اي سعودي في Ames, Iowa اي بني ادم يتكلم عربي في هالديرة....

ياخي تالم خل عندك شوي دم /:


يا ناس ردو عليه والله يحزن


والله ياخوك انا انصحك انك تبقى كذا ما تحتك في اللغة العربية كثير وخاصة انه دوبك جاي تعلم اللغة وبعدين شوي اي واحد يتكلم ا ب ت ث ... الخ

السلام عليكم

بدون مقدمات سافر وبدون تردد مدينة روعة للدراسة فقط غير كذا مدينة مملة . الجامعة جدا ممتمكنة وفيها جميع الفسيلتي . عشت هناك سنة من أحلى أيام حياتي كنت مبتعث للغة فقط . المدينة أمنة بإذن الله ( يعني كنك بالسعودية ما فرقت بالبعكس أكثر أمن ) بصراحة ودي اعلمك كل شي بس ما ادري انت رايح عزابي أو متزوج لانها تفرق انا كنت عايلة وكنت جدا مرتاح فيها مركز اسلامي والاخوان متعاونين جدا وفية فعالية كثيرة مقارنة على أنها قرية فيه محل عربي فيه فلسطيني محترم وفيه مطعم في نفس المحل بس الله يهدية شوي رافع الاسعار مو مرة. الحدايق للاطفال بكل مكان مليانه فيها مطار صغير تجاري فقط بس كنت استخدمها لاني كنت استاجر سيارة من هرتز من عندهم دايم عندهم عروض روعه . وميزة المدينة أنها قريبة من كل شي كنت كل ويكند في مدينة شيكاغو ، اوماها ، مينسوتا ، أيوا سيتي .... للتنقل داخل المدينة في باص مجانا بشرط انك تدرس بالجامعة ( الجامعة هي المقومة المدينة ) ما تحتاج سيارة الي في الويكند اذا كنت راعي طلعات ، العاصمة دي مون قريبة منها ساعة الا ربع وفيها مركز اسلامي بس ماهو زي اميس. اميس مرتب اكثر لكن ميزة دي مون فيها بقالة عربية ما شاء الله فيها كل شي . واذا كنت مدمين مطاعم عربية وهذا الي بيصير لانك بتمل من البيتزا والبرجر الله يديم النعمة مينسوتا قريبة حوالي ساعتين او ثلاث ومليانه على الاخر.

الحين نبدا بالعيوب المدينة بحكم انها قرية في الاجازات الطويلة تعتبر مقبرة مافي احد لان اغلب السكان طلاب وتخبر الاجازات حط رجلك السلبية الثانية ان اذا كان عندك اطفال حاول تسجلهم في الحضانة بدري لانك بتتعب ماتحصل حضانة فاضية وتنتضر على الويتنق ليست في حضانات كثير وسجلت بنتي بعد شهرين بحضانة بعيدة بس كنت ابي الحضانة الي في وسط الجامعة وانصح فيها بقوة وتخيل يوم رجعت ارسلو لي قالوا نبشرك في واحد طلع جب ولدك بدري . العيب الاخير بحكم أن الولاية قريبة من الشمال يعني البرد حدث ولا حرج لكن من تدخل البيت أو الجامعة أنس السالفة الجو طبيعي طبعا البرد مو زي بردنا يدخل في العظم بس شوي ناشف علشان كذا نستخدم جهاز البخار في البيت طبيعي حتى في السعودية احيانا نسوية يرطب الجو

على فكرة في موقع اسمه CRAigslist روعه فيه كل شي اذا حبيت تشتري سيارة او تستاجر بيت وغيره

عموما اذا تبي الفايدة رووووووووووووووووووووح بس اذا ماكنت متزوج فيها شوي ملل انا ماجربتها لان عايلة كانت معي بس اسمع الشباب يقولون بس يمدحون الجامعة في عدة اقسام يكفيها اخذ واحد من دكاترتهم جائزة نوبل للكيمياء 2011 او 2010 على انه يهودي بس تحسب للجامعة انها تستقطب كفاءاة

فكر و استخر واذا عندك اي سؤال انت أو اي شخص رايح لاميس هذا ايميلي KFA2004@HOTMAIL.COM

انا فيها وحياك الله بس قلي متى وصولك واي مطار وابشر وانا اخووك بالي يزبطك

ممكن احد يكلمني عن معهدها هل هو قوي ولا ضعيف

و متى تبدا الدراسه لاني احتمال اقدم هناك لان المعهد اللي انا مقدمه عليه نكبه

وغير كذا فيها تخصصي اللي حايه ادرس فيه اللي هو فيزياء نوويه

وشكرا

المعهد نظام ضعيف اربع اشهور الفصل الواحد الطلاب الجدد داومو اليوم