هذا وضعي وابي شوركم

والله يا خوك اذا عندك واسطة اطلع اما لو ما عندك فا في راي انك تكمل في وظيفتك
انا والله ليا اربع شهور في كندا بس ما عندي واسطة ولاشي المهم ولا ضموني وما ادري اذا في امل اصلا يضموني ولا لا الله يعين وييفق بس قبل ما تتخذ قرارك استخير والله يوفقك ===(طبعا كل اللي كتبته في راي الخاص يعني اي واح ثاني ممكن يكون عنده راي ثاني )

والله وانا اخوك الوضع متغير

ماحد يضمن ان البعثه بتجيه في طلاب رفضوهم لانهم ما اكملوا 30 ساعه< بكالوريوس> وفي طلاب ماكملوها وراح يضموهم
ومن هالكلام

يعني والله مافي نضام محدد تاخذه الوزاره كل يوم قرار من عندهم

نصيحتي لك انك تتوكل على الله وتكلم كل اللي تعرفهم يشوفولك واسطه وتعال انت مبتعث احسن لك من المرمطه اللي هنا

واللي كاتبه لك ربي بيصير

الله يوفقك وييسر امورك ,,

عزيزي اللي اعرفه شركات سابك عندهم ابتعاث للخارج

حاول تدبر لك وحده منها كلمهم حاول معهم

(هذا رأيي الشخصي )

الله يوفقنا جميع لما يحب ويرضى

واسطتي رب العالمين

ولاهنت على نصيحتك والله يجزاك خير ويحققلك امانيك


يعني بأسوأ الاحوال انضم للبعثه بعد مااخلص 30 ساعه ؟؟؟

هذا اللي فهمته من ردك واتمنى تصححلي لو كنت مخطئ

واشكرك على نصيحتك والله يجزاك خير ويحققلك امانيك


هذي احتمالية حدوثها 0&#37;

بعثات الوزاره اسهل بكثير

والله يجزاك خير ويحققلك امانيك على النصيحه

والله لاتغامر الا وانت متأكد من الانضمام للبعثة تترك سابك وتروح لبعثة غير مضمونه صراحه تضمن نفسك
شوف الشباب كيف متوهقين ولهم الي سنه والي 7 اشهر
وانت مصروفك يكفيك 6 اشهر
ولا تدري تنضم ولا لا
فنصيحتي لاتروح الا وانت ضامن البعثة

الله يجزاك خير ويعطيك على قد نيتك

ونصايحكم كلها افادتني ان شالله وبفكر فيها


بس يا اخوان اتمنى احد يجاوب تساؤلي

انا اللي فهمته ان اسوأ شي ممكن يصيرلك واذا تاخر انضمامك للبعثه بعد ماتخلص 30 ساعه صح ؟؟

يعني بعد ماخلص الساعات المطلوب هل فيها روح تعال ولا خلاص اضمن انضمامي ؟؟

اخوي شف ذا الرابط انشالله يفيدك

فيه شروط الالحاق البعثه

http://www.saudibureau.org/private2.html

الله يجزاك خير اخوي ويحققلك امانيك


بصراحه اللي لاحظته تخبط بالقرارات ومحد عارف الانظمه وكل واحد يمشيله نظام خاص

يعني سمعنا ان كندا وامريكا مو شرط تخلص 30 ساعه علشان تنضم بمجرد بداية دراستك بالمعهد وقبولك بالجامعه تنضم للبعثه

وفيه ناس تقول لا لازم 30 ساعه

طيب من نصدق ؟؟

والله وانا اخوك هذا الوضع اللي صاير انا في جلسة 169 وبعض الشباب رفضوهم لعدم اكمال الساعات والبعض الاخر لم يكمل الساعات

المطلوبه وسوف يتم الحاقهم قريبا بأذن الله يعني صراحه ظلم في ناس صابره ومتأمله خير وفي الاخير الوزاره تعطيهم سبب غير مقنع
تماما

لكن نسأل الله ان يعين الشباب اللي نرفضوا ويرزقهم البعثه ويعوضهم انشالله

هذه النقطه اللي حبيت اوضحها لك لكن كل شي بيد الله انت ادع ربك انه يكتبلك اللي فيه الخير لك وانشالله ان الله مايخيب ضنك

وكلم كل اللي تعرفهم وسو اللي عليك والباقي على الله وانشالله تتيسر لك ,,

تقبل مروري اخوك عبدالله الحربي .