~][~ أيلتس IELTS كتب و تجارب - واللي تبغوه!. .. ~][~ - الصفحة 3

المندوب · #21 (**رابط مباشر**) August 13th, 2008, 02:33 PM

أختي الكريمة ولاء ..
إخواني جميعاً ..

فيه سؤال عن اختبار الآيلتس ..
وهو له مواعيد محددة في العام ، ينفذ في نفس الوقت في كافة المعاهد ؟
أم أن كل معهد له حرية اختيار الوقت الذي يجري فيه اختبار الآيلتس حسب الكورسات والتي يقدمها والنظام الذي يتبعه ؟

مع التقدير والشكر سلفاً .

wala2 · #22 (**رابط مباشر**) August 13th, 2008, 05:45 PM

المشاركة الأصلية كتبت بواسطة dallo

تسلمي ولاء على الموضوع الحلو والمفيد دا
الله يعطيكي العافية وتاخدي ان شاءالله يارب 7 في الايلس

الله يسلمك يااااارب

انا راضية باللي الجامعة ترضاه

ياااارب اجيب درجة حلوة ياااارب

المشاركة الأصلية كتبت بواسطة British Boy

اخونا خالد الي معانا بالمعهد اختبر الاسبوع الماضي في ايست بورن

ويقول الاختبار سهل وماهو مصدق اي واحد يقول صعب
وانه يقول اذا ماحد جاب درجته المطلوبة في هذا الاختبار
ماحد يجيبه لو يدرس عشر سنوات قدام

بالتوفيق لطلاب كرايس تشرش

ايست بورن وبرايتون ==> الاتنين تابعين لمركز واحد

الاتنين مهويين
فين براايتون وفين أكسفوورد

عالعموم الآراء تختلف

انا اشوفه اسهل من الللي قبله ماعدا الريدنق (اللي قبل كان أسهل)
الرايتنج عجبني بس في ناس ماعجبهم ...

كان عن استخدام الحيوانات في التجارب الطبية .. قولي الرأيين .. وانتي مع مين؟

السبيكنغ ... مافي مقارنة أبدااااااا...
جدا متساهلين .. (بس سويت في اكسفورد احسن ... مع انو فرق اكتر من 5 دقايق بين الاختبارين)

الليسننغ اسهل بكتيييييير
وفي الأخير ان شاءالله يااااارب كل واحد ياخد الدرجة اللي ترضيه ..

وياااارب توفق كل الطلاب فين ماكانوا

المشاركة الأصلية كتبت بواسطة المندوب

أختي الكريمة ولاء ..

إخواني جميعاً ..

فيه سؤال عن اختبار الآيلتس ..
وهو له مواعيد محددة في العام ، ينفذ في نفس الوقت في كافة المعاهد ؟
أم أن كل معهد له حرية اختيار الوقت الذي يجري فيه اختبار الآيلتس حسب الكورسات والتي يقدمها والنظام الذي يتبعه ؟

مع التقدير والشكر سلفاً .

اختبار الأيلس له مواعيد محددة ... في اماكن محددة ..
واغلب المعاهد مافيها مركز اختبار ايلس ..
مثلا في كانتربري.. بس في مركز واحد للاختبار في التشوسر كولج .. ومرررة عليه ضغط ..
يعني الواحد لازم يحجز قبل بفترة كاااافية .. (شهر فما فوق .. -وعلى حسب الشهور ..شي اضغط من شي-)

في اماكن تانية تلاقي فيها قبل باسبوع ... زي برايتون وايستبورن

وفي الموقع دا موضح كل شي:
www.ielts.org

ودا في بريطانيا
http://www.ielts.org/test_centre_sea...4-c5d4331a543d

اختار الدولة والمدينة اللي تبغاها وتطلعلك التواريخ .. وبالتوفيق

wala2 · #23 (**رابط مباشر**) August 13th, 2008, 07:53 PM

السلام عليكم ورحمة الله وبركاته ...

نجي لليسيننغ Listening

4 اقسام .. كل قسم 10 أسألة .. خلال 30 دقيقة .. وفي النهاية 10 دقايق لنقل الاجابات ..

في الأغلب البداية تكون مرررة سهلة وبعدين تتدرج في الصعوبة ..

كتير أحيان يجي سؤال وتعبي انتي الفورم للبيانات الناقصة ..
اسم .. عنوان .. رقم تلفون... تفاصيل دفع ...وكدا
دي اسهل شي.. بس ازا الواحد سرح شوية

راحت عليه ..

لازم الواحد يككووون مررررركز مررررة

ازا فاتك سؤال خلاص.. انقل عاللي بعدو على طول .. ولا تضيع وقتك ..

يعطونا وقت عشان نقرا الأسئلة .. الأقسام ال3 الأولى وقتها كافي ..
خلال الوقت دا..

تحدييد الكي وورد مررة مهم ... وازا باقي وقت كتابة مترادفات للكلمة ..

السؤال الرابع .. غالبا أصعب شي.. وممكن يكون محاضرة وتعبي الكلمات الناقصة ..
ودي الحالة ..لأازم الواحد يسمع ويقرا ويفهم .. ويحاول يشوف ايش الكلمة الناقصة <== الحمدلله المرة التانية كن اختيارات مو فراغات ...

بعض الأحيان تكون الاختيارات اسهل وبعض الأحيان العكس..

اللي في بريطانيا ... في في الراديو عالبي بي سي اظن 4 .. الصبح دايما يفتحوا مواضيع نقاش ..
وأغلبها تفيد في السبيكنغ والرايتنغ وقبلهم طبعا الليسننغ ..
المواضيع تكون نفسها اللي بتجي في الاختبار .. عن التدخين .. هل لازم يمنعوه ولا لأ؟؟
تأثير االعاب الفيديو عالأطفال ... وو (اللي يقدر حيفيد نفسه ..

)

wala2 · #24 (**رابط مباشر**) August 13th, 2008, 07:57 PM

أنواع الأسئلة في الليسينغ :

Form/Notes/Table/Flow-chart/Summary Completion

Multiple Choice

Short-answer Questions

Sentence Completion

Labelling a Diagram/Plan/Map

Classification

Matching

روعه المنظر · #25 (**رابط مباشر**) August 14th, 2008, 12:23 PM

يعطيك الله الف عاافيه ياعسسل

امممم انا بصراحه مستواي بالانقلش لك عليه شوي

مستواي الـــــــمنتري !

ممكن تعطيني اسم كتااب مفيد لي ..

ومن هالكتب الي ذكرتي وش الكتااب المفيد لي ..

وووش تنصحيني عشان اكون أقوى بالسبيكنغ صراحه اعاني مشكله معه

وسووري لو طلعت برى الموضوووع بس من جد متعقده مرره وخاايفه

wala2 · #26 (**رابط مباشر**) August 14th, 2008, 01:16 PM

المشاركة الأصلية كتبت بواسطة روعه المنظر

يعطيك الله الف عاافيه ياعسسل

امممم انا بصراحه مستواي بالانقلش لك عليه شوي

مستواي الـــــــمنتري !

ممكن تعطيني اسم كتااب مفيد لي ..

ومن هالكتب الي ذكرتي وش الكتااب المفيد لي ..

وووش تنصحيني عشان اكون أقوى بالسبيكنغ صراحه اعاني مشكله معه

وسووري لو طلعت برى الموضوووع بس من جد متعقده مرره وخاايفه

الله يعافيك

.. اغلبنا بادئ من الالمنتري .. وشوية شوية ان شاءالله تتحسني وتتطوري الين توصلي الأدفانس

انا اشوف انو ركزي دحين عاللغة مررة ... وخلي الأيلس على جنب شوية ..
وبس تحسي انو مستواكي اتطور في كتب ايلس لل Intermediate
وازا كنتي بتدرسي في معهد الأفضل تبدأي معاهم عشان تعرفي الطريقة ..
وبعدين كملي لوحدك ..

السبيكنغ : ..
اتكلمي .. وتكلمي وتكلمي ...
حتى لو تغلطي وتخربطي عادي... اهم شي تكون عندك الجرأة وماتخافي من الغلط ..
(وزا كنتي بتتكلمي مع انجليز ,, ومنتي متأكدة انو دي االجمله صح .. عادي قوليلهم يصلحولك

)==> دايما أسويها

الشي التاني ..
اسمعي كتير .. شوفي برامج تلفزيون.. اسمعي راديو

الشي الأخير..

هوة غريب شوية .. بس اكيد حيساعدك .. لأنو انا مررة ساعدني
(صح انو احس نفسي غريبة الأطوار .. بس عشان خاطر اللغة كل شي يهون

)
اتكلمي مع نفسك داااايما ...
اتخيلي مواقف.. واتكلمي .. ولمن ماتعرفي كلمة عالديكشنري على طول.
واليوم التاني اسالي التيتشر صح ولا لأ؟؟
وايش افضل جمله تتقال في الحالة دي؟

حتى وانتي في الباص... لمن تفكري مع نفسك.. حاولي تفكري بالانجليزي.. اتكلمي مع نفسك بالانجليزي ...
في البداية حيكون صعب .. بس بعدين لمن تتعودي..
حتلاقي نفسك اصلا بتتكلمي انجليزي من غير مابتحسي...

وبالتوفييق يارب..

وازا عندك اي شي تفضلي ..
الموضوع موضوعك

احمد السويط · #27 (**رابط مباشر**) August 15th, 2008, 02:17 AM

انا اليوم كنت في مكتبة Borders اخذ نظره على كتب الايلس

فعلا ما عجبني الا الكتاب الاول اللي ذكرتيه وانشالله راح اشتريه

صمت المحيط · #28 (**رابط مباشر**) August 15th, 2008, 04:10 AM

WoOooOoW

THANK YOU SOoOoooOOOOooo MUCH

British Boy · #29 (**رابط مباشر**) August 15th, 2008, 04:15 AM

أخر رد لي في هذا المنتدى
بالتوفيق اختنا ولاء

برب...! تيت...!

wala2 · #30 (**رابط مباشر**) August 15th, 2008, 03:46 PM

المشاركة الأصلية كتبت بواسطة احمد السويط

انا اليوم كنت في مكتبة Borders اخذ نظره على كتب الايلس

فعلا ما عجبني الا الكتاب الاول اللي ذكرتيه وانشالله راح اشتريه

ان شاءالله تستفيد منو .. وتجيب الدرجة اللي تبغاها وأحسن
وبالتوفيق يارب

المشاركة الأصلية كتبت بواسطة صمت المحيط

WoOooOoW

THANK YOU SOoOoooOOOOooo MUCH

ur welcome

المشاركة الأصلية كتبت بواسطة British Boy

أخر رد لي في هذا المنتدى

بالتوفيق اختنا ولاء

برب...! تيت...!

؟؟!!
شكرا ,,
موفق في دراستك ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق