الأعضاء الإشتراك و التسجيل

الملتقيات
ADs

طلاب الدبلوم للمرحلة الخامسة .. ابتدى الجد!

طلاب الدبلوم للمرحلة الخامسة .. ابتدى الجد!


NOTICE

تنبيه: هذا الموضوع قديم. تم طرحه قبل 5558 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية نوووسة
    نوووسة

    مبتعث مبدع Amazing Member

    نوووسة الولايات المتحدة الأمريكية

    نوووسة , أنثى. مبتعث مبدع Amazing Member. من السعودية , مبتعث فى الولايات المتحدة الأمريكية , تخصصى - , بجامعة -
    • -
    • -
    • أنثى
    • -, -
    • السعودية
    • Sep 2007
    المزيدl

    January 9th, 2009, 03:53 AM

    ملاحظة للجميع: اتخاذ الحلول المرحلة الخامسة بعد ظهور شروط الابتعاث تبدأ من صفحة 206


    السلام عليكم


    كيف حااالكم جميعاً؟؟ وكل عام وانتم بخير مع انها متأخرة ههههه

    ويييينكم يا حاملي الدبلوم ووين صرتووو؟! .. اشووفكم فجأة اختفيتووو مافي حس ولا خبر لكم في المنتدى
    ان شاء الله اموركم كلها تمااااام

    خطر في بالي اني اكتب هالموضوع نناقش فيه توقعاتكم للمرحلة الخامسة وايش نقدر نسوي قبل بدأ المرحلة الخامسة .. عشان لا يتكرر الي صار لنا في المرحلة الثالثة من حرمان الابتعاث والرابعة من الشروط التعجيزية والتحيز في الدول!!
    مع انه بدررري عليه .. لكن مثل ما انتو عارفين حنا الدبلوم مافي شي بدري علينا لأننا نعاني من كل شي والظاهر مكتوب علينا الشقى والكفاااح ههههههههه

    تتوقعو على المرحلة الخامسة فيه ابتعاث لنا؟؟ واذا كان فيه على تتوقعو لجميع الدول؟؟ هل تتوقعو أن الشروط ممكن تتغير او المعدل ينخفض؟؟
    ايش نقدر نسوي عشان لا يتكرر الي صار لنا في السنوات السابقة؟؟
    عارفة أن هالأسئلة بدري عليها وأن مافي أي معلومات عن المرحلة الخامسة لكن بإمكاننا حاليا على الأقل نضغط على الوزارة بتغير الشروط والدول السابقة وعدم اغلاق البرنامج من جديد في وجهنا!

    لهدرجة مافي حل وغير مرغوب فينا؟! لهدرجة الدولة ما تقدر تبعثنا حنا طلاب الدبلوم؟!
    طيب يعتبرونا طلاب بكالوريوس ولا ماجستير ويحطو شروطنا والدول مثل شروطهم ههههه
    يقولو ما يعادلو لكم!! شلوون وفي كثير راحو على حسابهم وعادلو لهم .. يخلونا طيب نجيب القبول بأنفسنا لكن يعطونا فررصة!


    ومع صدور الميزانية الجديدة لهذا العام هل لنا نصيب فيها ولا لا؟ .. وخاصة أنها افضل من السنوات السابقة!!
    حتى البعثات الجديدة الا رح يفتحوها للتربية الخاصة والتأهيل الصحي فقط للبكالوريوس والماجستير والدكتوارة .. مع أنه في طلاااب دبلووم كثير يدرسو تربية خاصة أو أحد تخصصات التأهيل الصحي .. لكن نفس الشي لا يوجد بعثات للدبلوم وهذا حنا لسة في بداية السنة!!
    ما بغى اقلقكم لكن الأمووور شكلهاا ما تبشرر بالخير يا جمااعة!!
    شكلها صارت عاادة عندهم هههههههه



    شيي مؤكد أن المرحلة الخامسة راح تضم طلاب البكالوريوس والماجستير والدكتوارة والزمالة .. لكن حناااا الدبلوم في نصيب لنا؟؟؟
    وايش ممكن نعمل عشان نتفادى هالشي من جديد؟؟




    عرفوناا على انفسكم ووين صرتوو؟؟
    واعتبروو هالموضوع للسوالف والدردشة وايجاد الحلول واتمنى المشاركة من الجميع


    بانتظار تفاعلكم .. والله يوفق الجميع
  2. والله بالنسبة لي
    اول ما تخرجت من كلية الاتصالات والمعلومات بالرياض استلمت وثيقتي ورحت لادراة البعثات وقلت لهم بروح الاردن يعادلون لي هالدبلوم وادرس هندسة قالي مدير البعثات الهندسة مطلوبة وادرس 12 ساعة ومعدل 70 % يعني ترم وبتدخل بالبعثة قلت ترم ترم وقلتله طيب وش اسوي عندكم الحين في شي ولا امشي قال ختم بالخارجية والسفارة واطلع ورحت ودرست ترم ودخلت بالصيف بالبعثة والحمدلله
    وبعدها نزل قرار على الدبلوم يوم 20/7/1429 صار زية زي الثانوية 30 ساعة و75%
    انا لحقت عليه على الاخير
    وبالنسبة للي باقي ماطلع ترى في كثير طلعوا لامريكا وكندا والمانيا والصين واليابان وكوريا الجنوبية جابوا قبول معهد وجامعة وخذوا امر اركاب من العطية ودخلوا بالبعثة بدون مايدرسون ولا ساعة لا بالمعهد ولا الجامعة على حسابهم وامورهم حلوة
    والالحاق يجي حتى بدون امر اركاب للدول اللي ماعليها زحمة مثل الصين واليابان وكوريا الجنوبية والمانيا
    وبالتوفيق للجميع
    7 "
  3. المشاركة الأصلية كتبت بواسطة Eng.Abdulrahman
    والله بالنسبة لي
    اول ما تخرجت من كلية الاتصالات والمعلومات بالرياض استلمت وثيقتي ورحت لادراة البعثات وقلت لهم بروح الاردن يعادلون لي هالدبلوم وادرس هندسة قالي مدير البعثات الهندسة مطلوبة وادرس 12 ساعة ومعدل 70 % يعني ترم وبتدخل بالبعثة قلت ترم ترم وقلتله طيب وش اسوي عندكم الحين في شي ولا امشي قال ختم بالخارجية والسفارة واطلع ورحت ودرست ترم ودخلت بالصيف بالبعثة والحمدلله
    وبعدها نزل قرار على الدبلوم يوم 20/7/1429 صار زية زي الثانوية 30 ساعة و75%
    انا لحقت عليه على الاخير
    وبالنسبة للي باقي ماطلع ترى في كثير طلعوا لامريكا وكندا والمانيا والصين واليابان وكوريا الجنوبية جابوا قبول معهد وجامعة وخذوا امر اركاب من العطية ودخلوا بالبعثة بدون مايدرسون ولا ساعة لا بالمعهد ولا الجامعة على حسابهم وامورهم حلوة
    والالحاق يجي حتى بدون امر اركاب للدول اللي ماعليها زحمة مثل الصين واليابان وكوريا الجنوبية والمانيا
    وبالتوفيق للجميع
    مرحبا اخوي
    مبرووك على البعثة .. انا لي تجربة فاشلة مع الاردن ههههه
    رحت تقريبا شهر وبعد ما طلعت المعادلة الي زي وجههم رجعت .. لأنهم قالو كلام والفعل غيررر
    هذا غير الاختبار الا طالعين به بـ 350 دولار .. وقبولي في الجامعة مشروط بهالاختبار!!
    المهم ما علينا من الاردن الحين .. انا اتكلم عن المرحلة الخامسة في البرنامج!

    صحيح كلامك أن العالم قاعدة تروح على امريكا وكندا وغيرها وتلتحق في اللغة .. لكن مو الكل يقدر يطلع على هالدول او يطلع على حسابه صح؟ .. وخاصة أن مافي أي سبب مقنع يمنع الوزارة من ابتعاثنا!

    انا صحيح افكر وادرس على حسابي في الخارج في المستقبل اذا الله اراد! .. وخاصة بعد محاولاتي في الدول العربية مثل الامارات والبحرين والاردن .. لكن نفس الشي ما اضمن بعد 8 ولا 9 شهور لو رحت على حسابي الالتحاق في مرحلة اللغة رح يستمر او يتوقف!
    وهل رح تستمر اوامر الاركاب وغيره ولا كل شي رح يتوقف!


    الله يوفقك اخوي .. ويعطيك العافية
    7 "
  4. اوامر الاركاب موجودة
    والالحاق بالبعثة بسنة اللغة موجودة
    واذا تحبين تتاكدين اتصلي على 905 واطلبي رقم الملحقية الثقافية بالصين ولا اليابان ولا كوريا وكلميهم وقولي اذا جيت ادرس على حسابي ترفعون اوراقي للوزارة بالبعثة ولا لازم ادرس على حسابي سنة اللغة و30 ساعة بالجامعة وشوفي وش يقولون لك

    وبالتوفيق
    7 "
  5. ههههه ادرري انها موجووودة ما يحتاج اتصل ولا شي
    لكن هل رح تكون موجودة بعد سنة؟!! تقدر انت تأكد هالشي ان بعد سنة رح يستمر الالحاق!!
    مافي شي مضموون مع الوزارة!


    وموضوعي هنا عن المرحلة الخامسة .. وايش نقدر نعمل عشان نتفادى الي صار
    ومثل ما قلت مو الكل يقدر يدرس على حسابه!
    7 "
  6. والله يا اخت نووسه انا اتفق معك مو اي شخص يقدر يطلع وينتظر امر الإلحاق ولو الامر بالسهوله دي كان انا اول واحد اطلع(امريكا-استراليا-نيوزلندا-بريطانيا) بس المشكله منين يا حسره على قوله اخواننا المصريين

    وبالنسبه لي انا ودي اخلص اختبار الهيئة الصحية بسرعه على امل اني كنت بدخل اختبار شهر 2 بس الله ما اراد واظطريت أاجله شهر 5 عشان ان شاء الله لو فيه شيء او تقديم اقدم شهادة الدبلوم ونصير قرووووووووووووب واحد
    وانا بصراحه متفائل للمرحلة الخامسه وان شاء الله بيكون نصيب لينا او بيكون لنا مسار خاص للطلاب الدبلوم والدول ما اظن انها تتغير وممكن يضيفون لها دول اخرى
    وبالنسبه للشروط اتمنى انهم يغيرون شرط المعدل التعجيزي

    وزي ما شفتو ابتعاث الدبلوم اللي في رمضان اعلنوا عن 1000 مقعد واللي اعلنت اسمائهم 222 طالب
    طيب الباقي وين راحت
    7 "
  7. السلام عليكم
    الله على الدبلوم الله عليه
    لسه ادور له عروس تلقيه بمقامه الراقي
    نسعى يا ختي والله يكتب لنا الخير يارب
    هو رزقنا موجود بلاشك ..
    اتمنى تكون الشروط واقعيه والدول تريح الخاطر والنفس وبلاش وجع راس
    وان شاء الله يكون لنا بعثات قريبا عاجلا غير اجلا
    هم قالوا في محرم ولاادري عن هالخبر صرت اسمع من هنا ولا كأني اسمع
    والله يوفق الجميع الى كل خير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.