LinkBack URL
About LinkBacks
مالك الا العالمي
موفق
موفق
الايام بينا يا هلال !!
الايام بينا يا هلال !!
تنبيه: هذا الموضوع قديم. تم طرحه قبل 5981 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- 7 "
- ونعم والله بالعالمي من اليوم ورايح وانا نصراوي7 "
- جرب في الأتحاد والله يوفقك7 "
أو أقلك على أوربا
أرسنال - اخوي لو بيدي كان رحت لفرنسا ولعبت هناك بس الظروف ماتسمح7 "
- 7 "اخوي ديفيد :
انت ما تدري ان الهلال ابو الواسطه , كل شي بحياته الواسطه
حتى الدوري حقنا بالواسطه بينحسم للهلال !
شفت مباراة الاتفاق امس كيف عاد البلنتي الحكم , يقول نفذها اللاعب
بشكل غير اخلاقي , ليه شات الكورة وهو ماسك مطرقة , عجيبة !
المهم عندك ياالعالمي , يالمونديالي
والله يوفقك يا شبح
- 7 "
David
تعجبني ثقتك
ولا تخلي شي يهزها ..
وبصراحة الي سووه فيكم شي غريب .. ! حسبي الله وبس
كان المفروض انك تكلم نفس الإدااري وتقوله عاللي صار ..
فوضى المسألة ؟!
بس تدري شلون تنتقم منهم ..
إنك تكمل مشووارك ولا يهمك أحد ..
لين يتحسفون ان هالنجم في يوم من الأيام كان عند باب ناديهم وما عبروه !
وربي اني انبسسسسطت يوم قلت انك تبي تدخل النصر ..
عاد ان شااءالله ما يسوون معاك نفس الي صار لك مع الهلال ..
وإن شاءالله نشوفك نجم نصراوي كبير
ولوسمحت أبي توقيعك قبل الزحمة
"وقووول لنا وش يصير معاك مع نادي النصر "
ربي يووووفقك
- 7 "أحمد ربك على أنك تخلصت من الهلال (هلال نادي الواسطة والتحكيم)
وياهلا وغلا بيك في العالمي
وبتصير إن شاء الله عالمي وبتخدم فريقك ومنتخبك
قبلك لاعب النصر خيري الدوسري مر بنفس الظروف - 7 "فيااااااااااا اذا تبغى
المونديالي " الاتي "
اسعد عبد الكريم
جاااااااااارنا
هوه صح ما نشوفه بالاسابيع لكن اعطيني الاوكيه انا نازل لجده بعد ثلاث اسابيع واللي مايرتكزله عند الباب
لمن انهيلك موضوعك يعني دايفد فيااااااا في الاتي من جد ياكلك
مع المنتشري والعيال
وترااااااا الاهلي برضه كل بعد فتره يروحو يلقطووووو من لعيبة الحواري في جده
ومع اني اكره النادي هذا كره عنيف بس الاكاديميه اللي مسوينهاااااااا
مره مزبوطه
جرب حظك والله الكوره انهااااا اصرف من الدراسه عندي اخوي الصغير
دب ودلخ
اقوله اتعلم كوره الله لايرد عدوك
احترف بدال ما انته دلخ كذا
مو راضي
امااااااااا بالنسبه للهلال فهذا ديدنهم "على قول المطاوعه"
نااااااااادي ماشي بالواسطااااااااات في كل شي
سلالالالالالالالالالالالالالام
- اخوي يعني اللي قلته عن الهلال موغريب هذا هم من زمان7 "
اما بالنسبه لعرض الامارات من جدك تتخلى عن وطنيتك وهويتك لأجل كوره
أما والاهم عن محاولتك مع العالمي فهذا افضل لك من الهلام
واذا تبيني انشر طلبك في الانضمام للنادي في منتديات العالمي مستعده ارجهم الين يوصل الخبر للنادي وبحاول لك بكل اللي اقدر عليه بس عشان اشوفك مع العالميين الله يوفقك إن شاء الله
تخيل انقبلت في النادي ولعبت بجوار سعد الحارثي او الشهراني او التون
وااااااااااااااو يارب يارب تنضم مع العالمي
December 11th, 2007, 10:05 AM
السلام عليكم ورحمة الله وبركاتهكيفكم ان شاء الله بخير
أخواني اعضاء مبتعث بصراحه مدري وشلون ابتدي موضوعي ..
اخواني بقولكم شي صار لي وابغى اشوف رايكم ..
انا حلمي اني ادخل الهلال مع اني مسجل بنادي ثاني بس النادي الثاني مايوازي طموحاتي والحمدلله المواصفات الموجوده تأهلني اني ادخل اكبر من الهلال المهم حاولت اسجل بأي طريقة بس للاسف محد عطاني وجه لان ماعندي واسطه كلمة شخص بصراحه قمة بالاخلاق والذوق والطيبه بصراحه مقدر اوصف لكم هذاك الشخص وراح اقول اسمه بكل فخر اللي هو : استاذي العزيز والقدير صالح الهويريني الكاتب بجريدة الجزيرة ..
بعد ماتجاهلني نادي الهلال والكل يقول جب لك واسطه وتدخل وانت مرتاح كلمت الاستاذ صالح وتجاوب معي بسرعه واتصلت عليه وكلم لي اداري بنادي الهلال واحتفظ باسمه ...
المهم الشخص هذا قال تعال يوم السبت اي السبت الماضي رحت ودخلت النادي وكان فيه اشخاص غيري موجودين على اساس نلعب ويشوفون لعبنا ويقبلونا طلبوا منا نلبس اللبس المخصص للتدريب وبعدين رحنا لملعب الرديف وخلانا مدرب اللياقه نسوي تمارين عاديه والحمدلله سوينا فيها اروووع مايكون ثم تفاجأنا المدرب الهلال فيلهو انه يقول اللي اول مره يجون للنادي يروحون على جنب ..
رحنا على جنب وكان عددنا سبعه او ثمانية جانا فيلهو وقالنا وطبعا المترجم يترجم لنا انا ماعندي استعداد اضيع وقتي معكم يوم قال كذا والله حسيت ان الدنيا تدور فيني وقلت بقلبي حلمي باللعب بالهلال خلاص تبخر ليش..
ثم جلس يكلم المترجم ويأشر على واحد بجنبي ثم قال لنا المترجم انه يقول اعتذر منكم وتفضلوا برا وطلب من اللي بجنبي انه يروح مع لاعبين النادي هو وشخص سألته عن جنسيته قال من السنغال !!!! ثم قال واحد من اللي معنا انا جاي من طرف فلان فقال المترجم لفيلهو انه من طرف فلان اللي هو مدير المركز الاعلامي بالهلال ثم طلب منه انه يروح مع الاعبين يلعب !!..
اقسم بالله ثم اقسم بالله اني ما اكذب عليكم بكلمه وحده حتى واحد من اللي معنا قال اللحين هذا هو الاختبار وهو مستغرب !!
اقسم بالله وحنا نطلع من الملعب ورب البيت اني منزل راسي ومالي وجه ارفعه تحطمت مرررهـ وشوي واصيح وفيه واحد بجنبي قال وهو منقهر خلاص كرهة الكورة والهلال ووالله ما العب كورة مره ثانيه ..
اقسم بالله يمكن انتم تقولون شي عادي بس لا والله مو عادي الا شي يموت من القهر انا كنت واثق من نفسي ومتحمس وجالس اتدرب تدريب قوي اسبوع كامل وانا واثق انهم راح يقبلوني بدون تردد او خوف لكن تتفاجأ انهم بعد هالتعب يقولون اسفين مانقدر نلعبكم معنا لسبب واحد ماعندي واسطه وسنغالي يقبلونه لان معه واسطه وانا ولد البلد ما اقدر ادخل النادي واطور موهبتي واخدم ديرتي لسبب بسيط وتافه مامعي واسطه ...
لكن والله ثم والله ثم والله ويشهد على ربي ومن خلال موقع مبتعث بإذن الله خلال سنتين بس راح تشوفوني وراح ارد الدين للهلال وارد لهم الصاع صاعين وانتقم منهم بعد لعبتهم السخيفه فينا ..
عندي كم سؤال وابغى القى لهم اجوبه وارتاح :
1- ليش يتعبونا ويطلبون منا نجي ونلبس حتى لمن كلمت الاداري بالجوال بصراحه تفألت متحمس وطلب منا نجي بسرعه وبالاخير تدريب لياقي بسيط وبعدها يمسكونا الباب لان مامعنا واسطه حتى ماشافوا لعبنا وانا واثق لو شافوا لعبي والله يقبلوني بسرعه ؟
2- الى متى وحنا ننحرم من ابسط حقوقنا بدخول الانديه الحكوميه بحجة عدم وجود واسطه تدخلنا لها ؟
3-كيف يبغون الكرة السعوديه تتطور وهم يسوون فينا كذا ويعاملونا بالشكل هذا ؟
كل اللي معي تحطموا وكرهوا شي اسمه كورة وشي اسمه هلال بس انا الحمدلله بعد اللي صار اقسم بالله ان ثقتي بنفسي زادت دبل واكثر من اول بس شي اسمه هلال وربي كرهته مع اني من يوم اني صغير وانا مجنون بالهلال لكن من اليوم ماراح اتكاسل وراح ابذل جهدي والله لا ادفعهم الثمن غالي بس وش ذنبهم اللي معي تحطموا ونفسيتهم زفت حتى انا نفسيتي ازفت من الزفت بس ثقتي بالله ثم بنفسي اكبر من ان يهزها الهلال وغيره ..
اخواني انا ابغى اخذ رايكم :
شخص اماراتي طلب من ابوي انهم يعطوني الجنسيه ومبلغ مالي والعب معهم بس ابوي رفض وتهاوش مع الاماراتي وقاله :
حنا قبايل واصل وفصل وماعندنا استعداد نتنازل عن جنسيتنا علشان يلعب ولدي معكم ..
هذا الكلام قبل مايصير لي الموقف مع الهلال لكن بعد اللي صار انا مفكر اتصل على الشخص هذا واعطيه موافقتي لان بصراحه في بلدي مالقيت من يهتم فيني والله مصيبه فشي طبيعي ادور الاهتمام بالخارج ..
وش رايكم ؟؟
وبالاخير اقول :
ومن باعني برخيص بتراب الارض ابيعه
وانا الان راح اسجل بنادي النصر وان شاء الله ارد للهلال الصاع صاعين ومثل ماذلوني راح اذلهم ..
على فكره اقسم بالله ما خلونا نلعب الكورة ولا حتى شافوا لعبنا علشان يحكمون علينا بس ذنبنا الوحيد ماعندنا واسطه