عندي ارهاق بسبب سوء التغذيه

حتى لو اكل المطاعم صحي و مفيد .. ما بيكون بنظافة اكل البيت!
في مطاعم عربية و هندية و ايرانية في تورنتو اكلها لذيذ .. في مطعم القدس و هو عبارة عن بوفيه او منيو و هذا موجود في تورنتو المدينة
في مطعم ثاني اسمه باراماونت موجود في ميسيساقا و هو عبارة عن اكل لبناني ما بين شاورما و مناقيش و فطاير و مشاوي و كذا
في مطاعم هندية كثيرة على شارع يونق في تورنتو المدينة و اغلبها حلال..
السموحة بس هذه المطاعم اللي اعرفها .. و ممكن احيانا سيدات يطبخن في بيوتهم و يبيعون بس يبالك تسأل في المنطقة او حتى تشوف كيجيجي يمكن حاطين اعلانات او شي ..

بالتوفيق اخوي ..

ماقصرتي اختي ربي يعطيك الف عافيه .. في موازين حسناتك يارب

الله يسوي الي فيه الطيب يارب

وعليكم السلام
اعتقد اخوي بان الجفاف قد يكون له سبب اخر من الجو (الطقس) بسبب يوم برد ويوم حر
وبالنسبة للمطاعم الاخت سبقت بذكر اهم المطاعم
Good luck

صدقني الشغلة بسيطة



الفطور بيض مسلوق و توست ... و تفاحة و موز


.. و الغداء تعلم كيف تسوي كبسة أو اي حاجة غيرها .. انا ما كنت اعرف اطبخ و ما تعلمت إلا بالغلط

يسلممووووووووووووووووووووووا

ياحياتي وربي بكيتني ليتك عندي في بوسطن

ابني الموضوع سهل اشتهري خضار طازه خس طماطم خيار جزر

وسوي لك سلطه واشتري فواكه

وحليب واجبان

وحاول تتعلم طبخات سهله مثل الكبسه ماتبي شي او مكرونه تسلقها

وتحط عليها كريمه او جبن او تحمر خضار وتخلطها معاها

الفطور بيضه + كاس حليب + فاكهه + خبزه

الغدا سلطه + رز ابيض مايبي شي تسلقه مع ملح وبهارات وبصل + لبن

العشاء شي خفيف ممكن عصير برتقال مع ساندوتش

او مثل بنتي تاكل تمر وتشرب لبن او زبادي

وهذا كله مايبي تعب ومفيد ومتوفر بالسوبرماركت

وماتشوف شر قلبووو

ماعليه طولت بس وربي عورني قلبي

شوف قلبووو

هات بطاطس وباذنجان وفاصوليا واي خضار تحبها وقطعهم اي شكل

وغسلهم وحطهم بالقدر وقطعة لحم او دجاج وغسلها وحطها بالقدر مع الخضار

ةهات بصل وقطعه اي شكل وحطه على الخضار واللحم وحط كمون فلفل وملح

وصب عليهم مويه حاره واتركهم يطبخون لحد ماتستوي اللحمه

وبتحصل طعم حلو وشربه وخضار وكلها مع خبزه وكاس لبن وبالعافيه


وتعود اي ساندوتش تسويه حط فيه قطعة خضار طماط او خيار او خس او كلهم

تزين طعمها وتعطيك قيمه اكثر

وماتشوف شر قلبووو

انا اقول لك شيء مجرب اذا فقدته احس به ...
أكل تمر ولبن ... تعتبر وجبه لها قيمتها الغذائية الجيدة
لانه مذكور في القرآن ثم في الحديث
ابدء يومك بــ 7 تمرات , ولا تقتصر عليها , يعني اذا جاء وجبة الغداء خذ لك بعد اللي تقدر عليه والعشاء مثل ... وصدقني راح تحس بتحسن
وللمعلومية الجسم بيستفيد منه بسرعة لان المعدة تهضم السكاكر خلال ساعة او اقل
الشيء الثاني : العسل وشمع العسل ... خله في جدول فطورك مفيد وطعه لذيذ
الشيء الثالث : تحصل في الصيدلية كبسولات غذاء ملكة النحل ... طبيعي 100 % , ميزة الكبسولات سهله الحمل ... يعني اذا حسيت انك تعبان او مرهق تطلعها من الجيب وتاكلها وتزيد عندك النشاط .

ولا تنسى ان السكريات تزيد النشاط وبالتالي تزيد الرغبة الجنسية .
اتمنى اني افدتك

يعطيك العافية على الوضوع