تكفون !!! في الفيزهـ

يالله ارزقنا في اجابة وافية وكافية

وارزق من يجاوب الجنة

علشانك قلت تكفى
وكمان راح نكون جيران


اذا توك ماسويت الفيزا ولى شي

توظف اشغل نفسك شويه بس يكون في علمك اذا امورك كلها جاهزه

يعني القبول الجامعه واللغه والفيزا كلها تسويها ورى بعض

نصيحة تراها روتينها يتعب شويه يعني لاتشغل نفسك بالوظيفه ان شاء الله بعد الابتعاث تلقى الخير يارب

ولكن اذا عادي تقدر تقسم شغلك وومتطلبات السفر توظف واكسبلك قرشين وخبرة وسافر




وانا كلمتك على نفسي لان من المدينة وكل شي موجود في جده لازم كنت اسافر كل بعد فترة


والله الموفق والهادي

اخوي مازن ,,

انا مثل وضعك .. انتظر القبولات علشان اقدم على الفيزاا

بس انا مقدم على كنداا

وهي يبغالها شهر الى شهر ونص تقريباا


يعني لو تداوم حاليا وتكسب قرشين على قوله الاخ مديني يكون افضل


وبالنسبه للوظيفه مااتوقع انها ترضي طموحك ,,

واذا طلعت البعثه والله وفقك ورجعت بالشهاده بيكون حالك افضل باذن الله وتلقى الوظيفه اللي تتمناهاا ,,

مجرد وجهة نظر ياغالي ,,

واتمنى اني افدتك ولو بالشي اليسير ..

وعلى كل حاال الله يوفقك وييسر امورك وامورنا جميع ,,


تحياتي ,,

اخوي الله يوفقك

بالفعل صح انا بعيد من الباحه ولا زم كل اشوي اطلع اخلص بعض الاوراق سوا من جده او الرياض

واما الوظيفة انا بصراحه ما ارتح لها ولكن قلت اشغل نفسي واخاف اني انشغل بها واترك الابتعاث واجراءاتة

الله يوفقك اخوي

صحيح اخوي انا ما ارتح للوظيفة الحالية

ولكن قلت اشغل نفسي

واللحين اذا توظفت اقدر اطلع الفيزهـ ولا لا

والله يعطيك العافية وكثر من امالك اخوي

تحياتي

تقدر تطلع الفيزا وانت موظف عادي
وتقدر تسافر وتدرس وانت موظف لكن
اذا انت موظف حكومي لازم اشعار من المكان اللي انت فيه انك عادي تروح تدرس
لكن مالك ومال وجع الراس اطلع منهم وروح كمل مستقبلك

مشكور اخي الله يعطيك العافية
كلامك صح مالي ومال وجع الراس
اكمل وبعدين ملحقين على الوظيفة
تسلم اخوي

بالتوفيق للجميع

نصيحه انك ماتقبل الوظيفه

لان انشاالله القبوول جايك والفيزا بتطلع لك ادا ماعليك شي

وكل الامور بتتسهل

والافضل انك تركز علئ شي واحد يالوظيفه يالسفره

وانا بعد عندي معاناة مع السفر الله يهونها بس