مهمومه حزينه؟في بالك شي تبينه يتحقق؟تعالي معي والله ماراحتندمين آبدآبد...

كلنا ناس وكلنا لنا حاجاات ونمر فابتلاءات وفمشاكل وضغوط هالحياة وصدمات من ناس ومواقف تخلينا صدق نتعب ونهتم ونسكن الحزن قلوبنا،،

كلمات وعبارات ارسلها لك من قلبي،، وكلي ثقه انها بتوصل قلبك وبتدخله علطوووول وبتسكنه،، وكلامي مب من هوى،، بالعكس من تجارب ناس حقيقيه،،

حاولت قد ما اقدر اجمعهن فموضوع واحد،، لاني صدق صدق اشوفنا محتاجين له،،،

تعالي ومعي وانا ابصم لك بتحققين اللي تبينه ،، والطريقه كثير سهله،،، جربي طريقتي وبتلاحظين من اول يوم فرق واااااااضح فحياتك،،،

يالله بنبدأ،،،،








أول شي عزيزتي ابيك تسجدين الحين شكر وحمدلله رب العالمين،، انه رزقك بنعمة الاسلام ورزقك هالبلاء او هالمشكله علشان يشوف صبرك ويصلح لك حالك ولا تنسين اكيد اشتاقلك ملك الملوووك،،،

كلنا نذنب ونعصي وكلنا نغلط،، وربي يقووول بما فيه معناه،، لو كانو الناس ما يذنبون،، كان ربي جاب قوووم غيرنا يذنبون فيستغفر لهم،،

و لو نعرف شوقه إلينا و إلى عودتنا لذبنا شوقا إليه و لعضضنا أصابعنا حتى يسيل منها الدم ندما على ما فرطنا في جنبه ملك الملوكـــ

عززيزتي،، تعالي عيشي معاي يوم واحد وجربيه وشوفي كيف بتتغير حياتك،،،





تعااالي هاتي اييييدك لاتخافين اوعدك ما تنزل دموعك لانك اخترتي تقرعين باب السماء باب ملك الملوك رب العالمين تعااااااااااليـــ

اختي الغاليه،، جربي معي ننام من وقت الساعه 10 بليل،، وخلينا ننوي نقوم الليل لا تقولين صعبه،، سهله والله اذا عندك عيال نيميهم من وقت ونامي وياهم،، خلونا شوي بعيد عن السهر والافلام والانترنت،،،

احلى شي الليل يشهد بقصص التائبين ودموع المكروبين وفرح المهمومين بفرجهم،، كوني منهم عزززززيزتي،،،





خلينا نصلي قد ما نقدر ونطول فالقيام لحد الساعه 3 وربع ويفضل لو تقرين سورة البقره فقيام الليل مفعووولها عجيب فالبركه والراحه النفسيه وتبعد عنك العين والحسد والسحر وكل شيء سبحان الله،،،

وخلو ثلث ساعه ندعي واحلى ى ى ى شي،، ربي فوووقك علطووول والملائكه حولللليييك،، حتى اني احيانا والله افتح الشباك وانتظر اسمع صياح الديك ويصيح كثير هالوقت لانه يشوف الملائكه وقت السحر وهذا وقت فضيييل لدعاء،، سبحان الله حتى يمكن ملك مار عندك ويرفع دعوتك،، اصلن يكفي انه ربي قريب عليك ويسمع دعائك

صدقيني بيتحقق ثقي فهالشي ربك يقووول انا عند حسن ظن عبدي بي،،يقول الله عز وجل



"إنى لأجدنى أستحى من عبدى يرفع الى يديه يقول يارب يارب فأردهما فتقول الملائكة الى هنا إنه ليس أهلا لتغفر له فأقول ولكنى أهل التقوى وأهل المغفرة أشهدكم إنى قد غفرت لعبدى"

ناجيييييييييييييييي ملك الملوك اللي يغضب اذا ترك سؤاله،،، الزمي الدعاء وكثريه صدقيني يا ما يشهد الثلث الاخير من الليل عن قصص اللي انفرجت محنتهم وتحققلهم اللي فبالهم،،،





المسلم يسأل الله تعالى من فضله، فهو يعلم أن الله تعالى يريب إليه، ويدفع عنه، وان الدعاء ينفع مما نزل ومما لم ينزل وان البلاء لينزل ويلقاه الدعاء، ويعتلجان إلى يوم القيامة.

استغفري كثير ربك يقول " والمستغفرين بالاسحار " صدقيني الاستغفار سبب فتحقيق الآمال،، ويفتح الاقفال شكت امراه الشيخ انها ما تحمل

قالها الزمي قيام الليل والاستغفار في الاسحار،، فوالله ما ما مر الا 15 يوم وهي تشعر بآلام ولما كشفت وجدت نفسها حاممممملـــ سبحانك يالله،، لا ترد من سألك ما اعظمك،،،بنسويلنا نظام بعد كل صلاة بنستغفر 200 مره بيكون المجموع كل يوم 1000 استغفار اظافه لاستغفار الاسحار ،، يالله شكثررر روووعه،،، ان شاء ربي يفرجها،، يقول الرسول صلى الله عليه وسلم" من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب،،

أذن الفجر ،، الله شعور جميل نردد ورا الاذان ونرد نكرر بعض الادعيه اللي نحتاجه ،، لا بأس نحن محتاجين نلزم الدعاء ونكررره فكل وقت ونصلي الفجر،، ونقرا اذكار الصباح والمساء تعطيك بركه وقوه وتفتح لك زرق،، وبتلقينها فكتاب حصن المسلم تقدرين تشترينه من تسجيلات او مكتبه ،، وفيه ادعيه لكل شي للكرب وللاستخاره ولدخول البيت ولكل شي يجي على بالك ،،

نامي وشوفي كيف بيكون شعورك براااحه وانتي شكيتي ودعيتي لملك الملوووك وتنتضرين ربي بس يقول كن فيكووون،، وشوفي الاحلام شحلاتها اللي بتشوفينها روووعه،،،

وقومي عيشي حياتك طووول اليوم بين صلاه واستغفار واطلعي واستانسي واضحكي وعيشي حياتك ،، مافي وقت للهم وللحزن ولا الضيق،، ربي بيفرج كل شي،،، صلي الضحى وتقربي لله بنوافل ولا تنسين الوتر

حافظي على سورة يس قبل ما تنامين،، لانك اذا قريتيها فليله بنية خالصه لوجه الله اصبحتي مغفوووور لك،، روعه،، يكفي انه القرآن يشرح الصدر والبااااااااالـــ

الزمي ركعتين حاجه كل يوم فأي وقت وداومي عليها ربي ما بيخيب ظننننك،،، الزم دعاء ذي النون" لا إله إلا انت سبحانك إني كنت من الظالمين" لا تنسين الرسوول قال من دعاه به وهو في كرب استجيب له،،

لا تنسين صدقه مفعولها سحرررررررررررري ،،، واتصدقي وادعي ربك انك تصدقتي بنية ربي يرضى عليك وتقربي بدعائك له باعمالك الصالحه مثل ما سوو أهل الكهف،، والكل يعرف قصتهم،،

وخلي الأطفال يدعوون لك ،، الاطفال ما عندهم ذنوووب......،،،،،،، صغااار،، خليهم يدعون لك،،

ما تعرفين يمكن دعوه تصادف وقت استجابه وتنرفع وتكون سبب فانفراج محنتك وكربتك،،،

ولازم نصفي قلوبنا صوب كل الناس ونرد الحقوق لاصحابها ونتسامح من اللي غلطنا عليهم وما نغتاب احد،، ترا كل هالاسباب سبب فاستجابة دعاء،، وما نستعجل اهم شي

وربي يفرج همومنا وكروبنا ويحقق لنا اللي فبالنا عاجلا غير آجل لاإله إلا انت سبحانك إني كنت من الظالمين،، واسمحوووولي خواتي طولت عليكن،،،

وكلنا موجودين هنا فهالموضوووع وبنشجع بعض خواتي،، وبنتواصل بدعاااااء،، بس صدق والله يا خواتي حطي هالمعادله فبالك:

الدعاء+ قيام الليل+ الاستغفار+ الصدقه + حسن الظن بالله = فرج فرج فرج وتحقيق للآمال ورضى ملك الملوووك

وما تخييييلن كيف اهداءات رب العالمين عالصبر عالمصيبه،، الله عظييييم فما بالك كيف بيكون جزاءه واهدائه لك،، حتى بتنفرج محنتك وفوووقها اشياء ما توقعينها من رزق وخير وبركه،، وفي ذلك فليتنافس المتنافسووون....