ارفع راسك انت سعودي هههههه،،،،،،،،،ليتني اجنبية راعية اقامة

صباح الخير

والله وصلت معايا...بوطني وأحس بغربة...أحس بقمة الاضطهاد

بداية الموضوع...أنا موظفة بقطاع ( حكومي )...الدوام ع فترتين بس اللي يدامو الصباح غير اللي يدامو بالمساء...عدد الموظفات بالصباح في الـ 60...7 منهم ( فقط ) سعوديات والبقية أجانب...
أنا دوامي بالمساء وعددنا مقارب لموظفات الصباح...وأنا الوحيدة السعودية والعربية كمان!!!!!

البقية كلهم أجنبيات حتى مو عربيات...ابتداءا من الادارة العليا أميركية ورئيستي بريطانية والبقية فرنسيات وأفريقيات وجنوب أفريقيات وجنوب آسيويات

السعوديات اللي بالصباح 4 منهم حاملات الماستر والبقية بكالوريوس بمعدل لايقل عن امتياز...

اللي قاهرني موت انهم يعاملوني كأني أنا الأجنبية...عندنا وحدة أندنوسية كل ماتشوفني تقوللي انتي ليه تشتغلي؟ عندك دادي يصرف عليكي!أجلسي بالبيت وخلينا نجيب أجنبية مغتربة حراااام مسكينة هي بحاجة الوظيفة!!!!

صاحباتي أغلبهم بكالوريوس وبعضهم ماستر يحرجوني يطلبوني أشوفلهم وظيفة...لكن اش أسوي الأميركية بنفسها تقول ماااااااااااااااأبغى سعوديات أكرههم!!!

أحزن ع البنات السعوديات يجو متحمسااااات يعملو المقابلة ورئيسة العمل تكون رافضتهم مسبقا وتجيب أجنبية ماعندها نصف مؤهلات وخبرات السعودية!!!

طول اليوم يسبو السعوديين أحس اني حموت قهر وقد ماحاولت أدافع وأدافع ولااااااكأني أسوي شي
احدى الموظفات خطبها سعودي...جلست طووول اليوم تتريق وتسب وتتمسخر...جلست تقول أسبلو بعيوني وأقوللو ( آسفة ع الألفاظ ) ياغبي ياحيوان ياكلب ياحمار...............الخ
وهو فاتح فمو فرحااااااااااااااااااان ع بالو أتغزل فيه

المضحك...انو بيوم رسلوا استمارة لازم نعبيها...وكانت مكتوبة بالعربي...كنا بالمكتب جالسين نعبيها...وكل شويا يسألوني اش يعني دا؟ ترجمي...عشان يجاوبو...

كانت الأسئلة...
بدل سكن؟
بدل تذاكر طيران؟
تتسدد فواتيرك سواء موبايل أو هاتف ثابت؟
مدرسة لأبنائك؟
.......................الخ

طبعا هم ماشيين ويأشروا ع: نعم نعم نعم نعم
وأنا وراهم وماشية ع : لأ لأ لأ لأ


صارت مشكلة كبيييييرة بالفترة المسائية ع الرواتب...انو من شهر شوال العام وماانصرف ولا راتب...
وبدأت أتصل ع قسم المالية...وفجأة اكتشفت...انو لسبب ما...اكتشفوا انو مايقارب الـ 40 موظفة بدون اقامات!!!!
وانو أنا الوحيدة اللي معايا بكالوريوس...والبقية يحملوا الشهادة الثانوية...و 37 موظفة منهم لم يكملوا المتوسطة!!!!!!!!!!!!!!!!!!!!!!!!!!!!!!!

بسبب دي المشكلة بدأ التنبيش عن وضع موظفات الصباح...وطلع وضعهم نفس وضع الفترة المسائية...

جاء ع بالي أول مااتوظفت سألتني باكستانية وكأني جايتها ببيتها...انتي ليه اتوظفتي هنا؟؟؟؟؟
اش شهادتكي؟ جاوبتها أدب انجليزي...ردت: وااااااااااااااااااااااااااااااااااااااااااااااااو
من فين أخدتيها؟!!!!!! رديت من هنا...من السعودية.
قالت: يؤ ليه هو انتو عندكم تخصص انجليزي؟ اللي سمعتوا انو ماعندكم الا عربي ودراسات اسلامية؟
أجل ليه يوظفوا أجنبيات؟؟؟!!!!!!!!!!!!!

أنقهر لما أنا بنت البلد يصير فيا كدا والأجنبية متدلعة آخر دلع...أحزن لما أشوف السعوديات رايحين جايين بملفاتهم وينرفضوا رغم انو عندنا احتياج كثييييييير...يرفضوها ويجيبوا أجنبية!!!
أموت قهر لما أسمعهم يتهامسوا راح نطير فلانة وفلانة ( سعوديات الصباح ) ولما الأميركية تترصدلهم!!!
أقل راتب 10000 ريال!!! بالله مو حرام؟ مين الأولى فيه؟
المشكلة انو الأغلبية البنت موظفة عندنا وزوجها أو أخوها أو ولدها موظف بقسم الرجال!!!
وياخد نفس الراتب ونفس المميزات...
لدرجة صرت أحس الموضوع وراثي!
عندنا أم موظفة وجايبة بناتها الثنتين موظفات وأختها كمان وولدها!!!!
3 أخوات موظفات!!!
وقت الخروج أستنى السواق...أشوفهم يمروهم قرايبهم ياخدوهم...أنواااااع السيارات الفخمة!!!
والله السعودي ابن البلد أحق بدا العز...

صرت أكرههم وأحقد عليهم...واللي يقهر لما يجي شخص ويقول حرااااااااااااااام الأجانب مو آخدين حقهم بالسعودية!
لا ياشيخ ! احلف !