LinkBack URL
About LinkBacks
تشكرين على المعلومات ياهايدي
7 " 
~~ تجربتي مـــع IELTS ~~
~~ تجربتي مـــع IELTS ~~
تنبيه: هذا الموضوع قديم. تم طرحه قبل 5941 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- هااااااااااااااااااااااايدي ,.ياسلام عيكي ..منجد مرررااا كنت محتاجه معلومات عنو....مررراا شووووكرن....بس كنت احسب انو الإيلتس أسهل من التوفل!!!؟7 "
؟؟؟؟؟؟تشكريي عل المعلومات القيمه والله يوفقك ويديكي العافيه<<<<<>>>>>>تقبلي مروري
- هايدي..نسيت أقول حاجه!!!؟؟7 "
..أنا ليا فتره بدور على اختبار اوديب على الايلتس من خلال النت..يعني زي التوفل في مواقع تدي اختبارات للتدريب فقط..بس ملقيت دا الشي عن الايلتس...!؟؟؟بليـــز ازا عندك فكره عن دا الشي..وبالتوفيـــــــق. - 7 "الف شكر هايدي
تجربه ونصاائح راح تفيدنا ان شاء الله
الله يعطيك العافيه - شوق الأماكن7 "
Pink Shore
عبوود
مشكورين عالمرور نورتو الموضوع
============================
Pink Shore
شوفي يا عيوني انا سمعت العكس ان الايلس اسهل من التوفل
لأن التوفل فيه جزء Grammar
و خصوصا iBT الي بالكمبيوتر يقولو مره صعب
فأنا اقولك صراحه الايلس مررره خفيف ترى مو صعب و مو سهل
يعني دقيق مره و هنا تكمن المشكله لو شي بسيط حرف مثلا غلط تروح عليكي الدرجه
و انك تنتقلي من مثلا الدرجه 6 الى 7 في فرق بينهم درجتين ، يعني تخيلي غلطتي غلطين يأثرو و يخلوكي بدل 7 تصيري 6
عموما انا اقولك و الله التدريب ثم التدريب ثم التدريب
اصلا اليوم في speaking صراحه ما اتوقعت تكون الاسئلة سهله
و هذي الاسئلة الي سألتني هيا موجوده في كتب الايلس و معروفه دائما يسألو دي الاسئلة
عموما بالنسبه للمواقع انا ما شفت مواقع تدريب زي الاختبار الحقيقي لكن في مواقع كثييييييره مفيده عنه
في المعهد بس يدوكي من الكتب تتدربي
أنا صراحه حسيت الكتب أغنتني عنها لأنو عيوني خرجت من النت و مرات مثلا في Reading
ما تقدري تحلي و هو عالكمبيوتر لازم شي مطبوع تكتبي فوقه و تحددي key words
و اشياء ثانيه مهمه
لكن شوفي دا الموقع انا لقيته قبل الامتحان بيومين تخيلي
بس مره حسيته مفيد للـ Writing
http://www.ielts-exam.net/
يعطيكي فكره كيف تكتبي في Writing task 1
لأنو Task 2 يعتمد عليكي و على فكره نمطه يكون argumentative essay
بس برضه شوفي دا الموقع يعطيكي نماذج لـ Task 2
http://www.writefix.com/argument/
أنا بادرس Academic English و هذا ساعدني كثير صراحه و كان سهل علي
لكن في ناس تاخد دورات و احس المفروض لأنو مره صعب تدخلي الاختبار و ما يكون عندك خلفيه بس معتمده على لغتك
لازم تتدربي و تشوفي
أنا زي ما قلت لك كنت بادرس اكاديمك و ذاكرت بنفسي من الكتب
معليش كلامي كثير
لكن To some up<<< متأثره بالامتحان لسه
ما قد مر علي مواقع تعطيكي اختبارات لكن كتب كامبريدج هي نموذج للاختبار و اكاد اجزم ان النماذج فيه تشبه الاختبار الحقيقي بنسبة 80% او 85%
موفقه ان شاء الله و أي سؤال ثاني ان شاء الله اقدر أفيدك - مشكوره اخت هايدي على المعلومات المفيده عن ال IELTS7 "
في الحقيقه موضوع مميز وجهد جبار - غاليتي هايدي7 "
بارك الله فيك ووفقك الله دنيا واخرة
آمــين
عندي سؤال : رشحي لي كتاب عن التوفل وIELTS
؟؟؟؟؟؟؟؟
اريد كتب جيدة عن هذا المجال ؟؟؟
جزاكم الله خير - 7 "mofk
هاديا
شكرا عالمرور و بالتوفيق ان شاء الله
=======================
عزيزتي هاديا
بالنسبه للكتب فمثل ما قلت كتب كثيره لكن في المعهد نصحوني بعدة كتب
و كانو كده
و هذي الكتب:
Cambridge IELTS : examination papers from University of Cambridge ESOL examinations : English for speakers of other languages
و هذا زي ما قلت سلسله من 6 كتب مررره مفيد
لأن جامعة كامبردج أصلا هي من ضمن الي بيضعو اسئلة الاختبار
---------
Action plan for IELTS : last-minute preparation, practice test, self-study guide---------
Step up to IELTS---------Common mistakes at IELTS advanced ... and how to avoid them---------Insight into IELTS extra : the Cambridge IELTS course
بالاضافة للموقعين الي حطيتهم فوق للـ Writing
=======================
طبعا احس صعب تروحي تشتري كل دي الكتب
بس لو تلاقي مكتبه تستعيري منها
أو بس ركزي على كتب كامبردج لأنها 6 أجزاء و فيها كل شي
و شوفي من النت
و لو رحتي معهد قبل لا تاخدي الامتحان رح يعطيكي كتاب
لأنو صاحبتي في جامعه ثانيه و الجامعه اصلا مسويه كتاب خاص بها
لكن في النهايه كل الكتب كويسه، الهدف تلاقي شي تحلي تمارين منه و تشوفي اش هو الاختبار
اش كمان يا ربي
ايوه بالنسبه للتوفل ما عندي خلفيه عنه للأسف
وبالتوفيق ان شاء الله
- هايدي .. جزاك الله خير على الموضوع .. والله مفيد مرّه !!7 "
بس عندي سؤال !! ألحين الآيتلس أقدر أختبر أكثر من مرّه !؟!؟
يعني إذا جبت درجة 0 DID NOT ATTEMPT THE TEST أقدر أختبر إختبار ثاني ؟!
January 19th, 2008, 01:53 PM
من زمااااان عن كتابة المواضيع، لكن عشان عيون مبتعث و أعضاء مبتعث
هذا أحلى موضوع و ان شاء الله تلاقو الفائدة منه
و الي ما يعرف IELTSفهو ولد عم التوفل
بس IELTS بريطاني
كل الطلاب الي معايا سواء هنود و لا صينين و لا يابانيين و لا حتى اوروبيين قبل لا يجو لازم يعملو تحديد مستوى هذا يريحهم لما يدخلو المعهد فتلاقيهم ما يدخلو مستويات مبتدئه مره ، لا مستويات متقدمه
تخيلو سنه بكاملها تدرسو لغه و تعيدو في الليفل و تعيدو و ما في فايده
فنصيحتي دي عشان تخففو الضغط على نفسكم
معايا في المعهد ناس خلصو سنة اللغه و برضه ما قدرو يعدو و لا يدخلو الجامعه
-----------------------------------------------------------------------
طيب نرجع للموضوع IELTS اش طريقته
بكل بساطه هو 4 أقسام
1- Listening
2- Reading
3- Writing
4 Speaking
و تقسيمها كالتالي :
40 سؤال منوعه ، محادثه تلفون و بعدين مثلا محاضره و كده و الاسئلة تتدرج في الصعوبه
و التسجيل مره وحده تسمعه
مو سهل و مو صعب ، لازم تركيز لأنو مرات تلاقيهم يتكلمو بسررررعه و يفوت الكلام عليك
و لا مثلا يكون الحل انك تكتب رقم تلفون و بسرعه يقولوه و كده يعني
و لا تسرحو زي حاولو في المره الوحده تطالعو في سؤالين
مو بس تركزو على واحد
-----------------------------------------------------------------------
2- Reading
هذا القسم اصعب شي
3 قطع و عليها برضه 40 سؤال تحلها في ساعه وحده بس
كل قطعه تخلي لها 20 دقيقه
و الاسئله فراغات او yes,no,not given
اختياري و غيره
الصعوبه تكمن في المواضيع نفسها شي غريب عجيب عن الفضاء و لا الحيوانات
زي اليوم جابو عن Sea cow
و كلام طويل عريض، بس كان سهل مو صعب عادي يعني مو كعادتهم
مثلا يجبيو مقاله عن التعليم و لا الاطفال و لا النجوم و غيره الكثير
طبعا لازم تكون تقرأ كثير عشان تفهم الي مكتوب
-----------------------------------------------------------------------
3- Writing
قسمين
Writing Task 1
وهو عبارة عن وصف Graph, Diagram, Table , Chart or process
طيب هذا لازم تكتب 150 كلمه و عليه 20 دقيقه
أنا جاني اوصف Table عن مجموع انفاق شركات سيارات على الدعاية و الاعلان في سنه ما
Writing Task 2
موضوع عام تكتب عنه في 250 كلمه مدته 40 دقيقه و عليه درجات اكثر
دائما يطلبو رأيك في موضوع ما مثلا اليوم كان انو هل الاجيال القديمه (كبار السن) دورهم ضعيف في اعداد الجيل الجديد لمواجهة الحياة الجديده؟؟
هل توافق و لا لأ
أشياء زي كده و لا مثلا عقوبة الاعدام اش رأيك ؟؟
الدراسه هل المفروض تكون مجانا ؟؟
-----------------------------------------------------------------------
المهم انتيهنا و بقي Speaking
الامتحان انتهى الساعه 12 و نص و مقابلتي الساعه 3
و الله رحت البيت صليت و رجعت
استنيت و الله و جات الي رح تختبرني و انا قايمه و الا الطرحه( الايشارب او السكارف على حسب ما تسموه) انشبك في الباب
و الحرمه تجري و انا استني يا امي استني
المهم و الله رحنا الغرفه حقت الاختبار تجلس توريها جواز السفر و تبدء و المقابله تتسجل و مدة الاختبار حوالي 15 دقيقه
تسأل اسئلة عامه اسمك ، بلدك، مدينتك اوصفها
بعدين سألتني اش رأيك في ارسال الرسائل هل ترسلي رسائل لأحد؟؟
هل ما زلتي تتواصلي مع اصحابك؟؟
بعدين تعطيك بطاقه فيها سؤال و مطلوب تتكلم بدون توقف لمدة 2 دقيقه
و كان سؤالي اوصف رحلة رحتها<<< لا تتوقفو عن الكلام اي شي قولو الين الي بيختبرك يوقفك
بعدين تبدء تسأل اصعب ما رأيك مثلا في تربية الاطفال خارج بلادهم ؟؟
هل تؤيدي مثلا ان الانسان يخرج من بلده و يسافر من بلد بلد؟؟ اش مساؤي و محاسن دا الشي؟؟
و أسئلة أخرى و بس مع السلامه
طبعا لو تحسو ان الاسئلة سهله فهي مهي سهله لأنو هي ما تبغاك تتكلم أي كلام
تبغى تشوف انت عندك فوكاب و قرامر و لا كلامك بسيط و سهل very good, nice
-----------------------------------------------------------------------
1- practice practice practice practice
اهم شي التطبيق عشرين مره ، انا Reading جاب لي الصداع من كثر ما احل نماذج
بس في النهايه رح تجنو ثمرة دا الشي
لو مثلا في Listening المفروض تكتب الحرف Capital و حطيته small باي باي للسؤال
طبعا تتأكدو من دا الشي من خلال هذا الموقع حق الايلس
هنـــــا
فوق تلاقو قائمه اختارو منها المدينه و الدوله عشان تشوفو المراكز القريبه منكم
8 Very good user
7 Good user
6 Competent user
5 Modest user
4 Limited user
3 Extremely limited user
2 Intermittent user
1 None user
0 DID NOT ATTEMPT THE TEST <<<< انتبهو