مبتعث جديد New Member
الولايات المتحدة الأمريكية
اماراتي دارس , ذكر. مبتعث جديد New Member. من الإمارات العربية المتحدة
, مبتعث فى الولايات المتحدة الأمريكية
, تخصصى علم الكيمياء الجنائي
, بجامعة OHIO UNIVERSITY
- OHIO UNIVERSITY
- علم الكيمياء الجنائي
- ذكر
- Athens, OHIO STATE
- الإمارات العربية المتحدة
- Sep 2009
المزيدl November 28th, 2009, 10:03 PM
November 28th, 2009, 10:03 PM
يعطيك الف عافية اخوي اماراتي على طرحك للتجربة
وكان بودي وود الاعضاء ان تعطينا اكثر تفصيل عن الاختبارين
وتفيدنا عن سلبيات وايجابيات الاختبارين من ناحية مستوى السنينق
والريدينق والرايتنق يعني وش اصعب شي مر عليك في التوفل ومامر عليك في الايلتس
الف شكر لك يالغالي وبالتوفيق ان شاء الله في الموعدد القادم
no problem November 29th, 2009, 01:25 PM
7 " اشكرك ع ردك يا اخوي no problem
بالنسبة لمستوى السنيق الصراحة كان التوفل واجد صعب يعني والله اني كنت اسكر عيني عشان القط كلمة و استنتج منها بس ما قدرت حتى اني امسك كلمة وبعدين كل الكلام الي اكتبه كنوت عشان استفيد منه ف الاسئلة راح ع الفاضي لانهم كانوا يسألوني شو كان المقصود ب هالجملة الي انذكرت يعني الصراحة تنحت.
اما بالنسبة للايلس كان معقول يعني ف مجال انك تجيب علامة لانة الامتحان يبتدي سهل ف كل قسم وبعدين كل ما تنزل بالاسئلة كل ما يصعب بس لا تحاتي الامتحان حلو و في وجهت نظري يعطي الطالب حقة مب مثل التوفل يحطم الواحد.
اتمنة اني قدرت اجاوب ع استفسارك
اماراتي دارس November 29th, 2009, 10:04 PM
7 " بس الايلس ما فيه شي صعب الا انه الوقت ضيق بس مع التمرين تتعود علية و تمشي والامور تكون طيبة معاك.
اماراتي دارس November 29th, 2009, 10:06 PM
7 " ماشاء الله الله يوفقك يارب
انا سجلت في موقع التوفل اليوم بس مو راضي يكمل اجراء التسجيل .. اضن فيه مشكلة في الويب سايت
عموما انا دوبي في البداية مستواي في المعهد السابع من 12
وبسجل في التوفل والايلتس وبغض النظر عن مدى صعوبة احداههم او سهولته
الله يعين بس
THE HEAD November 30th, 2009, 01:37 AM
7 " أنا ممن رأيي إن التوفل أفضل للي رايح لأمريكا لأن الآيلتس غير معترف فيه هناك إلا في جامعات قليلة
Tark_911 November 30th, 2009, 02:18 AM
7 " الله يوفقك يا اخوي THE HEAD
واما يا اخوي يا طارق انا ضدك كان كلامك صحيح بس الحين معضم الجامعات اذا مش كلها تقبل الايلس .
واهم شي شو جامعتك شو طالبة و ريح راسك.
اماراتي دارس December 3rd, 2009, 12:26 AM
7 " موضوع مهم وحلو
والله يوفقك يارب
أحمد الحمد December 14th, 2009, 07:12 AM
7 " شي جميل انك جبتي هذه النتيجه موفقه
صوت الحر December 19th, 2009, 11:29 AM
7 " اخذت دورة في التحضير لاختبار الايلتس في معهد تابع لجامعة غرب استراليا و من الامور اللي ذكرت الفرق بين الاختبارين فاذكر من الفروق (كاثي) كانت تقول الايلتس اسهل من التوفل قلت الكلام لي في ايش كيف ما ادري؟ والشي الثاني انتظارك بعد اداء الاختبار للحصول على النتائج الايلتس اذا ما خانتني الذاكرة 14 يوم بخلاف التوفل يصل بعض الاحيان إلى شهرين والله واعلم.
عجوز مبتعث December 31st, 2009, 08:20 AM
7 "
November 28th, 2009, 10:03 PM
عيدكم مبارك وكل عام وانتم بخير والله يعيده علينا كل سنة وكل حول
احب اشاركم تجربتي في اشهر امتحانين لللغة الي هم Toefl IBt و IELTS والحمد لله اني قدرت اجتازهم بخير
فالبداية امتحنت التوفل وكان امتحان طويل جدا يعني تقربيا خذ من الوقت ثلاث ساعات ونص
يعني تطلع من الامتحان وانت مسطل ع الاحر.
المهم اذكر اني حليت زين وقلت ع الاقل باجيب ف السبعينات و الايام تمر و وصل اليوم الموعود و طلعت فيه النتيجة وكنت ف غاية الحماس المهم اشوف العلامة الا اشوفها 63 من 120 الصراحة فرحت اني نجحت و انصدمت لاني ما كنت متوقعها بس الله كريم.
قعدت ع هذي العلامة و ما اريد امنتحن مرة ثانية لانه الامتحان يتعب بشكل رهيب يعني تحس انك طيعت يومك كامل بس ع هذا الامتحان
و جت فكرة ف بالي اني امتحن ايلس قلت يمكن الله يفتحها معانا و رحت و امتحنت الصراحة تعبت شوي لكن ارحم و اهون من التوفل يعني تحس انك تعرف انجليزي .
كنت افكر فالعلامة واجد لان الجامعة مالتي طالبة ستة ونص ف الايلس او 92 ف التوفل فقلت احسن شي الايلس . قلت باسويه قبل السفر عشان ما اطول ف المعهد لاني اعرف انجليزي. المهم يا شباب رحت عشان اجيب العلامة حقي و افتح الغلاف واشوف العلامة. جبت الباند حقي 6 والجامعة طالبة ستة و نص بس الصراحة فرحت حسيت اني اعرف انجليزي مب الوفل ياخي يحسسك انك ما تعرف شي ابد.
وانا حاجز موعد ثاني و ان شاء الله اجيب الستة و نص علامة بان سفري آخر 12 بس حمدلله اقدر الحق.
من خلال تجربتي المتواضعة احب ابين الفرق بين الامتحانين عشان محد يحتار
التوفل: طويل جدا مثل ما قلت 3 ساعات و نص تقريبا والمصيبة انك قاعد تمتحن ع كميوتر
الايلس: ساعتين و شوي بس ارحم عن التوفل يعني تقدر تتنفس
ف المقارنة الايلس احسن يعني تقدر تجين علامة حلوة مثل ما صار معاي انا جبت 63 ف التوفل و جبت 6 ف الايلس يعني تقريبا 75-80 مقارنة ف التوفل
شو رايكم ف التجربة الحلوة
ارجو انكم استفدتوا مني و عرفتوا شو تختارون واي استفسار انا حاضر.ِِِ