الأعضاء الإشتراك و التسجيل

الملتقيات
ADs

ياعالم ياناس أنا حالة شاذة !! " صار لي فلم هندي عشان إلغاء قرار الإبتعاث" !!

ياعالم ياناس أنا حالة شاذة !! " صار لي فلم هندي عشان إلغاء قرار الإبتعاث" !!


NOTICE

تنبيه: هذا الموضوع قديم. تم طرحه قبل 6325 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية aazzaa
    aazzaa

    مبتعث مستجد Freshman Member

    aazzaa الولايات المتحدة الأمريكية

    aazzaa , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى طالب , بجامعة لايوجد
    • لايوجد
    • طالب
    • ذكر
    • الرياض, الرياض!
    • السعودية
    • Sep 2006
    المزيدl

    December 5th, 2006, 09:19 AM

    السلام عليكم
    إخواني الأعزاء أنا أحد المبعثين طبعاً برنامج المتميزين السنه هذي
    طبعاً كانت دولة الإبتعاث إستراليا وانسحبت منها بسبب الجامعة اللي عينوني فيها
    المهم رحت لــهــشام العــــمــار وجالس يتكلم معايا إنكم كذا وكذا وكذا !!! المهم دور في مكتبه قال ماحصلت ملفك روح للصادر رحت الصادر عند واحد كبير شوي وصوته مو واضح !! وجالس يدور يقول ماعندنا شىء مالقينا قرار إبتعاثك !!!!! رحت للعـــمــار قال لي وين ساكن ؟ قلت له في الرياض قال لي خلاص تعال لي بكره لأني ماني فاضي أدور على ملفاتكم !!!!
    المهم جيت اليوم التالي قال وجالس يدور في الملفات مالقا شىء !! قال روح للصادر !! رحت الصادر ورحت عند موظف ثاني غير اللي رحت له أمس !! ونفس الكلام مافيه شىء أبدا ابدا ابدا !!
    رجعت لهشام قال روح للأبو بندر !! " وانا ويش دراني مين أبو بندر !! قال لي إسمه محمد السريع رحت له قال ماعندي شىء !!! رجعت لهشام قال طيب لحظة وكتب لي ورقة وقال عطها أبو بندر > يعني بنرجعله مره ثانيه !!! جيت عنده قال والله والله ماعندي شىء !! واتصل على هــشــام وجالسين تكون يتهاوشون !!!! بعدين قال خلاص بنتأكد لك وجيت مع أبو بندر للصادر وراح لكل الموظفين كلهم يقولون مالك قرار أصلاً ماهو مسجل عندنا بالحاسب الآلي !!!
    رجعت لهشام وقلت له كل شىء !! قال والله ما أقدر أعطيك الملف إلا إذا ألغيت القرار !!
    المهم بعد عدة محاولات من هنا وهنا ! جبت الشهادة بحمد الله والحمد لله إني ما أضطريت للواسطة !
    وسلامتكم !!!
    والحمد لله ربي ستر علي إني ماسافرت إستراليا كان وربي رحت فيها !!!! مع الملحقية !!! عشان قرار !!
    تخيلوا ياعالم كانوا بيبتعثون بدون قرار !!!
  2. هلا مبعث
    البعثة ماراحت علي أنا انسحبت منها !! والبرنامج اللي كنت فيه برنامج المتميزين
    طبعاً هالبرنامج ميزته أن الوزارة تجيب لك قبول من جامعات متميزة ومحددين لكل دولة جامعة أو جامعتين
    طبعاً مشكلتي كانت في التخصص ، وقررت الإنسحاب بسبب التخصص اللي كنت أبغاه ماكان موجود بجامعة سيدني
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.