الأعضاء الإشتراك و التسجيل

الملتقيات
ADs

زيارتي للوزارة اليوم (اففففففف)

زيارتي للوزارة اليوم (اففففففف)


NOTICE

تنبيه: هذا الموضوع قديم. تم طرحه قبل 6447 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية thE_promise
    thE_promise

    محظور

    thE_promise غير معرف

    thE_promise , تخصصى Network Specialist , بجامعة missouri
    • missouri
    • Network Specialist
    • غير معرف
    • Springfiled, Missouri State
    • غير معرف
    • May 2006
    المزيدl

    July 25th, 2006, 10:30 PM

    كيف الحال .

    قمت اليوم متأخر عن الداوم وما نمت الا تقريبا 4 بعد ما أتصلت على واحد من اخوياي في أمريكا وشرحت له الوضع قلت له أنا قررت اروح على حسابي االولد بصراحه عطاني بوش قدام وقال روح والله الشغله سهله بالنسبه للي مثلك خاصه اللغه مافيها ذيك الصعوبه ... من بعدها المعنويات عندي أرتفعت من كلامه وتشجعيه لي .

    المهم صحيت ورحت العمل ومن بعدها قلت الوزارة الوزارة لاني بصراحه كنت ابي اشيك لو احد من الاصدقاء ابي اشوف نزل له قرار أبتعاث أو لا بالرغم ان معه ماجستير وخطاب سفارة وفيزة ومسلم اوراقه والي الحين ما نزل له قرار ابتعاث من كلامه ............. شي يقهر بصراحه
    رحت الوزارة المهم دخلت على صالات البعثات أطالع ادور على الموظفين ما فيه أحد قلت اروح أكمل اورقي حقت الدراسه على الحساب الخاص لين يجون المهم جيت لهم وجلست اعبي الطلب وسألني الموظف انت تدرس في امريكا قلت لا باقي بروح بعد ثلاثه شهور تقريبا قال طيب قدم من هناك بدري تبي تلتحق بالبعثه وانت ما بديت الدراسه . المهم رحت لمكتب الدكتور الحميضي قلت يمكن القى منه نتيجه لكن زي العاده ................. دكتور ومدير قسم بعثات (بس ديكور حاطينه ) ولا في ايده اي شي .

    المهم رحت ابي اشيك على رقم الطلب حق صديقي واجي الحارس قلت له وين صالح الشيخ والا المبزرة حقينه قال مشغوووووووووولين قلت طيب والحل ترى انا رجال وراى عمل واخونا بالله مسكر عليه في المكتب وحاطك هنا تمنعنا ما ندخل عليه قال ياخوي مشغولين المهم كلمه يمين كلمه يسار ومع الجو الزززززززززفت قال لي استريح وانتظر لين نشوف المهم انتظرت في الاستراحه انتظر الوزير الدكتور صالح الشيخ يسمح لنا ندخل عليه ملاحظه :انا قالبت الامير سلمان والله العظيم ما تعقدت مثل ما عقدوني اليوم . شي يقهر موظف لا قام ولا قعد مسوي نفسه وهو اصلا ولا شي يعني بحلف اذا معه ثانويه المهم ....................... لطعوني ساعه ونص وبالاخير مليت ورجعت لدوامي .

    خبر عاجل :اليوم لما كنت عند مكتب الحميضي قال انه بعد اسبوعين راح يعلنون عن بعثات جديده في كندا والمانيا وأسمها بعثات المتمييزين ومن كلامه أن الاعلان هطا نزل في جريدة عكاظ..

    أنا لمحت قرار أبتعاث بأسم وحده أسمها (فاطمه الشمري ) مقدمه ماجستير كيمياء اذا احد يعرف وحده بلأسم هذا ياليت يبلغها .


    وبالتوفيق جميعاً...............
  2. طيب اخوي لما دخلت للامير سلمان الله يطول لنا بعمرة لية ما حاولت تخلية يعمل لك خطاب

    موجه لوزارة التعليم العالي لمنحك البعثة على سحاب الدولة

    والله حرام عليك ضيعتها على روحك من يحصل لة يدخل على الأمير سلمان كان المفروض

    استفدت منة وطلبت منة خطاب

    والله كان تروح البعثة غصبن على الوزير بعمرة

    تحياتي
    7 "
  3. شباب شباب شباب لمعلوماتكم اليوم فيه واحد في الوزارة معه خطاب من الديوان حق الملك اسمع الموظف يقول له ترى الخطابات هذي 90% ما تمشيها الوزارة لان اغلبها يكون بس توصيه بالعربي اذا ما في الخطاب أعتماد او أمر بألحاق الطالب بالبعثه والا ما يروح الا بالشروط عرب نبراسكا من ناحية الامير سلمان انا يوم رحت له وش قالولك رايح اتقهوى عنده والا أدق حنك معه انا مارحت له الا علشان اخذ خطاب وبالفعل خذيت خطاب منه قبل ثلاثه أشهر ........................ لكن لاحياة لمن تنادي لان الخطاب بس توصيه وقالي موظف الوازة يجينا يوميا مائه خطاب من امراء واصحاب سمو بس كلها بس توصيات والتوصيات ما يمشيها الوزير لانها تكون على حسب الشروط يعني زي قلتها .بس بيني وبينكم والله الواسطه هي الخالق اللي فوق السماء اذا كتب لك يالواحد شي يجي بأذن الله .بالتوفيق جميعاً
    7 "
  4. افا والله بصراحة كذا انت حطمتي يا اخوي

    لان الوالد الله يخلية يعرف واحد من كبار الحاشية مع الأمير سلمان ولة علاقة قوية معا الوالد

    ومومقصر معاه ودائما اي حاجة نحتاجها او امر مصتعصي علي الوالد على طول يستعين بخوية

    اللي بمكتب الأمير سلمان وكمان هالمرة كلمة عشاني وقالة الوالد لخوية انة يجيب لنا خطاب

    من الأمير سلمان وقالنا تم وانت دحينة بتقول ان خطابات الامراء ماتنفع

    والله قوية فما ادري هل الخطابات اذا جات من معرفة ممكن تكون اقوى اتصور كذا انا

    غير اذا جالك مواطن عادي ودخل بموعد من دون معرفة واخد من مكتب الأمير الفلاني

    خطاب اتصور ان الخطاب راح يكون روتيني

    والل بصراحة انتا كدا مرررررررة خوفتني وخليتني افقد الامل

    الله يخارجنا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.