اخر الاخبار من الوزارة

الله لايوفق الي يكذب منهم وين وصلت درجه الحسد اعوذ بالله الله يعوضكم صبر انشالله

شكله هذا يصرف المراجعين بعدين انا قريت خبر ان الموسى يناقش بانه يمدد برنامج الابتعاث قريت الخبر في موقع الوزاره قبل فتره

والالتحاق خلاص ما صار مثل اول صارت تعقيدات يعني الي معه فيتامين واو يمشي مثل السلام عليكم

والتذاكر اعتقادي من نهاية السنه الي راحت ما عاد يصرفون تذاكر والي اخذ التذاكر عددهم على عدد الاصابع

وتقبل مروري..........

تعودنا من هالمنتدى على هالاخبار هذي.....انا طالع بشهر 7 واللي يصير يصير ..وبعدين وين دور ادارة الموقع من حذف المواضيع اللي مالها مصدر رسمي ..

ياخي انا اجيب الاخبار من جيبي؟؟
انا طالع يوم السبت لكندا حالي حالك
لكن انا حبيت اوضح للشباب موقف الوزارة من المراجعين
اللي يبي فايدته يراجعهم ينشششششششب لهم ارجع واكرر انشب بحلوقهم يوميا
صارت تصرف اي واحد يجيهم .. مره يقولون قفلنا مره يقولون ماعاد فيه الحاق وانت ماشي يعني تعودنا
ومثل مايقولون كثر الدق يفك اللحام..يعني كثره النشبه يجيك الحاق

ملاحظه::البرنامج راح يفتح بالصيف شهر 7 يعني لايهمكم كلام الوزارة او اي واحد يروح لهم ويصرفونه

وبالتوفيق للجميع
دعواتكم لي

حتى اذا فتح بشهر 7 الاجراءات نفسها مارح تتغير

الله يكون في العون
وزي ماقال اخوي اسير حزني
كثر النشبه يجيب للحاق
تقبل مروري

أخوي أسير,,,,,
المشكلة أنت من أكثر الناس دراية بالوزارة,,الواحد مايبني كلامه على موظف عاادي,, ماجاء خبر رسمي من الوزارة بإيقاف البعثات,, فكيف الواحد يصدق مثل هالكلام...اللي أعرفه شخصيا إنهم راح يركزون على بعثات الماجستير والدكتوراة بالمستقبل,,, بس ماسمعنا أي شي عن إيقاف البعثات.
وبالنسبة للمرافقين,, مستحيل يتم إيقافهم,,
أما الإركاب فالعلم عند العطية أكثر من غيره,,,,,والله يوفق الجميع

حبايب قلبي كلكم وربي ان ردودكم ماتزيد الا اصرار وعناد للوزارة

وربي ان خويي قالوا له مثل هالكلام ان ماعاد فيه الحاق
ومن بكره راح واحد ثاني من اخوياي وهذا عاد نشبه اعرفه ودخل عليهم
قالوا له بالحرف الواحد::انت شايف الزحمه عندنا؟؟ اي واحد يجي نصرفه لانهم اشغلونا الكل يبي يطلع فعشان تخف الزحمه صرنا نصرف الشباب

واكثر اللي التحقوا من الشباب الله يوفقهم كانوا ينشبون لهم يوميا وهم عندهم
ما قد شفت واحد راح وفي يوم واحد اعطوه كل شي بس اللي ينشب لهم يعطونه ويرتاحون من نشبته
انا بالنسبه لي صراحه ماعندي وقت اني اجيهم كل يوم لان موعد الرحله يوم السبت فما في وقت
قلت بروح لكندا وانشب لهم من جد هناك كل يوم براسلهم الين الله يفرجها
الا اذا كان الله ما كاتب هالشي عاد الشكوى لله اللي علي بسويه والباقي على رب العالمين

دعواتي لكم بالتوفيق والالحاق بأسرع وقت

ولا احد ينسى الوالدين والاصحاب من الدعاء لانه يرد القدر بأذن الله ونلتحق بأسرع وقت

تحياتي لكم

توكل على الله يارجال,, وخلوا عنكم التشاؤوم ,,وربك يبي ييسرها إن شاء الله وتفرج عليكم وعلى جميع الطلاب....
أهم شي الإستخارة والدعاء