مساعدة جامعه تيفين ولايه اوهايو tiffin university ohio

انا برضو ارغب بالتقديم على الجامعة ياشباب افيدونا

اخوي قبولك كم قعد ووصل لك كم المده يعني

واتمنى احد يفيدنا عن اسعار السكن

وهل الدراسه في هالجامعه سهل صعب وش وضعه

وهل عندهم تخصص IT
وشكرا لك اخوي صاحب الموضوع

السلام عليكم ورحمة الله وبركاته

انا توني جديد في مدينه Tiffin وان شاء الله تبداء في August 21th

ثاني رمضان وصلت لهالمدينه ، وجلست 4 ايام في فندق لين حصلت سكن ، معا العلم المدينه صغيييييييييييررره مره وبإمكانك تصحصل سكن بسرعه لكن شوي متعب السكن بس ما عليكم تتيسرر لا تشيلون هم : )

المدينه جداً ممله ولا فيها اي شي من الترفيه ، لكن الحلو فيها انها حقت دراسه يعني غصبن عليك تدرس حتى لو ما عندك شي : (

الديره رخيصه واسعار السكن تتراوح ما بين 400 - 700

طبعا ما فيها مواصلات لان ما تحتاج مواصلات

الديره اغلبها عجز وشيبان

وآمنه بعد الله المدينه

المدينه قديمه جداً نص المباني قديمه جدا

ومافيها مطاعم عربيه والظاهر حتى مسجد ما فيها

الحلو في الموضوع اذا اللي متقدم الي هالجامعه ومعه دبلوم ودرجاته بالدبلوم حلوه راح يعادلون له معادله حلوه مررره عشان كذا انا جيت من ولاية كبيره الي هالولايه ولا سألت عنها شي دام انهم معادلين لي ساعات واجد وراح تختصر علي وقت كبير .

طبعا فيها مول واحد ويفشل يعني Walmart اكبر منه .

صراحه انا ماني قاعد احطمكم ، لكن هذا الواقع ما ابيكم تنصدمون

تبون الوناسه ؟؟؟؟


الوناسه في Columbus العاصمه وتبعد ساعه ونص بالسياره ،، وبعد مدينة Toledo تبعد ساعه بالسياره بعد ، وهذولا مدن كباره وفيها المطاعم العربيه والمجمعات والمطارات وممتعات صراحه هالديرتي.

يعني تدرس طول الاسبوع وتكرف واذا صار يوم سبت روح اي وحده من هالديرتين استاننس وتعال .

وان شاء الله محد تخرع ههههه ترا الوضع بيزين لا يضيق صدركم .

نسيت شي الجامعه تعاملهم مررررررره ناااااااايس حبوبين ومبين عليها جامعه سهله

وان شاء الله اني عطيتكم المفيد بصراحه تامه .

الله يوفقكم يارب

تحياتي ...

يعطيك العافيه حبيبي


ياخي دخلت موقع الوزاره الجامعات الموصى بها ومالقيت تخصصي بذا الجامعه

بس لقيت مكتوب بزنس اي تي ؟
وانا تخصصي اي تي
وش الوضع اقدم تقبل الملحقيه ولا لا

لاني اخبر يقعدون لك على الكلمه

هلا بك سوليمان

عفوا اولا على الاخطاء الاملائيه : )

ثانيا: انت قدم على الملحقيه اول واطلب ضمان مالي بغرض القبول على هالجامعه ، ان عطوك قبول حلو واذا عطوك رفض راح يذكرون لك سبب الرفض .

تحياتي

اخوي انا عندي قبول بتيفن ومادي اجازف فيها عرب ف الهمدينه والابس انت ونا طمني ونا اخوك للا ماعملت ترانسفير

افااا علييك بس والله انك ضحكتني شلون تقول ( فيها عرب ولا بس انت ) وانا شويه يعني ههههههههههههه

والله يا حبيبي انا الى الآن ما بديت الدراسه وان شاء الله بعد 5 ايام ببدأ الدراسه فيها لكن بشكل عاام هالقريه ما فيها طلاب سعوديين واجد ,,,

وان كانك تبي تجازف ما فيها شي جازف وش خسرااان الحياة تجارب

تحياتي

يعطيكم العافيه جميعا

هل الجامعه تعطي قبول مشروط ؟؟؟

تكفي حط صور القريه ف الموقع وكيف الجامعه عطولك جدول والا وكم عددالسعودين اهم شي السكن فيه مجمعات والالا بالله فيدني