مـــين يــــحـــلــــهــــا ؟ الايلتس ودي ارفع درجتي لو نسبه وحده بس كيف ساعدوني !!

الايسي كيف كاتبه مضبوط
متاكد من لقرمر كلهم
متاكد من لسبيلنق

متاكد انك جاوبت السؤال وانك فهمته صح

تاسك ون حطيت له خاتمه او صوره عامه ؟

الريدنق مهاره بمعنى مهاره
اذا منت متعود تقرا يوميا
ماراح تقدر تقرا هناك

بس لازم كمان تدرب على مهاراته
تعرف اش الاسئله الي تجي بترتيب
مثل يس نو نت قيفين هذول يجوا بترتيب
فاذا حصلت اجابه السؤال الاول
تعرف ان السؤال الثاني بيكون بعده
وهكذا

واغلب اسئله الريدنق كذا ماعدا كم نوع مستثنيين فلازم تعرفهم
بكذا تختصر على حالك وقت لما تعرف موقع الاجابه

لسبيكنق
هل تلعثمت ؟
هل قعدت تقول كلمه وبعدين تصلحها
لما تقعد تصحح لحالك وتغير بكلامك
فهذا يعطيك 6

بس لما تتكلم بانسيابيه وتناقش وتعطي افكار
بسهوله تاخذ 7


وعموما اول مره ماهي مقياس لانك تكون مرتبك

بس حلو انك تاخذ فكره
وتدرب له كويس
والمره الجايه تجيب الدرجه باذن الله

( كل الشكر لك الغـ صدى ـربة)
ويارب تنال ماتريد وتتوفق دنيا و آخره

" توضيح شامل"
الاختبار الاسبوع القادم
الله يوفق الجميع

طب استفيد من اغلاطك وحاول ماتكررهم

في بالمنتدى كتب الايلتس مع سيدياتهم تدرب عليهم بتوقيت معين

يعني جيب الرايتنق ووقت لحالك ساعه وسويه

وبعد نص ساعه تعال صلح لحالك

لا تصلح ع طول لانك مابتنبه للاغلاط بتكون لسه ببالك
بس بعدها بشوي تقدر تشوف

وكرر الرايتنق اكثر من مره

بتلاحظ ان اغلاط معينه انت دايم تكررها

فهذي تنتبه في الاختبار الاصلي لها
وتجلس تدور عنها بزبط

مثلا انا كان عندي مشكله توافق الفعل مع الفاعل
مثل he reads the book
انا انسى ماحط s في الفعل

فلما جا الاختبار لما خلصت اعيد على السريع ادور على جمل لبرزنت سيمبيل وازبطهم

وهكذا

ونفس الشي لسبيلنق هاي اشياء تقدر تعملها وتعدل درجتك


بالنسبه لريدنق بارت

انا من زمان اختبرت فما افتكر كويس

بس اغلب الاسئله تجي بترتيب

مثل yes no
التلخيص حق القطعه يجي بترتيب
عاده اذا اسئله عاديه كمان تجي بترتيب


اللهم عندك الي توصيل العناوين بلبقرافات
هذي ماهي مرتبه

وعندك اسامي او شي

يعني يجيب لك مثلا اختراعات وفي اسامي معينه
حط جنب كل اختراع اسم الي سواه
هذي احتمال تكون مو مرتبه

بس كون فيها اسامي فسهله تحصلهم تشوف كل اسم وتدور هو اش سوا
وممكن تكون بدل اسامي سنوات
المهم انها اشياء ظاهره

بس انا عندي الي فعلا ريحني كان اني عرفت ان yes no not given
وبالذات نت قيفين لانها مو موجوده فصعب تدور كل القطعه بس اذا لقيت الي قبلها ولقيت الي بعدها تقدر تعرف هي في اي منطقه مفروض تكون
اذا ماوجدتها بينهم فهي ماهي موجوده

من التقنيات المهمه ان تقرا الاسئله قبل وتخطط الكلمات المهمه وتعرف عن ايش انت قاعد تدور
وتفهم الاسئله اش طالبه واقرا كل اسئله القطعه
وبعدين ارجع للقطعه اقراها عادي لين ماتحصل اول اجابه تحصلها عطول تروح تكبتها وتشوف اش الي بعدها

انا كنت احل اكثر من سؤال بنفس الوقت
عشان لا ارجع اعيد ادور من البدايه لاسئله ثانيه
بس هاي التقنيه مو اي احد يقدر يزبطها
فاهم شي تقرا اسئله وافهم بزبط اش طالبين

بحيث لما تقرا القطعه بتعرف ان هالمعلومه انا شايف انها مطلوبه بسوال معين او انذكر شي عنها
فبكذا تقدر ترجع لسؤال وتعرف وش طالب وتعرف انه بالمنطقه الي انت قاعد تقراها


والريدنق تدرب عليه قد ماتقدر حل اسئله كثير وقطع
بحيث تقدر يكون لك التكنيك الخاص فيك

انا اخترعت التكنيك الي ينفع معي والي كنت اخلص فيه والاقي اغلب الاجابات

بس مو شرط ينفع معك

فبكثره الحل تعرف اش الي ينفع وياك

ولا تنسى بالريدنق انك تخلص كل قطعه وتشوف اجابتها وعطول تنقلهم على ورقه الاجابه
واذا الوقت قرب يخلص وعطتكم تنبيه
عطول اي اجابه تحصلها حطها بالورقه

الاسامي الطويله والي يحتاج لها تنقل لسبيلنق افضل انك تحطها بورقه الاجابه بدل ماتضيع وقت تكتبها مرتين

وموفق

Thanks a lot
الغـ صدى ـربة