متواجد في University of Wisconsin Oshkosh وحاب اساعد الطلاب الجدد

بما اني ما اقدر اقرأ الرسائل الخاصه لقلة مشاركاتي .. تقدروا تكتبوا هنا وانا ارد عليكم في اقرب وقت

السلام عليكم اخوي

مبادرة طيبه منك يجزاك ربي كل الخير

انا عندي لستة اسئله بس بغلبك شوي ممكن؟؟

اول شي حابة اسألك هل جامعتك قوية في تخصصات الطب والهندسه(بكالوريوس) وماجستير الرياضيات ؟؟ وهل تعطي قبول مشروط باللغه ؟ وان كان كذلك كم مستوى للغه ومدته؟؟

انتظر ردك ...

الجامعه هي ثالث اقوى جامعه في الولاية. بالنسبه للتخصصات الطبيه هي تقنية طبية و تمريض و علم الأحياء الدقيقة هذا اللي انا متأكد انوا موجودين والبرامج فيها قويه. نسبه كبيره جدا من الطلاب يعدوا الاختبار قبل ممارسة المهنه. مشكلة الجامعه انو ما فيها هندسه. بالنسبه للرياضيات موجود بكالوريوس وماجستير. انا ملاحظ انو مره مهتمين في الرياضيات هنا ويوجد فيه قاعات لمساعدة الطلاب في الرياضيات لجميع المراحل.

وبالنسبه للقبول يحتاجوا ELS مستوى ١٢ ونعم يعطوك قبول مشروط. قبولهم مره سهل ومكتب الطلاب الاجانب مره متساعد ويطلعوا قبولات في وقت قياسي. اتمنى اني جاولت على اسألتك.. واي سؤال ثاني انا حاضر.

شي حلوو بس فيه شي ما فهمته قصدك معهداللغه 12 مستوى؟

وشي ثاني شكلي تحمست للجامعه وبعتمد كلامك وان شاء الله خير بس يا ريت رابط معهد اللغه ورابط الجامعه وطريقة التسجيل؟؟واذا كنت على حسابي الخاص شنو الاوراق المطلوبه غير الشهادات؟؟

ادري ثقلت عليك بالاسئله اعذرني لكن جعله الله في ميزان حسناتك ومشكوور

لا عادي جدا .. ولا ثقلت ولا شيء .. انا حابب اساعد الطلاب لاني مريت بنفس الحاله وكنت ضايع

المهم المعهد موجود في كل ولايات امريكا. عندنا موجود في مدينة ملواكي (تقريبا ساعه من اوشكوش). نظام المعهد ١٢ مستوى كل مستوى شهر واحد.
هذا رابط المعهد: ELS | English in Milwaukee, WI
وهذا رابط الجامعة: UW Oshkosh — University of Wisconsin Oshkosh
وبالنسبه للاوراق المطلوبه مو متأكد بالضبط ايش يطلبوا .. بس غالبا صورة الجواز و الضمان المالي (اللي هو كشف الحساب البنكي للعائل) والشهادات.

بشيك عالروابط قريبا بس بسأل هل معهد اللغه قوي؟؟

ويعطيك الف الف عافيه

والله يفتح عليك ويسهل امورك يا رب

من تجربتي وتجربة شباب اعرفهم .. اي معهد في امريكا يعطيك ٣٠ الى ٤٠ بالميه من حاجتك للغه والباقي عليك .. سواء بالتطبيق او الاهتمام الاكثر لتعلم اللغه .. بعض الشباب (مو الكل) يروح المعهد يدرس ويرجع يلعب بلوت مع شباب طول اليوم ويغيب اغلب الايام ونهاية الشهر يقول ياخي المعهد مو قوي ما تحسنت .. طيب وليش خويك الثاني اللي منتظم ويذاكر مشي وتخرج.

بالنسبه لقوة المعهد اقدر اقول متوسط .. الكلام هذا قبل سنتين .. الحين اللي اسمع من الشباب انوا ELS غيروا في الانظمه وقووا المناهج شويه .. تقدري تتواصلي مع النادي السعودي اللي في ملواكي هناك ورح يكون عندهم معلومات حالية. ورح يدوكي ايميل طالبه تقدري تتواصلي معاها.
هذا رابطهم في الفيسبوك: https://www.facebook.com/pages/Saudi...3898?ref=br_tf

او فيه معاهد ثانيه.. بس تتطلب التوفل والايتلس بعد التخرج..

يعطيك الف الف عافيه على المساعده