من لديه طريقة سريعه لحفظ الكلمات للغة الإنجليزيه

السلام عليكم ,,

اخوي نصيحتي لك ابدا حبة حبة ..وافضل شي انك تحفظ الكلمة وتعرف معناها بالعربي عشان ماتلخبط .. وكل يوم احفظ 5 كلمات واستمر عليها الين تحس نفسك صرت متمكن من حفظ 5 كلمات وتحسها سهلة جدا .. وبعدين زودها وخليها عشرة .. وخليك على الطريقة هذي وراح تذكرني بالخير ان شاءالله ..

لاكن اهم شي انك تحفظ الكلمة وتعرف معناها بالعربي ...

وبالتوفيق ان شاءالله

يعطيكم العافيه اخواني

صرااحه عندكم طرق وايد وكل واحده احلى من الثانيه

وانا راح استخدم الطريقه الي تناسبني


والي عنده لا يبخل علينا مو علشاني انا بعد علشان الأعضاء الي محتاجين اللغة

دمتم

الله يعطيكم العافية

جرب الطريقة هذي:
إقرأ كتاب أو شاهد برنامج - والكتاب أفضل حتى تعرف تهجئة الكلمة- باللغة الإنجليزية، طبعا راح يكون عندك مجموعة كلمات ماتعرف معناها، بعد ماتخلص قراءة خذ ورقة وأكتب الكلمات اللي ماعرفت معناها من ذهنك، ﻻ تفتح الكتاب تدور! أكتب الكلمات اللي تتذكر أنك ماعرفت معناها.
أفتح القاموس ودور معاني الكلمات، لا تحاول تحفظ، إنت إقرأ المعنى كم مرة بدون ماتحاول تحفظ.
أرجع بعد يوم يومين وإقرأ الكتاب مرة ثانية وشوف هل تذكرت المعنى وﻻ ﻻ.

.
الطريقة راح تكون بطيئة عادة ، وماراح تنفع إلا إذا عندك أصلا حصيلة مصطلحات جيدة.
إذا عندك قاموس إنجليزي - إنجليزي - عربي يكون أفضل من الإنجليزي - عربي

بالنسبة لي أفضل القاموس الإنجليزي - إنجليزي حتى تتعود تفهم اللغة، ولو حصل مافهمت كلمة ممكن احد يشرحها لك بالإنجليزي

هلا اخوي
في كتاب اسمه Oxford Picture Dictionary
ممتع جداً لان كل كلمة معبر عنها بصوره وهاذي صورته


بتشوفه في جرير بخمسين ريال تقريبا.. لايفووووتك

انا اشوف حفظا الكلمات يكون باستخدامها دايما

كل يوم

وشكرا

يعطيكم العافية يارب