ماذا حدث معك عند استلام قرار الابتعاث؟ (شارك للافاده)

شوف يا عزيزي
اتصلت عليا الوزاره وقالولي تعالي خذي القرار
رحت لهم وقلتلهم انا الفلانه الفلانية( طبعا اسمي)
على طول طلعت الاوراق وخلتني اوقع على ورقه واكتب فيها اني استلمت القرار واعطتني القرار وهذا ما اخذ إلا ثواني
بعدين سالتهم عن امر الاركاب قالولي روحي وزارة التعليم العالي المقر الرئيسي وطبعا لايوجد لديهم قسم نسائي
وراح زوجي لوزارة التعليم ومعاه القرار ومتطلبات امر الاركاب وهي الجواز الاصلي للمبتعث والمرافقين للمطابقة وصور ايضا بطاقة اثبات هوية وصوره من القبول وصور للتاشيرة
وعلى طول ما خذ عشر دقائق إالا وهي جاهزه ومختومة ..

بعدين نروح لإدارة البعثات في الغدير القسم النسائي واعطيهم امر الاركاب وهم يحجزولي عشان مكتب الطيار اوي اي خطوط انت حابها (وطبعا باااااقي ماحجزت )
يعني بإختصار كلهاااااااااااااا نهار يوم ويطلع القرار وامر الاركاب والتذاكر بس خلي الاوراق جاهزه وسلامتك

ام جوووووووووووود

افضالك علينا كثرت

الله يخليكي لجود ويحفظكم ويوفقكم ويرجعكم بالسلامة يا رب

شكرا لك

الله ييسرلك امورك ياام جود انتي وكل المبتعثين والمبتعثات

الله يوفقك ويسر أمورك..

سؤال: كم مدة قرار الإبتعاث؟-يعني أخذ كم يوم منذ صدور الفيزا إلى إستلامه -؟

سؤالي مشابه لسؤال الاخت ليلى...
هو من يوم ما تطلع الفيزا واقدم في الوزارة بعد كم يوم والقرار صادر؟؟يعني لازم اجلس في الرياض ولا ارجع جدة واجيهم بعد اسبوع؟؟

أنا من جدة وأرسلت زوجتي المبتعثة مع أبوها للرياض البارح و الحمد لله حصلت على القرار والتذاكر اليوم وما اخذ غير يوم واااااااااااااااااااااااااااااااحد فقط من الساعة العاشرة صباحا وحتى الثانية بعد الظهر وكلها من مبنى واحد وهو إدارت البعثات ويقولوا ان اليوم هو اول يوم يصرفوا فيه التذاكر من هذا المبنى... يارب لك الحمد والشكر وعقبال كل المبتعثين...

ماشاء الله عليكم حتى التذاكر اختوها عقبالنا حنا المانيا ولا شي الى الآن مدري متى بس الله يعيننا

تقريبا من يوم ما سلمت الاوراق لين اخذت القرار 10 ايام

قرار الابتعاث اخذ مني اقل من اسبوع

ويوم رحت استلم القرار الشغلة كلها ما اخذت ساعتين بالرغم اني اضطريت اروح للمبنى القديم علشان استلم امر الاركاب لأني السيستم في المبنى الجديد كان فيه عطل

ورجعت بعدها لإستلام التذاكر ولقيت نفس المشكلة

المهم اني فهمت موظف مكتب الطيار اني من اهل مكة قال لي ماعندك مشاكل روح استلم تذكرتك وتذكرة زوجتك من فرعنا الي في جدة

وبفضل الله رجعت على اول طيارة لجدة ورحت حجزت واستلمت التذاكر

ورحلتي يوم الأحد 10 فبراير جدة لندن ليوم واحد وبعدين اروح على مدينتي بورموث

بالتوفيق للجيمع