تعذبنا تبهذلنا .. أعطونا الحقيقه .. أنصفونا .. 

يا حبيبي يا قلبي اشكرك على موضوع بس احب اقولك حتى انت مو وحدك انا عندي دبلوم صيدله ماني محصل وظيفه والله لو حصلها ماافكر اني اكمل دراسه رحت لجامعه الملك عبدالعزيز ابغى اكمل عندهم يقولي تعيد من الصفر كل شي تدرسوا من جديد .............. هذا باالله كلام انسان مسوي نفسو دكتور ؟
وثاني شي احب اقولك يا روحي السنه هذي البعثات قسموها على كل من الثانويه والماجستر والدكتوراه والزماله .
باالنسبه للثانويه طالبين 1000 طالب زينا زيهم .
اللي عندو بكالوريوس ويبغى يكمل ماجستير طالبين 3000 طالب .
اللي عندو مجاستير ويبغى يكمل دكتوراه هذولا 500 طالب .
واللي عندو دكتوراه ويبغى زماله هذولا طالبين 500 طالب .
من الاخر اللي كسبانين في كل السنوات اللي عندهم بكالوريويس هما اكثر ناس طلعو .
واشكرك على موضوعك

هذي هي المشكله ؟ الواحد صار ضايع بالطوووشه

الله يوفق الجميع

والله ماازيد عليكم
اني مثلكم تعبت والله اصحاب الدبلوووم معاناه
لا وظيفه اذا جيت تقدم قالوا خبره ماعندك قالوا لازم بكالوريوس !!!!
اذا جيت تكمل على الي عندك قالووووا مافي تبدأ من تحت الصفر
مالك الا الجامعات الربحيه الاهليه
الجامعه العربيه المفتوووحه تعادل 14 ساعه فقط والمواد وعدد الساعات في ارتفاع مستمر من وين ادرس واسد التكاليف اذا
ما عندي شغل والشغل يتطلب خبره وبكالوريوس
الي عندهم دبلووم مظلومين وماحد يعتبر لهم اي اعتبار صررراحه
مظلومين حيل ..

تركي

جبتها على الجرح وكأنك ما درريت هههههه

يا تركي ترى إلى الآن الشرووط ما نزلت ... ومن قال إنه في قياس للدبلوم .. أنا ما قريت ولا خبر يقول من شروط الدبلوم اختبار القياس .. حتى كلام الجرايد الي قبل ما قريت إنهم طالبين قياس لنا!!

وبالنسبة إلى 1000 مقعد .. اكيييد ما حطوو 1000 إلا وفيه شرووط صعبة .. وانا اعتقد أن شرط الثانوي ممكن يكون صحيح .. لكن قياس ما عتقد .. والمعدل ممكن يكون مرتفع .. وطبعا الابتعاث لكليات معينة .. وبكذا يكون 1000 بعثة فقط مضبوطة!

أنا ما قول هالكلام لتحطيمكم أو انزل معنوياتكم لااا .. لكن خلنا نكوون واقعين ونحلل الموضوع من جميع الجهات .. ودائما حطوو في بالكم الأسوأ عشان بعدين ما تكون الضربة قوية!!

والتحلطم والتشكي هناا ما يسوووي شي .. ترى ما حد داري بكم ولا بكتاباتكم!
وأنا قلتها لكم من قبل .. لازم نعمل على توصيل أصواتنا .. القعدة ما تسوي شي .. واذا ما تحركنا الآن وعرفنا الشرووط وتصرفنا تجاهها .. بعدين لما تنزل ما بنقدر نغيررر شي مثل طلاب الماجستير .. لما طلعت الشرووط ما قدرووو يغيروو شعررة من المعدل!


ومشكوور اخي على الموضوع .. والله يسهلها على الجميع

وبالتوفيق ..

والله مشكله تخبط صاير في الوزارة موطبيعي خاصة فيما يخص الدبلوم مدري على ايش ناوين

الله يجيب العواقب سليمه

شاكر للجميع على المداخلة

وبالنسبة لأختي نوووسه

أنا الحمدلله كل شي زين .. بس خايف من القياس لأني جايب فيه 66

اما المعدل ولله الحمد 4.30من5
والثانوية 83.86

ولله الحمد

بس عاد الى الآن ماني مرتاح لمسألة القياس ؟ مادري ليش حاس انهم بيحطون هالشرط ؟

والله يفرجها على الجميع

اي قياس اخوي اني ما عندي هالكلمه في شهاداتي ابد ..
ماعندي مشكله في الثانويه معدلي 84
والدبلوم 3 من 4
يعني ان شاء الله بلاقياس بلابطيخ .. ايه والله
بكره نشوف الجرايد شنو يكتبون متابعه الى الصبح خخخ

ان شاء الله مافي ثانوية ولاقياس تفائلوا خيراً

ربيي يسهلها عليكم ان شاء الله