ادري انه بينحذف

والله يالغالي الظاهر يبي لك أمر أركاب من هاوي نغم ولا واسطه من الغامدي على شان ماينحذف موضوعك
أنا معاك بالشي هذا ونبي نفضفض وحسبي الله على من يبي يضيق علينا

هههههههههههههههههههه كانك داري ابي امر اركاب
يوم رحت للوزارة اسأل الموظف عندهم قلت له اكيد في امر اركاب ولا تصريف؟؟
قالي اذا اواراقك كامله ان شاءالله فيه
قلت له في اثنين اعرفهم هذي عاشر مره يجون ولا فيه شي يعني معقوله اوراقهم مهيب كامله
قالي يمكن وراح وخلاني ههههههههههههههههههه يعني يدل على صدق المعلومات عنده ماشاءالله

هههههههههههههههههههههههههههههههههههههههههههههههههه ه وربي فجرت بطني من الضحك...الله يرجك

انآ احط ايدي ع يـــدك وهالمواضيـــع ما يــلزم حذفهـــآ لاني بصرآحـــه مريـــت باللي مريـت فيـه وحسبي الله عليهـم بس..

وعليكم السلام,, راح أوضح لك ليش تحذف المواضيع, مع العلم إن فيه قسم للشكاوى والإقتراحات لكن ولايصير خاطرك إلا طيب

بالنسبة لحذف المواضيع.. فيه مواضيع غير صحيحه على الإطلاق وبغض النظر عن نية صاحبها,,هذي تحذف بلا انتظار وأعتقد أن

الجميع يوافقوني على النقطة هذي.

فيه مواضيع زي ماذكرت فيها تجارب شخصية وتفيد الأعضاء وبرضو زي ماذكرت الأعضاء في هذا المنتدى راح يصححون لبعض حتى

يكملون لبعض والكمال لله.

كل الكلام هذا كان هو المعمول به في قسم الدراسين على حسابهم الخاص, وهذا هو الغرض من القسم, لكن الوزارة والملحقيات الثقافية

صار موقفهم غامض من الإلحاق , يعني من اول كان فيه نظام واحد تمشي عليه جميع الملحقيات, الان كثرت القرارت الشخصية واختلف

وضع طالب عن اخر مع تشابه مستوياتهم العلمية.. والسبب لايعلمه إلا الله ,, يعني الوزارة الان بدأت ترجع للقرار القديم في تطبيق

الساعات الدراسية, وبدأت بالتضييق على الطلاب الي يبون الانضمام في مرحلة اللغة,,

علشان كذا اذا ماجاء مصدر من رسمي من الوزارة أو الملحقية,, كيف نعرف الحقيقة؟؟؟؟؟؟

طيب بالنسبة للمواضيع اللي فيها تجارب شخصية وتحذف؟؟ اذا الشخص يروي ماحدث له مع الوزارة مافيه أي مشاكل في المنتدى لكن إنه

يفيد الأعضاء بأن ماحصل له, سوف يحصل لغيره فهذا الكلام غير صحيح ,,وكل واحد وحظه وكل واحد ووضعه...وأنت أخوي أسير

وجميع الأعضاء يوافقونني الرأي إن شاء الله..

طيب برضو فيه مواضيع شخصية مافيها إفادة للأعضاء ,,,شخص يقول سالفته مع الوزارة وموضوعه برضو ,,ينحذف؟؟؟؟

السبب لإن الموضوع انحرف عن هدفه الأساسي ,, ومانشوف إلا حسبي الله ,,أو لعن الله ,,أو شئ من هذا القبيل,,,وهذا مخالف لشريعة

الله سبحانه وتعالى قبل لايكون مخالف للمنتدى ,,, وأعتقد محد يرضى الشي هذا,,,

وياإخوان ذكرتها مراراً وتكراراً الفضفضة مافيها مشكلة في هذا المنتدى لكن انتقاء الألفاظ الطيبة ,,, وعدم تجاوز الخطوط الحمراء,,

وبعد كل هذا تذكروا بإني في يوم من الأيام كنت طالب على حسابي الخاص في زمن ماكان فيه لاأمر إركاب ولا انضمام سهل,,,

ودفعت دم قلبي لين ربي أكرمني بالبعثة ,,وقت الشده اللهم لك الحمد,,,ووقت البعثه اللهم لك الحمد,,,

قفلة

أحد الأعضاء قال حسبي الله عليك ياهاوي ,,كانك خليت من هب ودب يكتب على كيفه وتضررت مادياً ونفسياً من أخبارهم المغلوطة

في منتداك اللي مثل وجهك.....

طبعا غير الدعاوى اللي جاتني منه ,,, وهذا بس واحد أعرفه غير اللي ماأعرفهم,,,فهل ترضون ياجماعه مثل هذا الكلام.

أخيراً الله يوفق المستشار دنيا واخره ويخليه لعين ترجيه,,,لأنه خفف من وطئ الإشاعات الشئ الكثير....

أخوكم\ هاوي

اخوي سلطان انت ذكرت انك بتطلع على حسابك بدون امر اركاب ..
انا حالي من حالك تتوقع هل بتمشي امورنا ولا نتكي 3 شهور ونديور ع الديره؟؟

حبيب قلبي هاوي واااااااااااااالله ويعلم الله اني مؤيدك في كل كلمه تقولها
وياااارب يوفق كل دارس على حسابه وكل مبتعث

لكن انا ودي اقولك شغله .. ليش كل منتدى في العالم فيه زحمه
لانه عباره عن مزيج من التجارب والاراء والافكار وهات وخذ و و .. الخ

طبيعي كل شخص بيروح للوزارة بيكتب وش صار له في المنتدى لانه المكان الوحيد اللي يقدر يفضفض ويتكلم فيه
ممكن بعض الاشخاص هداهم الله تعدوا مرحله الفضفضه وصار يدعي ويسب على فلان وعلان

انا اقوله ان كل انسان يخطيء هذا اولا والحساب في النهايه بيد الله سبحانه وتعالى
واللي يصير في الوزارة واضح عين الشمس ان اللي عنده واسطه بيمشي واللي ماعنده بيوقف في طابور التميس
يعني صار هالشيء طبيعي في الوزارة..
ارجع واكرر للي يسبون الاخوان في الوزارة هل بتموت اذا ماطلعت بعثه؟؟ هل بيوقف الزمن لو ماطلع الالحاق؟؟هل بينقص عمرك لو ما درست برا؟؟
انا ماادافع عن احد لكن خلونا نعيش الواقع لانلعب على انفسنا خلوها متى ماتجي تجي واذا ماجت خيره من رب العالمين
انت سو اللي عليك والباقي على رب العالمين.. جيب قبولات وفيز جوازك وسو اللي عليك وش باقي ماسويته؟؟ كل شي سويته
والباقي الله سبحانه بيعرف وين خيرتك فيه

وانا حالي من حالكم والله بطلع على حسابي بدون امر اركاب ولا شي بطلع ادرس وبقدم اوراقي اذا جت فالله الحمد واذا ماصار التحاق
بجمع عفشي وبرجع..
الفرصه تجي مره بالعمر لاتفوتها

تحياتي للجميع

ههههههههههههههه



يشباااااااااااااااااااااااااااااااااب الله يعين بس رددو معي يااااااااااااااااليللللللللللللللللللل مطولك


كل مااا يمر ليل اردد ياااليل مطولك

أخوي هاوي نغم
يعطيك ألف عافية وآسفين جدا على المضايقات الي تلقاها من أخوانك
المهم أخوي هاوي بالنسبة للناس الي تدعوى عليك فهي قلة عقل
لأن ليس كل مايسمع يصدق
والي يصدق كل شي ينقال فهو أنسان ساذج مع أحترامي
أنا قبل لا أمشي لكندا كنت أدخل المنتدى بأستمرار وأشوف بس مو كل شي أصدقه لأني الله عطاني عقل أفكر فيه
المهم أنا بتأسف عن التعليق الي قلته وأنا غلطت في حقك وأنت سكت عني سكوت الكرام
والشي هذا مايطلع إلا من شخص واعي وعارف قدرة
وأنا بكرر لك أسفي وأذا جاتني أفضفض راح أكتب الي مضايقني بورقة وبعد ما أخلص راح أقطع الي مضايقني (الورقه)
هذي أحسن طريقة للفضفضة
وعلى العموم أنا كنت مشترك في كثير من المنتديات لا كن شهادة صدق أنتم أفضل منتدى
والله يعطيك ألف ألف عافية
أخوك