الأعضاء الإشتراك و التسجيل

الملتقيات
ADs

دبلوم الكليه الحكومية ودبلوم المعهد الاهلي

دبلوم الكليه الحكومية ودبلوم المعهد الاهلي


NOTICE

تنبيه: هذا الموضوع قديم. تم طرحه قبل 5495 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الــذيــب
    الــذيــب

    محظور

    الــذيــب غير معرف

    الــذيــب , ذكر. محظور. , تخصصى صيدلي , بجامعة جامعة سعود
    • جامعة سعود
    • صيدلي
    • ذكر
    • الرياض, الرياض
    • غير معرف
    • Aug 2006
    المزيدl

    March 13th, 2009, 04:45 PM

    بسم الله الرحمن الرحيم
    الحقيقه انا ملاحظ في كذا منتدى طلاب الكليه الصحية التابعين لوزارة الصحة فيهم حقد مدفون على طلاب المعاهد الاهليه ويسمون دبلومهم بالدبلوم العالي والحين طايحين بمسمى جديد الشهادة الجامعية المتوسطه وعند كتابتهم لاي موضوع لازم يكتبون عن المعاهد الخاصه ويلمحون انهم احسن منهم وافهم منهم ولو نلاحظ الفرق بينهم انها سنة واحد فقط وسنة تدريس اللغة الانجليزية والمعاهد الاهليه ايضا تدريسها باللغة الانجليزية
    حقد طلاب الكليات الصحية قلب الامور عليهم واصبحو الان مثل طلاب المعاهد الاهليه وهم جميعا في اخبار الهيئة السعودية للتخصصات الصحية وفوق هذا اكثرهم مأجتاز اختبار الهيئة السعودية للتخصصات الصحية فأين الفرق بينكم وبين طلاب المعاهد الخاصة بل ان طلاب المعاهد الخاصه اكثرهم اجتياز لاختبار الهيئة واسرعهم توظيف في وزارة الصحة وثلاثه اعرفهم تعينو بنفس الوزارة وفي اماكن حساسه على سبيل المثال قسم تسجيل الادوية وقسم ضبط الجودة التابع للتموين الطبي وقسم المستودعات وطلاب الكليات الصحية لازالو يغردون خارج السرب
    فأتمنى من طلاب الكليات الصحية يتركون عنهم الحقد ولايسوون انفسهم فاهمين وهم والله مابراسهم شي
    الحقيقه انا نزلت قبل سنتين في جريدة الرياض موضوع بهذا الشكل واتوقع الموضوع لقى صداه عند المسؤولين وكان ايام تسجيلي في منتدى مبتعث وايام بداية البعثات تقريبا المرحلة الثانيه مما أدى الى اجبار طلاب الكليات الصحية على اجتياز اختبار الهيئة
  2. اخوي كلامك صحيح 100%
    وهما مسمى شهادتهم دبلوم عالي
    اجل حنا طلاب المعاهد الأهليه دبلوم واطي
    ههههههههههههههههههههه
    وزير الصحه القديم حمد المانع يوم نزل لهم اختبار الهيئة الصحيه قامت الدنيا وما قعدت وسوو مشاكل وتجمعات امام وزراة الصحه وذلك بسبب انهم وقعوا عقود مع وزارة الصحه يعني الطالب اللي متخرج وظيفته مضمونه
    اسبوع ونزل قرار الغاء اختبار الهيئة الصحيه

    الله يعين
    7 "
  3. اول شي مالكم حق تتكلمون كذا عن طلاب وطالبات الكليات الصحيه دخلو الكليه بجهدهم في المدارس وبنسب مرتفعه وبعد ماعدو اختبار القياس والمقابلات الشخصيه كل هذا يدل انهم طلاب اكفاء مش بفلوس دخلو ونسب واطيه واسالة الاختبار معهم نفس طلاب المعاهد الخاصه
    بعدين عند التخرج الوثيقه حقتهم مكتوب فيها حاصل على شهادة جامعيه متوسطه
    فعيب عليكم تساوون انفسكم بالكليه الصحي ه
    علماً بان طالبات الكليه مايقعدوون بالبيت اكثر من شهر ويتوظفون
    7 "
  4. بالعكس يادكتورة الاطلال انا اشوفهم الحين متسدحين في بيوت اهلهم وهم الان ملزمون بأختبار الهيئة السعودية للتخصصات الصحية ولا يحق لهم التوظيف او اكمال الدراسه الا بأجتياز اختبار الهيئة
    الحقيقه ان اختبار الهيئه فضح الكثير منهم فأين نسبهم المرتفعه واين الشهاده الجامعية المتوسطه
    كله كلام فاضي
    7 "
  5. أنا من طلاب الكليات الصحية و اختبار هيئة التخصصات مو مطلوب لا علينا ولا على الدفعة الي بعدنا

    و على فكرة خيووو الذيب احنا ما شفنا نفسنا على طلاب المعاهد بالعكس البعض منهم يشوف نفسه

    علينا و هو أساسا ما عنده شئ هههههههه

    لا بس عن جد هذا الي صاير

    و وثايقنا مكتوب فيها ان احنا حاصلين على الشهادة الجامعية المتوسطة يعني ما جبنا شئ من عندنا

    و ما جلسنا ببيوتنا أو البعض منا الا لأن الأوضاع دايم في تدهور على المجالات الصحية و غيرها

    و ان كنت مقهور من بعض طلاب الكليات الصحية الي ما أدري ليه <<<< ما نبي نعرف الأسباب

    لكن راعوا شعورنا شوي لا جبنا طاريكم بالشينة ولا شئ بهالمنتدى الرائع

    بالعكس ما نذكركم الا بالخير يا بعد قلبي و خلوا عنكم الحسد و ربي ما بينفعكم

    يقولكم ( لو ما الحسد مات أحد )

    يسلموو على الطرح

    و لا تزعل من ردي بس هذا الي حاصل من وجهة نظري

    و لأن احنا هنا ما دخلنا هالقسم الا نبي تكاتف بين كل الطلاب الي يحملون شهادات الدبلوم بأي درجة كانت

    بالتوفيق يا رب

    دمت بود و عافية ذيبووو

    ^_^
    7 "
  6. المفروض ماينفتح موضوع زي كذا لان كلنا اخوان ومصيبتنا وحده
    الشيء الثاني والله لادبلوم صحي ولا مهني ولا خاص ولاحكومي ولاغيره انها كلها من ابوريال وماعندك احد
    سلملي على البكالوريس ياشيخ حتى لو كان تخصص جغرافيا او تاريخ مع احترامي لهالتخصصات بلا دبلوم بلا هم مع ان نسبنا عاليه في الثانوي بس مادري وش دخلنا هالدبلوم
    حسبي الله ونعم الوكيل بس
    7 "
  7. يالذيب انت مشاكس في كل شئ وهقتنا مع الكليه بس العتب ماهو على طلاب الكليه الصحيه

    لاوالله العتب على القوانين الي مالها داعي للتدمير القطاع الخاص واتكلم عن القطاع الصحي

    انا واعوذ بالله من كلمة انا حاصل على شهادةالهيئه للتصنيف والأول بــ56جواب من 60 سؤال على


    منطقة تبوك والمشكله يبون يعقدون حطون اختبار باكلوريوس

    في هذا الأختبار.................


    واتكلم بحسره وهذا الكلام ماجا من فراغ ولو ادري اني اتمرمط

    بهشكل في قبول الوظيفه


    مادرسة المعاهد الصحيه خير شر كان طلعة ودرسة خارج المملكه وجيت بشهاده ترفع الراس لعن

    ابوا المعاد الأهلي و الي حطها بعد

    الأن منا الذين درسوا على حسابهم الخاص وبذات في القطاع

    الصحي وحامل الدبلوم من الصعب يلقى له وظيفه


    وخوانا في الله الطلاب يتوافدون بكثرة على المعاهد الخاصه

    والنصابه طيب لعن ابوكم وضفوا الناس


    الي تخرجوا وماكلين تراب هذول الأسبوع الماضي مار الوزاره

    بالرياض قالولي الأن مافي وظائف

    راجع موقعنا... لاويقلون بعد لازم بكلوريوس بعد الأن يعني دبلوم بل ميتها ؟؟؟؟


    ترى الأن حنا واللكليه الصحيه في الهوى سوى

    بس شد الرحال ال البكلوريوس قبل ماتطير الطيور برزاقه
    7 "
  8. غلطت عمري لما درست دبلوم تمريض هنا لاكن الشكوى لله بعدين سوا للي دبلوم من معهد اهلي ولا حقين الدبلوم العالي ع قولتهم احنا مو احق للابتعاث في التخصصات الصحيه من حقين الثنوي مو حسد لهم بس هذا الى لازم يصير
    7 "
  9. أنا ما أدري من فين جايب الكلام ذا
    فأنت شخصيا تقول لاحظت في أكثر من منتدى
    يعني لم تعاين شخصيا؟

    استاذي العزيز بحكم تخصصي و منصبي فأنا أعمل الان مشرف وحدة الاشعة العامة بأحد المستشفيات الحكومية و كنت مسؤول عن التدريب سابقا

    مع العلم بأنني خريج الكلية الصحية
    مع العلم بأن مسؤول الحماية بالقسم خريج معهد خاص

    بأن المسألة في تفوق الطلاب مسألة شخصية بحتة ولا علاقة لها بالشخص متخرج من كلية صحية أو كلية مجتمع أو حتى معهد أهلي

    فحرص الطالب أو بالأصح المتدرب على تفهم النظم والإجراءات المتبعة في كل مسشتفى وكل قسم من أقسام العمل
    تطبيق الدراسة النظرية والتطبيق العملي والدمج بينهما
    المظهر و أسلوب التواصل بين الزملاء و المرضى
    و الالتزام بمواعيد الحضور والانصراف

    هذي نقاط التقيم بكل مختصر وأقولها بكل صراحة هناك متدربين من المعاهد الأهلية أفضل بكثير من الكليات الصحية و العكس أيضا هناك متدربين بعض المعاهد لا يدري مالفرق بين كل فحص واخر ولماذا نصور كل عضو بهذه الطريقة

    وكما قلت سابقا هذي مسألة شخصية وقدرات بين الأشخاص


    فمن أين جأت بهذا الكلام

    وبخصوص شروط الهيئة

    اعرف خريجين من الكليات الصحية دخلوا الاختبار ونجحوا بتفوق

    واعرف معهد أهلي خاص دخلوا طلابه الاختبار ولم ينجح الا اثنان

    هل عممت لا ياعزيزي وارجع وأقول للمرة الثالثة مسألة شخصية و حرص واطلاع ورغبة من الشخص نفسه

    فأتمنى من طلاب الكليات الصحية يتركون عنهم الحقد ولايسوون انفسهم فاهمين وهم والله مابراسهم شي
    الحقيقه انا نزلت قبل سنتين في جريدة الرياض موضوع بهذا الشكل واتوقع الموضوع لقى صداه عند المسؤولين وكان ايام تسجيلي في منتدى مبتعث وايام بداية البعثات تقريبا المرحلة الثانيه مما أدى الى اجبار طلاب الكليات الصحية على اجتياز اختبار الهيئة
    ماشاء الله عليك مادام ان مواضيعك مهمة للدرجة هذي ليه ماتكلم المسؤولين يساعدوا الطلاب و خريجي الدبلوم بفتح المجال امامهم للابتعاث و تكملة الدراسة محليا؟

    كذلك بوضوع مزيد من الشفافية في اروقة وزارة الصحة بخصوص البعثات والتوظيف وغيرها من المشاكل المؤرقة للاغلبية

    كذلك لاهنت نريد روابط لموضوعك في جريدة الرياض


    نصيحتي لك أن تبتعد عن هذه المواضيع وأن تترفع بأسلوبك وردودك

    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.