مشكلة بعض الدبلومات ومواصلة الدراسة فيها

الدول الا تعادل الدبلوم اكثر شي بالترتيب هم
استراليا - بريطانيا - امريكا

قالو ان الالحاق في مرحلة اللغة في استراليا وبريطانيا توقف بالنسبة للبكالوريوس لكن خلال هالفترة اشوف ناس كثير تكتب في ملتقى الدارسين على حسابهم انهم الحقو بالبعثة!

الدول الا ما زال الالتحاق في مرحلة اللغة مستمر فيها امريكا وكندا

وعشان تعرف الجامعة الا تعادل طبعا مافي غير مراسلتهم!


بالتوفيق

هلا فيك اخوي

في معادله للمواد وتقدر تعادل فيها وتكمل تخصصك بناء على التخصص الاساسي

بس انا والله مااعرف اذا كان في امريكا وبريطانيا بس اللي اعرف ان استراليا

فيها معدله للمواد وتقدر تكمل دراستك فيها وانا راح اعطيك رقم المكتب وايميلهم وانت

تتفاهم معهم

الوكاله الاستراليه: رقم 012106988

الايميل تم حذف الإيميل لأن عرضه مخالف لشروط المنتدى)

والله يوفقك ويوفق الجميع

شكرآ نوووسة على الأضافة الحلوة




أخوي ميموووو مشكور وما قصرت على المساعدة لكن الوكالة الاسترالية يفيدوني بالمعادلة وأفضل الجامعات وهل التفاهم معهم بالعربي أو انجليزي


الله يجزاكم خير و يوفقكم جميعآ

والله يا خوي انا اشوف انك تبدأ من جديد افضل
الواحد صعب يتكلم الحين لانو الفاس وقع بالراس
انا عن نفسي لو دريت انو الوضع كذا كان كملت بكالوريا مو كذا ولا كذا دافع
يعني ال50.000 اللي دفعتها كان ادفعها في جامعه اجنبيه ويجي الحقاي للبعثه بإذن الله لكن....
الخيرة في ما اختاره الله

الله يوفقك اخوي

أخوي saud007 مشكور على الرد

كلامك صحيح لكن اللي بيحسبها صح مشوار سنتين أفضل من مشوار أربع سنين يعني الغربة في الدراسة صعبة ودام الأمور بيدينا ليش نقول لو كنا ندري أن الوضع بيصير كذا ما دخلنا من أول حنا دخلنا وخلاص الباقي علينا نكمل اللي بديناه أن سمعت من واحد من زملائي يعرفون واحد أستطاع معادلة شهادة الدبلوم وتكملة البكالوريوس في بريطانيا لكن مقدرنا نتوصل لشي يوصل فيه والا كان وفرنا علينا الوقت وقدرنا نكمل

أنا عندي تسأول واحد بس ليش الدبلوم غالبآ ما يستطيع خريجوه المواصلة مثله مثل الشهادات الثانية ودي أفهم بس

لانو اذا كان الدبلوم غير حكومي راح يكون التعليم مشي حالك
اهم شيء الربح سواء فهمت ولا لا

الدبلوم الحكومي يستطيع دارسه يكمل البكالوريا في الخارج
اعرف طلاب من كليه المجتمع قسم صيدلة
شهادتهم معترف فيها بس ما لقو إلا الهند يكملون فيها بكالوريا

أخوي saud دبلوم كلية المعلمين حكومي لكن ما ندري له تكملة أو لا هل المكاتب اللي تجيب قبولات تقدر تفيدني أو لا وهل عندك معلومات عن القبول المشروط والغير مشروط وش الفرق بينهم


مشكور أخوي وما قصرت

على ما اعتقد يمكنك اكمال الدراسه لانو شهاده الدبلوم الحكومي دبلوم عالي مو زي الدبلوم الأهلي

إسأل المكاتب وهي اللي تجاوبك

الله يسوي اللي فيه الخير
موفق اخوي

تدرون وش نقول مانقدر نقول الاحسبنا الله على من حط شهاده اسمها دبلوم سواء حكوميه او اهليه
والله لاقدرنا نتوظف فيها ولاقدرنا نكمل فيها ،،،،
حسبنا الله ونعم الوكيل فيهم
واقصد المؤسسة العامه للتحطيم الفني والتدمير المهني اغبى مؤسسة في السعوديه وفي العالم بعد ووزارة التعليم العالي
حسبنا الله ونعم الوكيل فيهم
واحسن حل يااخوان نروح ندرس لغه هناك وبعدين نخاطب الجامعات واللي يعادلونه حياه الله واذا ماعادلوا شيء عاد حيل الله اقوى
بس تدرون وش المشكله والله من كثر ماكرهت شيء اسمه دبلوم قررت اني ما أكمل في نفس تخصصي لاني كرهته بسببهم"
لا وابي يعادلونه في اي تخصص ثاني عاد حلوها من جد وسوسوا فينا الله لايردهم،،،