ربكم كريم فتح لكم باب تسجيل ثاني ))

السلام عليكم
كيف حالكم بعد كل شئ
سبحان الله ابواب تفتح لك وابواب تغلق وسبحان الله مغير الاحوال من حال الى حال بحسن حاله سبحانه وتعالى
اسمعوا ..

بعد إعلان الاسماء وعدم وجود اسمي الكريم من ضمنهم حزنت كثير وانكسر قلبي ايه والله
وقلت الله كريم والله رحيم والله اعلم بمصلحة عباده ..
انتهى التخطيط وتحقيق الحلم والخيال راح ماعاد له رجعه ..
وقلت ياالله ما ام جاسم .. ماعندك الا الجامعه العربيه المفتوحه الي سجلتِ فيها وبقى لك ِ تحديد المستوى وسبحان الله كل مره يصير شئ يحول دون اكمال ذلك (ماعليه اللغه مره فصحى ومره عادي
ودخلت موقع الجامعه والا الاقي المفاجأه العظمي الاسعار مرتفعه وكل مره هذه سالفتهم يرفعون الاسعار .. والله حرام
قلنا يالله اعمل الاستخاره واشوف شنو الله كاتب لي وطلعت النتيجه .. اترك هالامر وهالجامعه وفرحت واول مره في حياتي افرح هههـ من النتيجه ..
بعدها وين تروحين يا ام جاسم وين!!
قلت الجامعه الملكيه للبنات في البحرين قالوا معترف بها من قبل الوزاره ويعني لها ابتعاث بس طلع لازم تكملين 30 ساعه اي سنه كامله تم ينظرون للمعدل وبعدها تنضمي للبعثه سنه كامله = 50 الف ريال انا لله وانا اليه لراجعون
وين نروح الحين وين !!
لقيت موضوع نقاش حول جامعة الملك عبد العزيز دخلت عرض وقلت انتهى التقديم مالنا نصيب !!
ردوا على مشكورين التسجيل لسه يا ام جاسم 15 رمضان ينتهي !!ويا فرحتي
دخلت الموقع ولقيت الانتساب خلص التسجيل وين الي يقولون فيه
طلع في برنامج اسمه التعليم عن بعد امم اول مره اسمع به في هالجامعه شكله جديد !!
والتعليم عن بعد ومعترف من الوزاره التعليم العالي وانتوا تعرفون امور التقنيه يب يلها قرن على الاعتراف ..
المهم دخلنا الموقع ولقينا التخصصات وهي التاليه ..
1- كلية الآداب والعلوم الإنسانية ( وبها الأقسام التالية ):
أ- قسم اللغة العربية.( ماله مستقبل في التوظيف والحال يتكلم ..)
ب- قسم علم النفس.( ايه هو حلو لكن ما نضمن له بعد خليه بعيد والثقافه النفسيه ناخذها من الكتب وبس )
ج- قسم اللغة الإنجليزية.( الممارسه هي الي تخليك متمكنه من اللغه خليها بعيد هي الثانيه هههـ)

2- كلية الاقتصاد والإدارة ( وبها الأقسام التالية ):
أ- قسم الإدارة العامة. ( مادري ويش يعني وشنو مستقبله )
ب- قسم إدارة الأعمال.( يالله توكلي على الله دبلوم علوم الحاسب بتفوق + بكالوريوس ادارة اعمال = مستقبل راقي ان شاء الله )
سجلنا على بركة الله لكن الرغبات ما اخترتها مدري من وين !! الي يعرف يقول لي
المهم .. الشئ الي اريد اقوله لكم ان الله يغير الحال وهو مسبب الاسباب وعلى فكره ترى التسجيل في الجامعه من الاساس انتهى ولكن في شواغر فـ امتد التسجيل فيها شفتوا كيف رحمة الله بعباده ..
صحيح ودي اكمل على الي عندي لكن الله ماكتب لي احس ان الدبلوم الي عندي كأنها عثره في طريقي لا قدر اكمل لاهنا ولا هنالك ولا اي مكان ومافي جامعه تعادل وش هالنظام الي عندهم معقوله دي .. دبلوم يعادلون لك في الخارج وهنا لا وش هالحياة ذي ..
ع العموم بالنسبه للبنات الي مثل حلاتي القمر والاولاد بعد الشموع هههـ
عندكم هالقرار او اذا تقدرون روحوا الجامعه الامريكيه بالشارقه مافيها عيب وحتى الاجانب نفسهم يدرسون فيها ويقولون مثل نظام امريكا والجامعات الي فيها وبعدين كلها كم شهر وتقدر تحول على البعثه وناس كثير يسووا هالحركه ..
والله اتمنى اكون فيها
يالله الله ماكتب لي اخذ البكالوريوس في الخارج ان شا ءالله الماجستير
اني افكر في المستقبل واكيد الكل يفكر كيف يرقي من مستواه اذا الله كتب لي هالفرصه ليش ارفضها ..
احب العلم وان شربت منه طوال حياتي فلن أرتوي منه ابدا ..
موقع الجامعه والخبر على هالرابط
http://odus2.kau.edu.sa/web_app_v3/U...erv_1_3_9.aspx