مساعدة دراسة اللغه ضروريه؟ او العبره بالتوفل؟

May 24th, 2011, 11:22 PM

السلام عليكم
عندي سؤال ، بس سؤال واحد و أوجع راسي هالسؤال
أنا لغتي الانجليزية طيبه و لله الحمد ، ماني fluent و محترف لكن أفهم من اللي يتكلم قدامي و أقدر أتواصل معه و أعطيه الفكره اللي براسي و يفهمها واضبط اللكنه اذا اهتويت . أنا انتهيت من البكالوريوس بالهندسة من جامعه سعودية و كنت اكتب بالانجلش و اقرأ من كتب انجلش و كانت الدراسه كلها انجلش بانجلش عدا الشرح كانوا الاغلبية من العرب و كان اغلب الكلام عربي و هذي معوضها من سماعي للاخبار بالانجليزي و الافلام و كذا ، يعني مهارات الانجليزية كلها طيبه عندي. انا الحين ودي اكمل ماستر بامريكا او كندا ، لكن ما ودي ادخل سنه اللغه ، يعني ابمشي من هنا و ادخل بالتخصص دايركت و سنتين و اخلص ماستر ليش اضيع سنه و انا راح افهم الشرح الانجليزي و راح اقدر اتواصل معهم و اكتب تقارير و بحوث ، و انا الحين ماخذ دورة تحضير للتوفل 3 شهور و جالس اتدرب عليه و اتعرف عليه بمعنى اصح و ان شاء الله راح اجيب درجه طيبه.
السؤال هو : هل سنة اللغه لازم الواحد ياخذها؟ و لا بس اجيبلهم شهادة توفل 400 او 450 او حسب نظامهم و خلاص يقبلوني و ادرس التخصص على طول؟؟؟؟؟؟؟؟؟؟؟؟؟؟؟
يعني اذا اخذت التوفل من هنا بالسعودية و ارسلته لجامعه هناك يقبلوني و ادرس تخصصي على طول و لا لازم سنه او 6 شهور كورس بمعاهد هناك ؟ ولا النظام هذا من عندنا هنا بالسعودية يعني لازم اول ما تبدأ هناك باللغه و الا وش السالفه ؟؟!!

طولت عليكم بس والله حيرني هالسؤال و بانتظار جوابكم الوافي باذن الله و لكم الشكر مقدما على تعاونكم ، ، ،

• نشر عبر تويتر
• نشر عبر فيسبوك
• نشر عبر جوجل