الاجابه على اهم سؤال ممكن ينسأل بعد نتائج جلسة 169

April 30th, 2009, 11:27 PM

السلام عليكم ورحمه الله.. بدون اي مقدمات

تعبنا شهور في انتظار جلسة النحس 169 وفي النهايه جت الردود اضعف من ان تصدق لما تحمل من تناقضات
تلقى ثنين مقدمين سوى واوراقهم نفس الشي واحد يقبل والثاني ما كملت ال 30 ساعه
وآخر ما عندك قبول اكاديمي( اجل كيف عبيت بياناتي يا شاطر)
وثاني يقولون له ما دخلت الدوله اجل كيف جاكم ملفه من الملحقيه
واللي بعده ما عندك شهاده الثانويه ولا البكالوريوس اجل كيف انقبل وجاب لكم قبول واصلا كيف الملحقيه ارسلت ملفه لكم
ونجي للمرافقين اللي لهم الله واللي المفروض ينقالك ان لهم اولويه ( ده كان زمان يا ماما) <== محدثتكم
القبول لازم غير مشروط من متى هالكلام وانا كل اللي حولي انقبلوا بقبولات مشروطه وليه ا ما قلتوا لي من قبل وانا مقدمه معاملتي من شهر 12 وانتو السبب في التأخير وبعدين كيف الملحقيه ارسلت اوراقي ضيعوا وقتي ما اختبرت ايلتس والسبب هم قدمت لهم ورقه تخرج المعهد بشهر 12 بالسكور المطلوب على اساس تروح المعامله على ما اجيب قبول غير مشروط لنفسي مو لهم :| .. اربع شهور ما فيه احد فيهم دق قال ناقصك كذا اربع شهور وانا اكلم في الملحقيه يقولون صادر ووارد اربع شهور يطامرون اهلي بالوزاره محد يعطيهم خبر عن هالجلسه لسى لسى واخر شي كلفهم هالرد اربع شهور ..

اربع شهور ننتظر عشان نسمع هالكلام التافه واللي يدل على تخبط وعشوائيه ومحسوبيه وواسطات..

المفروض:

1- الملحقيه ما تطلع اي ملف من عندها الا مستوفي الشروط وعلى هالاساس هي سوت كذا .. بس كيف ننرفض اجل

2- اي نقص في اي ملف يصير فيه تخاطب مباشر بين الوزاره والملحقيه وعليه تكتمل الاوراق... مو بالصدفه وبالمطامر الواحد يعرف عن اوراقه او ان الواحد ينصدم... وهذا النظام ما سووه ولا راح يسونه 100 % متعمد عشان الواسطات.

لو طبق هالنظام كان ما شفنا كل واحد ما يدري وش السالفه والاهالي عند الوزاره وكل واحد يفتي بالمنتديات لاننا كمرفوضين بنعرف انو سبب الرفض عدم توفر منحه دراسيه لك كمتقدم.. او طبقت عليك انظمه المفروض انها واضحه تماما في موقع الوزاره كنظام الساعات وغيره.

4- المفروض خبر بسيط على موقع الوزاره يطمن الغلابا اللي زينا عن جلسة الشؤم ننتظر اربع شهور وما فيه احد بالسعوديه ما راح لهم الوزاره وتلفوناتهم وايميلاتهم ما هدت .. تخلف.. مدري ليه السعوديه تحب الزحمه من هالنوع يدورون اللي يعقدهم ما يبسطون الاشياء.

5- احلم بسستم متكامل بين الملحقيه والوزاره يوفرون علينا وعليهم التعب النفسي والجسدي بدل نظام قديم اسمه صادر ووارد. هذي وهي وزاره تعليم عالي امحق :|

الواقع:

الظاهر السالفه كانت بهالشكل:
اسمع يا فلان هالملفات ( طبعا فوق الألف ملف) مالها نصيب بالبعثه دخل اسباب الرفض على كيفك..

اقول يا فلان بالله دخل لي ملف فلان الفلاني ولد عم امي ... ابشر...


الخلاصـــــــــــــــــــــــــــــــــــــــه:

لم تلتحق بالبعثه وراجع اللي ارسل اوراقك ناقصه وبالغلط
طيب خلاص استوعبنا الصدمه صار لنا اسبوع والحين وش السواة؟ خلاص ما فيه امل نغسل يدنا ولا اللي يكمل اوراقه ترجع تنرسل معاملته مره ثانيه و لا امسك سرى اربع شهور ثانيه ولا خلاص حقين بريطانيا راحت عليهم ولا وش السالفه؟


الرجاء يا اخوان الاجابه على اهم سؤال ممكن ينسأل بعد نتائج هالجلسه واللي يجيب لازم يكون متأكد بنسبه 80 % واللي ما يعرف مسموح له يفضفض بس.

للمعلوميه لم تتم الاجابه من المصادر الرسميه حتى هذي اللحظه .. محد عطاني الجواب الشافي قلت اشوف يمكن احد فيكم احد تعطف و اعطاه درر

• نشر عبر تويتر
• نشر عبر فيسبوك
• نشر عبر جوجل