مبتعث جديد في كليفلند شقه + سياره

السلام عليكم
أخوي أنا عندي معلومات عن الشقق. موقع الجامعة في الداون تاون واقرب البنايات لها هي Reserve square كنت ساكنه فيه مبنى راقي جدا و فيه سوبر ماركت و الخليجين عاملين فيه مسجد و فيه سكيوريتي و تعامل الليزينق اوفيس اكثر من رائع و العمارة بعد الساعة 6 مساء تتقفل و ما تقدر تدخل الا اذا كنت من السكان و معاك الفاب.
cheaster field تصميم الشقق حلو بس انا ما عجبني لأن الدخلو للعمارة سهل و السكيوريتي مو مره مشددين يعني يدوب توقع على ورقة الضيوف وخلاص.
statler arms بشهادة بعض البنات يقولوا ان مره كويس و الفرق اللي بينه و بين بقية المباني اللي ذكرتها ان فيه غسالة في الشقة .
و أي سؤال ثاني أنا حاضرة و الله يوفقك و يوفق الجميع يارب

جزاكي الله خير بخصوص الاثاث فيه بعض الشقق يجهزونها بالاثاث ما ادري هل هم يجهزونها لو ادفع لهم زياده بس اهم شي اشتري دماغي من الاثاث
ويعطيك العافيه والله توقعت ان موضوعي ما احد راح يرد علية
مع اني ادري ان السعوديين كثير هناك بس مدري ليش ما احد رد
وبخصوص السياره هل اقدر امشي اول شهر بدون سياره لاني ابي ادور سياره مدري كيف

بخصوص الأثاث تقدر تشتريه من محلات الأثاث مثل Target و ممكن تلاقي اشياء في سوبرماركت walmart و بخصوص الأثاث اللي من نفس البناية ممكن تلاقي . حيعطوك رقم الشركة و عندهم تأجير و الدفع بالشهر او الأسبوع على كيفك . و بخصوص السيارة أنا أحس انك اول شهر ما راح تحتاجها لأن الجامعة تبعد عن المباني اللي ذكرتها من قبل 10 دقايق مشي . و عندك الباصات مره مريحة تقدر تشتري تذكرة يوم من المحطات . أما تذكرة الأسبوع و الشهر تقدر تشتريها من مكان اسمه Tower city لو سألت اي أحد عنه حيدلك عليه على طول.