معاً يداً بيد لنحل معوقات الإبتعاث

وعليكم السلام ورحمة الله وبركاته
الله يوفقك ويسخرلك اهلك يارب ويكونون عون لك باكمال طموحك وحلمك يارب ..
جربي معهم الزن وقولي انا ابغى اكمل تعليمي برة واستفيد خبرة واجيب شهادة عاليه ارفع راسكم فيها وانا امنيتي اكمل ولاتحرموني ومن هالكلام ..
وعن تجربة ادعي ادعي كثير الله يسخرلي اهلي ابوي وامي واخواني ..
واذ عندك اخ بيكون محرمك مثلا قولي ابغى اخوي يكمل معاي عشان يرجع بشهادة قوية وعالية ويساعدة بالوظيفة الي تستاهل ..
انا بصراحة اذ عندي هدف اسوي الي عليه واحط اهلي تحت الامر الواقع ..
قبل لااسجل بالبرنامج كنت اول احس نبضهم واقول بكمل برة ومن هالكلام كانوا يضحكون ييقولون الله يوفقك بس موصدق ..
وقلت بسجل واشووف حظي لان طموحي اكمل المهم يوم قرب وقت التدقيق قلت يابوي تراني انقبلت ببرنامج االابتعاث قام يضحك من يروح معك قلت انت الله يطول بعمرك ...
قال واترك اهلك هنا قلت عادي يجون معنا هههه
المهم ومع الزن حاولت فيه لين وافق والحمدلله ويافرحة ماتمت جت الوزارة وخربت الفرحة لكن بأذن الله مايضيع تعبنا ربي قادر ع كل شي ..
والله يوفققك يارب ويوفقنا اجمعين ..
الدعاء والوتر باذن الواحد الاحد تشوفين كل امالك وطموحك تتحقق ...

كلامك جميل جدا ،، وفيه من الفائده الكثير ..

وما اخفي عليك إني سبق وان فكرت أسوي نفس حركتك ( احطهم امام الامر الواقع كالحصول على قبول معهد او ماشابه ..) لكن تراجعت عن القيام بذلك ،، لسبب وهو إني خفت يرفضو بشكل لا مجال معه للمحايل ، وفي حذه الحاله بيكون لمحاولتي اثر عكسي على نفسيتي ،،
أخاف أشعر باليأس ،، او الإحباط ...

لذا لم أتجرأ لفعلها حتى الان ،، لكن بعد كلامك وتجربتك احتاج إعاده النظر في الموضوع هههههه

الله ييسر أمري وأمر كل شخص يارب ...

الله يكتب لك اللي فيه الخير


( تمت المشاركة باستخدام تطبيق مبتعث )

الله كريم ، أنا مشكلتي غير أنا عندي محرم وأهلي موافقين أني أسافر لكن ناقصتني الوكالة الشرعية لأخوي الوالد الله يحفظه من فترة يعاني من ظروف صحية شديدة ومايقدر يسوي وأوراقي جاهزة بس الوكالة فلذلك متعطلة الله المعين


( تمت المشاركة باستخدام تطبيق مبتعث )

اني للحين معوقاتي
درجة القدرات 😭😭
ان شاء الله تزيد


ربي يحقق حلمي ♪

أنا ماعندي محرم، أبوي عشان وظيفته وأخواني الصغار، وأخوي يبي يطلع مع أصدقاءه لغة كم شهر ولا يبيني معه ولو قلت بحطهم قدام الأمر الواقع ما اعرف خطوات التسجيل بالضبط خاصةً إن إمتداد تخصصي شبه مستحيل يكون بالمرحلة ١١، ولا اقدر أحطهم قدام الأمر الواقع على حسابهم.. عسى الله يعين بس كيف أحلامنا تنتهي على مزاج المحرم