نداء خاص:للمتعثرين الحلوين اللي تبدأ دراستهم يوم 23 رمضان

أهلين مسافره .. بشري رحتي للوزاره .. ولا لا ..


أقول مسافره هدي عصابك ترا كلنا في الهوا سوا

و الله أنا منقهر أني جحدت الجامعه اليوم .. و تركتها على غير سنع يعني تمشورت من الدمام إلى الرياض .. :107: أهانوك عند أبواب الدكتور عبد المعجل:107: .. و ما أخذنا شي منهم أبد..


بس أنا أفكر أني أأجل الدراسه إلى شهر ../1/2007 مع أني و الله حتى حجز حجزت و قمت أروح لسوق أدور بناطرين لاني ما عندي و لا بنطرون و لا عمري شتريت .. و قاعد أدور لي لابتوب محترم يتحمل خمس سنين دراسه .. و في النهايه :108: يقولك :108: مافي قرارات :108: :107: :107:

ما أدري شرايكم أنتو ترا أنا مع الخيل ياشقرا


باااااااااااااااااي

انا بنفس اليوم 16 اكتوبر
والا الان ماطلعت الفيزا

وامرنا وامركم الى الله

اولا احب اوجهة كلامي الى مسافرة قبل لا أوجهة كلامي الى مشرفين المنتدى
الاخت مسافرة ما تلاحظي انك تدهورتي كثيرا بكلامك ((ويخرب بيتها وزارة زبالة وجهل وتخلف))

اولا: احب ارد عليك بتفاعل ((ما يعيب الناس الا العيب فيه))
ثانيا: كونك مشرفة وهذا الكلام ينبع منك (( ما خليتي شيء للزوار))
ثالثا :ما ارضى على كلامك وكونك نابغة للعلم (( ولا بعد تبغى تطلع خارج المملكة وتفشلنا))
رابعا: صحيح حنا عنينا كثيرا من الهم والانتظار لكن في شي اسمه صبر وتقدير
خامسا والاخير:(( ماوضعتي مشرفة الا للأرتقاء مو للأئساءة))
=================

هذا بخصوص المشرفين بأن يتم سحب إدراة الاشرافية من مسافرة


مع هذا لا تعليق عليك يا مسافرة. عقابا لك ولتكون قدوة للأخرين

شكرأ لقراءة ... وآسف للأطالة
تحياتي
والسلام عليكم

السلام عليكم يا أخوي لوسمحت ممكن تهدى شوي كلامك على العين و الراس .. لاكن لوجربت شي ما راح تقول كذا .. ترا كنت مثلك أتكلم و أهدي أعصاب البشريه ..لاكن لما دخلت بالمعمعه هذي و راحت عليك سنه و نصف من حياتك بدون فايده كله عشان بعثه و في النهايه ما تحصل على شي ..و بعدين يا أخوي ترا أحنى ما قعدين نطر منهم شي .. أحنى قاعدين ناخذ حقنا منهم نبي ندرس عشان نخدم بلدنا .. و الملك عبدالله الله يحفظه هوه إلي حفزنا و حمسنا على أن نكمل دراستنا هناك عشان ناخذ شهادات عالميه عشان نجي نبني بلدنا و لا شنو ألله حادنا على الغربه و البلبله إلى عشان عيون بومتعب و عشان بلدنا و عشان دينا ..

أقول الدكتور عبدالله المعجل و الدكتور علي العطيه و الدكتور عبدالله العثمان و الدكتور عبدالرحمن الحميضي كلهم على العين و الراس ما أحد سبهم .. تدري ليش .. لانهم يكلمونك بحترام بمنتهى الاحترام .. لاكن ما يخدم و لا يعطيك ملومه صحيحه .. يخلونك أتأمل و تحلم و تتعب وتهدر مال و في النهايه يدرون أنه ما راح يطلعلك شي ..


أنا ما ألوم مسافره أو أي أحد يتكلم لان الوزاره السنه الماضيه كانت ماشيه على البركه و كثير ناس راحو و هم ما يستحقون .. و عدين شرايك دخل على المعجل تقوله أبي قرار إبتعاث يقولك مافيه و خويك جايب واسطه ياخذ قرار و نسبته 62 و قياس 55 شتقول .. فسر .. فسر ..

لو أنهم مقفلينها أنقول تمام .. بس فيه أمور تمشي قدامنا مو من تحت لا تحت لا قدامنا و يقولن قفلنا ..

الله يهديك و يهدي مسافره و يهدينا جميعاً :94: :94: :94:

http://www.mbt3th.us/vb/showthread.p...5230#post95230