مساعدة استفسار عن السكن + الدراسة في هالجامعتين سان انتونيو تكساس واوماها - نيبراسكا ماجستير

السلام عليكم ورحمه الله وبركاته

اخواني الأعضاء الأعزاء

بعد التحية والإكرام ,

أشكركم جميعا والله يعلم ان هالمنتدى فادني بالآونه الأخيره سواء لتسهيله على الطلاب او حتى سرعة الردود على الأمور وبالتفاصيل الدقيقة .

الأعزاء الكرام ,

الحمد لله رب العالمين جاني قبول للدراسة لمرحلة الماجستير في هالجامعتين :

1- جامعة تكساس - سان انتونيو UTSA
University of Texas at San Antonio

2- جامعة نيبراسكا - أوماها Unomaha
University of Nebraska - Omaha

ماشاء الله ,

طبعا للأمانة تعبت علشان أحصل هالقبولين , والحلو بالموضوع ان اغلب الجامعات ماردت علي إلا هم فعزمت خلاص ان اتوكل على الله واروح لأحد هالجامعتين .

وقت الدراسة - صيف 2013 ( السمر الجاي ) .

الي أبغى أعرفه هو :

1- السكن كم أسعار الشقق وهل حد يفيدني بشقه قريبه جدا من كل جامعة وبسعر متعارف عليه وبنفس الوقت يفضل تكون مفروشه .
مع العلم ابغاها تكون جنب الخليجيين لأني بروح عزوبي وعقب باخذ المدام معاي . غير كذا ماحب ابتدي واسكن مع حد يفضل بروحي .

2- الدراسة للماجستير كيف صعبه وله سهله ؟ هل التدريس شديد عندهم ام يتساهلون بحيث ان الواحد يكمل دراسته وهو متطمن ؟
للعلم الإنجليزي عندي في التحدث بالذات شوي لكم عليه لكن افهم شيقولون بشكل عام . لكن عيبي بالكتابه اخطاء أملائيه علشان كذا طلبت الدراسة Non - Thesis فهل الي سويته صح ام غلط ؟


اخيرا ان كان حد ناوي يمشي بالصيف الجاي يبلغنا نصادقه من الحين والوعد اهناك سواء بالجامعه هذي او ذيك .

والله يوفقكم ويسهل علينا ويوفقنا وياكم .

أخوكم مبتعث جديد - حسين بن أحمد