها

وباقي النصايح مثل ماتفضل الاخ وقالك طلعات بعد الساعه 6 المغرب لا تفكر حتى الشوارع تشوفها فاضيه واني ساكنه بالدون تون صار لي شهر ما شفت إلا كل خير بس تجنب الطلعات ومايجيك شي


موفق خيووووو ....

Welcom to Cleveland

والله يا اخي العزيز ما ادري انا بكليفلاند ستيت << تبعد حروه 10 دقايق عن كيست ولا قد طبيتها !

انصحكـ انكـ تدرسي ب esl ولكن تذكر في كل مكاان سعودييين بمعنا اذا ما سحبت عليهم ولا درست اول باول فـ كانك يا بو زيد ما غزيت

المعهد قوي نسبيا و يهمهم الحضوور و حل الواجباات << نااس ما شاء الله لغتهم فلته و محفرين بسبب الغيااباات !

و بعد المعهد على طووول تدخل الجامعه

الصرااحه انا لو ان الجامعه ماهيب عاجبتني كاان سحبت على كليفلاند بكبرها بس الجامعه حلوه و المعهد قوي << و انا ساكن بسكن الجامعه Fenn Tower


موفق خـــيـــر

ايه صدق

ابي انبهك على شغله

جامعه كيست مأجره مبنى لمعهد ELS في حرم الجامعه و المصيبه انه ماهيب معترفه فيـــه !

يا تجيب التوفل ولا الاليتس !

الأخت بنوتة

شكرا لنصائحك الجميلة ...اللغة عندي وسط ..يعني بنمشيها ان شالله والهدف نعدي المستوى الأخير وندخل جامعتنا ..

بالنسبة للعوائل ..معقولة كلايفلاند كلها ما فيها ولا عائلة زي الناس ؟؟ جد جاني احباط...لأنه هي الفرصة الوحيدة اللي ممكن نتعلم لغة

الله يعين نوصل بالسلامة ان شالله وتتسهل ..

أخي عمر ..

يعطيك العافية على نصائحك الحلوة

شكرا جزيلا لك ...

عن إذن صاحب الموضوع:
شكراً لصاحب الموضوع أولاً ولكل من شارك فقد استفدت منه الكثير..
أنا طالب ماجستير مالية عندي قبول على معهد ELS اللي في جامعة كيس . عندي كم استفسار إذا ما عليكم أمر:

1- في حال الحصول على ليفل 112 في المعهد هل يكون هذا عوضاً عن الأيلتس إذا أردت التقديم على جامعة كيس وإلا لازم الأيلتس مثل ما فهمت من كلام أخ عمر أرجو التوضيح للأهمية
2- بالنسبة لتكلفة السكن في الفندق هل هي شاملة الماء والكهرباء والنت أو لا وفي حال حجز غرفة هل ممكن أكون مع صاحبي في نفس الغرفة يعني 600 دولار فقط للإثنين . وكم المسافة مشياً على الأقدام من الفندق إلى المعهد وإذا كانت بعيدة هل هناك مواصلات باشتراك معين.

3- ما هي أفضل الأماكن للسكن للعزاب بسعر مناسب وآمن ومرتب ويفضل تكون المسافة قريبة للمشي على الأقدام ممكن تزودونا بروابط وأمكان للسكن
4- هل المكافأة مناسبة لطالب الماجستير الأعزب (ما هو معدل المصروف الشهري) وهل عندك علم بخصوص قيمة الكتب التقريبية للسمستر بجامعة كيس لتخصص المالية

إذا كان لديكم أية نصيحة حتى لو كانت صغيرة في نظركم فهي مهمة جداً بالنسبة لي أعتذر لصاحب الموضوع وعذراً على الإطالة وفي إنتظار إجاباتكم أحبتي يا من عودتمونا على كرمكم السخي وشكراً جزيلاً مقدماً لكم جميعاً

هلا و مرحبا يا خوي

بعد اذن ابو فراس بأجاوب عليكـ بالي اعرفه !

1 - الي اعرفه انهم مش معترررف يعني يا تجيب التوفل ولا الايلتس ! << والله وجيهم مغسوله بمرق مأجرين المبنى عليهم ولا هم معترفين فيهم !

2 - السكن الي ذكرته تقريبا نجمه نجمه و نص ! اسم الفندق ديزز ان ( غيروه ل يونفرستي مدري وش ما يحضرني الاسم للأسف ) , في شقق غرفه و صاله و مطبخ ب 700 في الشهر و عليك الاثاث و العقد سنه !
المكافئه تكفي اذا وزنتها صح << مع احترامي الشديد لبعض المبتعثين يقول ما تكفي و هو ما غير يشري بالماركات و مسوي انا الي جالس على بنكـ الراجحي ! ( كلامي للبلدان الرخيصه فقط مب كالفورنيا ولا لوس انجلس ) , و المواصلات موجوده بس عز الله انها قلبت رااس ارقام الباصات و القطارات يبيلكـ وقت عشان تحفظ و توكدهم و اشتراكها ب 25 دولار للسمستر ( هذا بالنسبه لطلاب جامعه كليفلاند ستيت ما ادري عن جامعتك ! )


3 - للأسف يا اخوي ما عندي روابط و العمارات واجد كلها على شارع اليوكلد تقاطع 12

4 المصرووف يرجع لكـ انت انا بشهر ما صرفت الا 1200 تقريبا ! هذي حقت السكن الجامعي مع الميل بلان بس !
و الكتب مدري والله ما اقدر افتيكـ

انا نصيحتي لكل واحد يجي كليفلاند بعد مغيب الشمس حاول لاا تطلع من بيتكم الا اذا كنتم مجموعه 4 و فووق و قلوبكم جامده << والله ماهب تخوييف لكن الحرص مطلووب خواال ما ينلعب معهم

اذا عندك سيااره امورك عسل اطلع وين ما تطلع لا صار لك شئ دزز و دق على 911


و سلامتكـ