عندي استفسار بخصوص قرار الابتعاث و الضمان المالي ؟

السلام عليكم

بالنسبة للضمان اللي يصدر للطالب قبل إصدار القرار فهو ضمان غير ملزم بالدفع وعندما يصدر قرار الابتعاث يصدر للطالب ضمان ملزم من الملحقية

طيب لو معي ضمان ملزم بالدفع !! (ولا تسألني كيف سالفه طويلة ) و قبول الجامعه و فيزة امريكا

يعني لو اروح هناك مايحتاج امر الملحقية لانه معي الضمان المالي بس اروح اعطيه الجامعه !!! اتوقع

هل اقدر ابتعث بدون معوقات يعني هل قرار الابتعاث مهم جدا

لا
ضمان ملزم بالدفع من مين من الوزارة والاحسابك البنكي
إذا الضمان ضمان بنكي لك يعني من حسابك بتدرس عادي تكمل باقي الاجراءات وتدرس على حسابك الخاص وتفتح ملف في الملحقية طالب دارس على حسابه والله يعينك على المصاريف
لكن ضمان الوزارة لازم يصدر لك قرار ابتعاث وبعدها فتح ملف طالب مبتعث وتكمل الإجارءات الباقية

الوزارة وانت موجود هنا ما تعطيك ضمان ملزم نهائياً

يابن الناس معي ضمان مالي ملزم بالدفع بس كيف اطلع قرار ابتعاث او اصلا وش فايدته ؟!!
انا استفسر اصلا وش فايدة قرار الابتعاث انا مايهمني هم يعطون هنا ضمان ملزم ولا لا !!!

ياليت احد يجاوب

فائده اخوي اذا جيت هناك في الملحقيه وفتحت ملف لك بالملحقيه

يسجلونك على حساب الحكومه ويصرفون لك مكافئه

اما الضمان المالي فهو للجامعه

عشان يضمنون انك تدفع

بس سالفة انك غير مبتعث وعندك ضمان مالي من الوزاره وملزم الدفع

هذا شي حلو بس مادري وشيترتب عليه بعدين اذا عطيته الجامعه

انت حاول تطلع قرار اذا تقدر

او اذا وصلت هناك قل نسيت القرار وهذا ضمان مالي من الوزاره

واذا عندك امر اركاب

صدقني بيحطونك على حساب الحكومه وهم مايدرون

وبالتوفيق

الله يهديك أنت ما ودك تقول الضمان اللي عندك من وين على اساس اقولك ايش تسوي تقول عندي ضمان وبس الوزارة تعطي أكثر من ضمان منها ضمان طالب مرشح وضمان لطالب مبتعث وغير كذا ضمان بنكي من عندك وضمان من جهة عملك ( الضمانات كثيرة بس اللي عندك أيت واحد )

لكن أقولك بصريح العبارة
من غير قرار الابتعاث ما راح يصرفوا عليك ريال واحد الطلاب اللي مرشحين من الوزارة على برنامج خادم الحرمين الشريفين للابتعاث ويطلع قبل مايصدر قراره يجلس على حسابه إلين يطبع قراره من الوزارة حتى وهو عنده ضمان ورقم طلب وكل شي
وإذا ما أنت مقدم على البرنامج ومرشح ما راح يطبعوا لك قرار ابتعاث
الملحقيقة على اساس يصرفوا عليك يكون بينها وبين الجامعة خطابات وإجراءات ثانية

إذا انت مرشح على البرنامج ولك رقم طلب قدم اصدار قرار ابتعاث بعد ما تجيب القبول والفيزة
لكن إذا عندك ضمان بس
روح ورفع اوراقك من الملحقية طالب دارس على حسابه الخاص
الضمان هذا ما يعني انهم ضموك للبعثة بس على اساس تجيب قبول فقط
بصريح العبارة مستحيل الوزارة تعطي طالب ضمان ملزم بالدفع وهو موجود في السعودية ومو مقبول في الجامعة
ضمان مرشح فقط

وياريت توضح ضمانك من وين على اساس نفهم عليك ونقولك وش تسوي