حوار العلاقة بين المبتعث و المبتعثة السعودية

مع نفسك يانونا

اعتقد انها نفسية وتعود للشخص نفسه

ما حد غلطان لا البنت ولا الولد لكن حنا ممكن تربينا ونشأنا من الصغر انه حرام او عيب او اي مسمى اخر انك تتكلم او تسلم على بنت فالموضوع متأصل بالاغلبية وانا واحد منهم

ايش هذا الرد بس الله يهديك لا نفسية ولا شي أنا أنقل لك كلام الحريم ووجهات نظرهم بس وعن نفسي أعرف إني خجولة ولساعي جديدة وما تأقلمت مو نفسية
وأنا قصدي من ذا كله إني انقهر لمن سعودي يحتاج إن بنت تساعده بس مايقدر يطلبها و يطلب غيرها أو هي تحتاج معلومة وتسأل غير السعودي ( في أمور الدراسة داخل الكلاس فقط أو الاختبارات يعني كلمة ورد غطاها)
بس مرة ثانية لو حسيت أحد محتاج مني مساعده بساعدحتى لو ايش ماكان و في نفس الوقت ما أبغى السعودي يحس إن البنات والحريم متكبرات عليه و ياليت مرة ثانية تختار ألفاظ أحسن و اذا ماعجبك الموضوع لا تشارك

يا أخ صوت المطر شكرا عالمشاركة - البنات اللي حولي كلهم متحجبات ولابسين عبايات وملابس وسيعة و متزوجات لا تفهم غلط - مع كذا يتجنبون السعوديين المتزوجين المحترمين مو حقين البارات
بعدين حنا في مرحلة اللغة معانا صينين

- - - مشاركة محدثة - - -

ارجو من الإدارة حذف الموضوع لأنه للأسف البعض فهم غلط

انا لو معاي فالكلاس بنات سعوديات بطق معاهم سوالف وصحبه ، عادي يكون في صداقه بين الجنسين ايش المشكله وكلن يرى الناس بعين طبعه

انا مافهمتك غلط يااخت نونا ولو اعدتي النظر في ردي راح يتبين لك اني فاهمك

وآنا بصراحة من الناس الي تعاني من التوتر في اي علاقة مع البنت سعودية

وبالنسبة للتصرفات ، آنا اقصد آن التصرفات السلبية للبنت والشاب السعودي اثرت على العلاقة بين الجنسين
بكلام اخر، اصبحنا نظن آن كل او اغلب الشباب والبنات السعوديات يتصرفون بنفس التصرفات، وبالتالي نخشى الاحتكاك معهم...

آنا بصراحة مقهور آنك مافهمتي فكرتي بعد هالشرح والزبرقه في الالوان ههههههههههههه

ع العموم آنا لا اشكك في شرف وطهارة اي بنت سعودية مهما صار ولكن كنت اقصد آن هناااك عاادات وتقاليد ليست من الدين في شيء واثرت علينا في فهم الجنس الاخر..
وآن هنااك عيــنات من مجتمعنا شوهت الصورة الجميلة للبنت والشاب المحترم
وآن الثقة اصبحت منزوعة من الجنس الاخر وخاصةً ((الشاب)) لسبب بسيط وهو آنه كـان متوحش ومفترس في مخيلة البنت السعودية قبل الاغتراب والسفر
وكلنا سمعنا بقصص نشر الصور والمقاطع وووالخ... ثم اصبحت البنت السعودية((الفريسة)) مع الشاب((المفترس)) وفي نظرتها علامة استفهام ؟ ولسان الحال يقول: وش يبي مني؟


تـــــح ـــــيـــاتي

.. والله كلن وتربيته ..

الحمدلله ..دامنا نخاف ربي ..ونيتنا شريفه ..

مافيها شيء ..لو تحتاجي سؤال او ترجمه او الخ ..تسالين ..السعوديين ..


ماقولك ..دقيها سوالف ...كل شيء ..حلو مع الحياء ..

بحدود الكلاس ...بحث ..هومورك ..اختبارات ..


احنا كلاسنا ...اغلبه سعوديين ماشاء الله ..محترمين ..والاجابات ..وكل شيء مانعرفه نتشارك فيه ..


طلع براسي موقف وانا اكتب هالرد (( شطحه ))

تقول وحده من صديقاتي ...التيتشر حقتهم ..قربت منها قالت عادي المسك ..وهي تبقق عيونها صديقتي قالت اي عادي ..ي تيتشر ...

ههههههههههههههههههههه الوكاد ان التيتشر اخذه فكره ان السعوديه ماتلمس (( ي فديتنا )) هيبه ..

بشكل عام


نحن لا ننشى بالخارج علاقات الا علاقة الاخوة مع بعضهم البعض نحن بلد بعيد عن ديارنا وهدفنا الوحيد اتين من اجله طلب العلم
هناك من بعض الاخوة والاخوات يوجد توتر العلاقات لانهم من نفس مجتمعهم ولكن ما نقول اننا في الخارج يختلف تماما عما نحن في مملكتنا
مثل ما قال في بعض الاعضاء ان تكون في حدود المعقول سوا كانت سعودية ام اجنبية حتى لا تكبر المساله في ذاتها ولكن لنجعل الطلاب مصدر ثقة لنا
فنحن جميع اتون لمصدر واحد