بعد تعب انا الان في شيكاغو وما اعرف شي الله يوفق ويرزق الي يساعدني

September 3rd, 2012, 11:31 PM

السلام عليكم
بعد معاناة وتضييع سنة من ورى اهمالي كنت ناوي على امريكا بعدين صارت ظروف وحولت على نيوزلندا وما بقى شي الا اني اقطع تذكره وامشي بس ما رحت ورجع اخوي من امريكا برمضان وحمسني لامريكا من جديد والحمد لله سافرت وانا الان في شيكاغو بالفندق حبيت احطكم بصورة كل شي وعمري شوي ويصير 20 سنة .
طبعا كانت رحلتي كانت من الرياض الى لندن الى شيكاغو طبعا انا لغتي مب زياده والي دبرني بالمطارات هناك سعوديين الله يوفقنا واياهم . انا لما كنت بلندن جوالي كان يدق ويستقبل جوالي سوا بس امريكا مادق بس يستقبل وهذا الي وهقني اكثر اني مقدر اكلم اهلي اذا بغيت شي ضروري لما اكلمهم ياخذ مني رصيد كاني عندهم بالسعودية والحين لا حس ولا خبر اخاف خلص رصيدي وما هم يدقون ولا يمسك الخط . دراستي بمعهد ديبول 5 سبتمبر ان شاء الله يعني انا بمرحلة اللغة على فكره مع القبول عطوني ورقة تطعيمات هم تطعيمين ثنين رحت لمستشفى سليمان الحبيب وما لقيت الا واحد جبته معي لامريكا ودورت بمستشفى ثاني ومستوصفات بس ما لقيت لان لازم اروح مستشفيات مب للصيدليات اشتريه وبعد لان الساعه كانت حول 8 العشاء ولازم اكون بالمطار الساعه 10 وما تأكد حجزي الا نفس اليوم الي سافرت فيه . ومدري وش اسوي خصوصا ان ما معي بطاقه صراف يعني اذا خلص الكاش مصيبة لان الفندق الي انا فيه 160 دولار الليلة الوحدة والان هذي 2 ليلة هو تقريبا قريب من المعهد لاني يوم كنت بالتكسي وراني ياه السواق كان باكستاني محترم و طيب بس غير الصور الي شفتها بالنت انا شفت بالنت مباني لونها احمر بس الي شفته مع التكسي حديد وقزاز زي فروع البنوك يمكن هذا معهدك اللغة غير والي بالانترنت كام مباني الجامعه ؟؟؟؟؟؟؟؟؟؟؟؟ . عندي اخو بكليفلاند قال بدبرلي خوي له بس للحين ما صار شي هالكلام امس حول 7 مساء بتوقيت شيكاغو اخر مرة كلمته والان اكتب موضوعي بثاني يوم الساعه 3:23 عصرا بتوقيت شيكاغو . ابي احد يعلمني وش اسوي لاني بكربه والله يا اخواني لو انا ببلد عربي كان ادبر نفسي بس هالبلد ضخمة وغير لغة وبعد ما انكر اني مهمل اني ما كلمت احد قبل ما اوصل للمدينة بس الي صار صار وتعلمت من خطأي . يمكن البعض يقول لازم تعتمد على نفسك وانا اقوله معك حق وهذا الي بصير ان شاء الله بس ابي واحد يحطني على الطريق وانا اكمل لحالي فهمتوا قصدي . ادري كلامي مب متناسق بس الي عندي قلته كأني اكلم واحد قدامي .
ساعدوا اخوكم وابن بلدكم .

• نشر عبر تويتر
• نشر عبر فيسبوك
• نشر عبر جوجل