الأعضاء الإشتراك و التسجيل

الملتقيات
ADs

طريقة إرسـآل برقيه ( مهم جدا ) ..!!

طريقة إرسـآل برقيه ( مهم جدا ) ..!!


NOTICE

تنبيه: هذا الموضوع قديم. تم طرحه قبل 2585 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مناحي قرداحي
    مناحي قرداحي

    متعاون سابق

    مناحي قرداحي كندا

    مناحي قرداحي , ذكر. متعاون سابق. من السعودية , مبتعث فى كندا , تخصصى Information Security , بجامعة UOIT
    • UOIT
    • Information Security
    • ذكر
    • Oshawa, Ontario
    • السعودية
    • Jun 2008
    المزيدl

    July 5th, 2008, 07:17 PM

    السلام عليكم ورحمة الله وبركاته ..

    الكثير منا يتمنى يرسل برقيه ..
    وخاصة في الوقت هذا ( لخادم الحرمين الشريفين ) الله يطول بعمره ابو متعب ..

    وبالأخص إحنا الدبلوم المحروووومين من اشياء كثير ..!!

    ما علينا ..

    الحين شرح مبسط وسهل وسريع ..

    ملاحظة : أثناء كتابو مضمون البرقيه .. وبعد الانتهاء من كتابتها ..
    لازم تعمل نسخ لكل اللي كتبته .. خاصة اذا انت تأخرت في الكتابه ..
    لأنه بيرجع لصفحة تسجيل الدخول .. وممكن يروح عليك كل اللي كتبته ..
    او الأفضل كتابتها في المفكره أو برنامج word ..

    وألحين نبدأ الشرح ..
    بسم الله ..!!

    اول شئ نسويه نروح لموقع الاتصالات ..
    www.stc.com.sa

    وبتجيك هذي الصفحه .. ( الصفحة الرئيسيه )
    نروح نختار ( خدمآتي )
    مثل اللي في الصوره ..::



    وبعد ما نختار موقع خدماتي
    راح يفتحه لنا في صفحة جديده ..
    وكالعاده اذا انت مو مسجل في الموقع ..
    تروح لتسجيل الافراد ..
    وتدخل بياناتك كامله ..

    وبعد ما تدخل بياناتك ويتم تسجيلك ..
    تروح لصفحة خدماتي ..
    وتدخل الاسم والرقم السري ..



    ^
    ^^

    موضع في الصوره ..::
    1 - لتسجيل الدخول ..
    2 - للتسجيل من جديد ( إذا إنك مو مسجل من أول ) ..

    بعد ما نسجل دخول وكل شئ يتم ..
    نشوف الصوره هذي ..::



    ^
    ^^

    1 - تمرر الماوس على ( الخدمات الذاتية ) >> تفتح لك قائمة منسدلة ..
    2 - تروح لـ البرقية الالكترونية .. وتضغط عليها ..


    بعد كذا راح تفتح لك الصفحة الخاصة بالبرقية ..
    شاهد الصوره ::



    ^
    ^^

    1 - تختار اللغه ( العربية ) ..

    2 - نوع البرقيه الالكترونيه ..
    فيه انواع كثير .. ( عادية , عاجله حسب طلب العميل , مكرمه , سري )
    اذا انك مستعجل تاخذ عاجله .. واذا عادي تاخذ عادي ..
    اللي يريحك ..
    ملاحظه : البرقية العاجله غـآآليه .. والعاديه رخيصة ..

    3 - الأهمية .. وهي نوعين ( عاجلة , عادية )
    وطبعا حسب طلبك في البداية ..
    يعني تقدر تختار مكرمه .. عاجله .. او مكرمه عاديه .. وهكذا ..

    4 - تختار المدينة اللي انت ساكن فيها ..

    5 - تختار رقم الجوال او الهاتف اللي تبي تنحسب عليه قيمة البرقية ..
    وطبعا .. انت لو بتسجل باسمك .. وعندك مثلا 5 ارقام هواتف ..
    راح تطلع لك جميع ارقام الهواتف اللي باسمك ..
    سواء كانت جوال أو هاتف ثابت ..

    6 - تختار اللي تبي ترسل له البرقيه ..
    وفيه كثيييييييييير .. الملك والأمراء والوزراء ..

    7 - بعد ما تكمل البيانات اللي فوق .. تضغط على ( اضافة الشخص المهم الذي تم اختياره )

    بكذا انتهينا من الصوره ..
    نجي للصوره اللي بعدها ..



    ^
    ^^


    1 - ضع علامة صح امام العباره الصحيحه
    لا جد ..
    تحط علامة صح عند الاسم اللي انت اخترته من القائمة ..

    2 - تكتب البرقية وكل الكلام اللي تبي تكتبه في هالمربع اللي ملون باللون الأحمر ..
    - المربع الصغير اللي تحت هذا عدد الكلمات ..
    وبالتأكيد البرقيه تنحسب على كل كلمة ..
    يعني كل ما كتبت كثير يزيد عليك المبلغ والعكس ..


    نجي للصوره قبل الأخيره ..



    ^
    ^^
    عندك المربع هذا اللي مكتوب عنده ملاحظات ..
    مثلا تكتب فيه رقمك .. او ايميلك ..
    وهي اكيد ما عليها اي مبالغ اضافيه ..
    المبالغ اللي تنحسب .. تنحسب على المربع الكبير اللي تكتب فيه البرقيه ..

    بالنسبه للبريد الالكتروني انا ما فهمته صراحه ..
    لكن انا اذا ارسلت راح احط ايميلي ..
    وبكيفهم

    وبعدها تضغط على حساب التكلفه ..

    آخر صوووورهـ ..



    ^
    ^^


    1 - إذا خلاص إنت ملزم ترسل البرقيه وما فيها أي تعديل على بيانات على معلومات
    على اللي في البرقيه ..
    توكل على الله .. وادع ربي قبلها ..
    واضغط على ارسال ..

    2 - إذا انت تبي تشوف التكلفه .. أو تبي تعدل على نص البرقيه .. او اي شئ ..
    كل اللي عليك تضغط على زر عوده ..

    او إلغاء لإلغاء كل اللي سويته ..


    هذا كل ما في الموضوع ..
    الطريقه سهله ..

    طبعا نص البرقيه ..
    كل واحد يكتب اللي يبي ..
    باسلوب رآآقي نوعآ مآ ..
    فلا تنسى أنك تخاطب ملك المملكة العربية السعودية


    وفي النهاية ..
    أعتذر من جميع من ارسل اسمه ومعدله على الخاص ..
    او في موضوعي السابق ..
    وذلك بعد أن أتاني تنبيه .. بأن أي برقيه ترسل بشكل جماعي
    لا تقبل وستنقل إلى ( الحفظ )
    لذلك انا نزلت الموضوع وشرحت طريقة ارسال البرقيه ..

    ودعونا نكون يداً واحده ..
    وكل شخص يرسل للملك ..
    وبإذن الله لن يخيب أملنا أبو متعب ..

    والختام ..
    اتمنى تثبيت الموضوع
    لأنه لن يفيد فقط في المرحله الرابعه ..
    فهناك مراحل وسنوات كثيره للإبتعاث ..
    والكثير يتمنى أن يرسل برقيه ..
    والموضوع مشروح بطريقه سهله وبالصور ..

    ولا تحرموني من دعوآآآآتكم ..
    وأعتذر عن القصور في الموضوع ..
    والسلام عليكم ..

    أخوكم /
    محمد الشهري ..
  2. أخوي محمد .. أو مناحي أحسن ..
    الله يوفقك ويسعدك ويسدد خطاك ..
    شرح كافي ووافي ومحترف بكل المقاييس ..
    بشرحك هذا وموضوعك الجديد راح تفتح باب كبير من الأمل للناس المستاءة من القرارت الجديدة في كل المجالات ..

    جعلها الله في ميزان حسناتك ..
    7 "
  3. مشكور اخوي محمد وبيض الله وجهك على طريقة ارسال البرقية . طبعا زرعت الامل في قلوب الكثير من

    المتعثرين وانا واحد منهم بس هل البرقية راح تجيب نتيجة ؟؟؟


    هذا الكلام اللي نخاف منه انا جربتها العام وارسلت لمعالي الوزير برقية مضمونها اعتراض يعني

    المفروض اني انقبل العام ولمن راجعت مكتب الوزير بالرياض ارسلوني للفرع اللي بحي الغدير , المهم

    لمن سألت عن برقيتي اللي كلفتني الكثير والكثير لو بس المشاوير قالو لي بكل بساطة انت ماتنطبق عليك

    الشروط ,,,,, انتهى


    صدقوني ما اقصد تحطيم الشباب بس حبيت اقولكم عن تجربتي الفاشلة (للاسف) العام الماضي

    بعدين لمن ارسل البرقية وين اراجع لها واسأل عنها ؟؟؟؟

    اكرر شكري لك اخوي محمد وابعث الامل في اخواني واخواتي من جديد


    والله ولي التوفيق ,,,,
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.