كليفلاند اوهايو .. الأمان فيها و السكن ؟

اهلا و سهلا،،
انا بصراحة لست من سكن كليفلاند، لكني سأنتقل في الصيف الى كليفلاند ، وحسب ما فهمته من الاخوان هناك، ان في مبالغة في تصوير المدينة بأنها خطرة وساحة جرائم. لا ينصح بالخروج في الليل ، وينبغي اتباع قواعد الحذر ، وهذا ينطبق على كل مكان في امريكا.
بخصوص السكن، في مجمعات سكنية وبنايات حلوة ، لكن يعتمد انتي وين دراستك

ان شاء الله الاخوان ما يقصرون ويساعدونك

هلاااا خيتوووو
خيتوووو لا تخاافي كل مكان في جرائم بس انتين ابتعدي عن الاماكن المشبوهه ومايجي إلا كل خير وعافيه
شوفي انا قبل ماجي الكل يقولي كليفلاند خطيره ومادري ايش وخوفوني منها لدرجة اني حسيتها مثل الافلام اللي في تي في
لكن والله اني موجوده صار لي شهر الحمدلله بروحي وفي اخطر منطقة الدون تون وماجاني إلا كل خير بس من تجي المغرب خلاص ما تطلعي إلا اذا عندك سياره طبعاً وانتبهي لنفسك وماعليك إلا العافيه خيتووو

بالنسبه للسكن اول ماتجي اسكني بفندق وبعدين تشوفي لك سكن ع مزاجك احسن
وفي سكن الجامعه بس هذا غالي شوي وبصراحه اني شخصيا ماعجبني وفي شقق واني شاكنه بشقه وفي منطقه كلها سعوديين بس اني ما افضل اسكن فيها لاني جايه ادرس لغه وبكذا ماراح استفيد

وبصراحه اني جديده هنا وما ادل اماكن واجد


موفقه خيتوووووو

يعطيكم العافيه ع الرد
الدراسه في كليفلاند ستيت .. و حابه اسكن بعيد عن الداون تاون في مقترحات ؟؟؟

امممممم ..... والله خيتو في شقق قريب جامعة .. case ... وهذي ع نفس امتداد الشارع فتروحي وتجي في باص ياخذ تقريبا 18 دقيقه ......... ........ وفي في الشيكر بس يمكن تاخذي ثلث ساعه او نص ساعه بالقطار
وفي بارما وهذي تاخذي تقريبا ساعه إلاربع طبعا بسياره و هذي المنطقه الكل يمدحها لانها راقيه جدا بس بعيده
وفي منطقة اللو رن وحتى هذي تجي منها بسياره وهذي المنطقه بالذات كلها عرب حتى اللي يبيعو في البقالات .......

وطبعا كل العناوين مش موجوده عندي بس اقدر اوفرها لك هاليومين ان شاءالله

موفقين جميعا

السلام عليكم
كيفكم شباب بنات
كيفك يا بنوته 123
انا جيت يوم الاثنين تاريخ 2012/2/18
وانا ساكن في فندق حول داون تاون
اكثر السكان بشرتهم سمر
الامان <=> مو مره تسمع صوت الدوريات
عادي اطلع الساعه 9 في اليل


انا بتبدى دراستي في المعهد يوم الاثنين 2012/2/27

وشكراً
اخوكم // احمد محمد سعيد

انا تمام واموري الحمدلله كلها كويسه
قبل شهر كنا نحاتي وحنا بالسعوديه وكنا نبي اللي يساعدنا واللحين الحمدلله صرنا نساعد غيرنا


يا اخ أحمد بالفعل بالنسبه لك مو خطير تطلع بالليل بس بالنسبه للبنات اني اشوفها صعبه بالله ما تشوف سكارى حتى وانت تمشي في حال سبيلك لازم تلقى كم كلمه منهم يعني بنت وتطلع اخر اللي احس مادري كيف في خوف عليها لكن اذا كانو مجموعه فاني اقولك الشي طبيعي ثلاث اربع بنات عادي
وصوت الدوريات صاج امنا صج صبح عصر ليل اخر ليل

موفق خيووو أحمد وحياك في معهدنا السعودي ELS

وفي الاخير القرار راجع لك يا اخت leena انا بصراحه ساكنه قريب جامعة كليفلاند ولا احتاج لا سياره ولا شي في الوصول لها
انا راح اعطيك كل العناوين ان شاءالله وانتي اختاري المكان اللي يريحك

أهلا بكم نورتوا كليفلاند,,
كليفلاند مدينة دراسية بس مو معناته انها صغيرة بالعكس تعتبر متوسطة وفيها مطار دولي
ومن ناحية الامان فهي امنة بشكل عام ماعدا مناطق معدودة منها الإيست وبلعكس بالنسبة لداون تاون فـ هو امن
بما انك راح تدرسي في السي اس يو فانصحك بالسكن المقابل للجامعة عناون 1900 على اليوكلد صح اغلى شوي من غيره
لكن يعتبر موقعه مميز بجانبه بقالة و مطاعم و المبنى نظيف وفيه سكوريتي 24 ساعة
واذا في اي استفسار ثاني لا يردكم الا الكيبورد وهذا موضوع يتكلم عن كليفلاند بالتفصيل
http://www.mbt3th.us/vb/forum41/thread239041.html
عندي بس ملاحظة للي بيدرسوا في معهد اي ال اس لا تعتمدوا على المعهد في الدراسة
لانه شبه فاشل وافضل لو تقدروا تنقلوا الى معهد تراي سي او اي اس إل

طيب انا ابغالي قبول معهد جامعه في كليفلاند

اي احد منكم تكفون انا لي 5 شهور في واشنطن والله ماعرف احد يجيبلي قبول في كليفلاند

والله نزلت موضوع وسويت كل شي ماحد عطاني وجه

معليش على الرد الشاطح بس قلت يمكن الردود افضل من انك تنزل موضوع

وانا اعتذر لصاحب الموضوع على ردي

هلا اخوي ماتحتاج احد يجيب لك قبول هذا رابط ابلكيشن المعهد
IELP Application, English as a Second Language - Cleveland State University
بس عليك انك تعبيه وترسل لهم الوثائق وان شاء الله سهالات