من يعرف اللغة يتفضل؟؟

الاخ الهايم

سالفة اللغة تعتمد برايي على ثلاث محاور :


1-انت

2-المعهد

3-البيئة


بالنسبه لاعتمادها عليك فهو متوقف على كيفية تعاملك مع اللي تعلمته,
اللغة تحتاج الى ممارسة دائمه سواءا بالقراءة او الكتابه او التحدث ..,
فاذا انك هنا او انك برى ,فالسالفه في اغلبها تعتمد على كيفية تفاعلك
معها ,يعني لو انك برى وماتتواصل مع الناس اللي في كل مكان يتكلمون
انقليزي ,فمعناه ما استفدت شي,والعكس لو انك هنا بس انك تحاول انك تتعلم
من خلال انك تشوف افلام غير مترجمه ,تقرا قصص قصيره بسيطه ,تتكلم
مع عامل مطعم يتكلم انقليزي ,فمعناه انك بتستفيد .


ثانيا بالنسبه للمعهد,فهل المدرسين في المعهد فعلا قاعدين يدرسون باخلاص
وامانه ,وهل اللي معك في المعهد يبغون يتعلمون او لا , وهذي في الغالب
تقدر تسأل عن المعهد نفسه وعن العالم اللي درسوا فيه وتاخذ عنها فكره.


ثالثا :بالنسبه للبيئة ,اذا انك برى وانت انسان تتواصل مع الناس ,فاكيد
ان تعلمك للغه بيكون اسرع من اذا انك هنا .


اخيرا :مافيه اجابه ايه او لا , السالفه تعتمد عليك وعلى المكان اللي
انت فيه وبتدرس فيه.

بالتوفيق يارب