الذين قابلوا الدكتور العطيه يوم السبت تاريخ 21/5/1430هـ.

هههههههههههههههههههههههههههههههههههههههههههههههههه هههههههههههههههههههههه

شي مظحك بصراحة وش تبي اقولك بالذمة يعني ؟؟
انا نفسك ترى بس مافي فايدة
والله اذا مافي واسطة وراك وراك ما ينفع
لكن حاول دام ما وراك شي
الله يوفقك

اخوي تبي انا من ضمن الطلاب اللي دخلوا على العطية

وتبي تضحك وتدري انهم ما طلوا في الاوراق وشافوا المطلوب

انا مقدم على امر اركاب وجاني اني ارفع اوراقي من الملحق ههههههههههه يعني الرساله جماعية مالها دخل

وانا بنفسي رحت الاحد وقالوا لي دامه حولت لنا باسم ادارة البعثات فانها تحفظ ولا برقم معاملة واحد


الله يعين


والحمد لله على كل حال

الله يكتب الي فيه الخير ما صرنا نهتم بعد اسبوع او اسبوعين لان الصبر زاد عن حده بعد اسبوعين بيقولون نفس الشي بعد اسبوعين لين تنتهي السنه بعدها يقولون طبق الشروط لان الي يصير ما يدخل في العقل لهم فتره يقولون بند مالي كيف بند مالي وانا اشوف بعيني كل يوم واحد يبتعث وواحد من الشباب اعرفه يدرس معي في نفس الجامعه اوراقه ما ارسلت للوزاره من قبل الملحقيه ولا له علاقه بالجلسه حقتنا والله الذي لا اله الا هو بيدي هذي انا الي طابعله قراره الابتعاث شي يخلي الواحد ينقهر انا ما احسده على البعثه بس من الي اشوفه عيني عينك الواسطات تمشي واما حن يقولون ما توفر البند المالي حتى الان عذر اقبح من ذنب
واعذروني على الكلام الي قلته قلت خلني الطلع الكلام الي في خاطري وافضفض

الله يكتب الي فيه خير ويعين الجميع

ويسهل الامور

صراحه طفشنا من ها الجلسه 169

والله يااخوان فعلا انا اعرف كم طالب انضموا قبل اسبوع 2 من زملائي والواسطة تلعب دور حتى حركتهم واضحه وضوح الشمس اولا التصريف من موظفي الدكتور العطيه مجموعه على ادارة البعثات ومجموعه تصرف لهم طلباتهم مثل امر اركاب وضمان مالي لكن المشكله اوراقي كامله(قبول جامعي +قبول لغه+فيزا +ختم دخول+ستدي برميت+ورقه مباشرة) وحاولت كذا مرة مع موظفي العطيه اني ادخل عليه ويرفضون وقابلته مع الطلاب وقالي العطيه الملحق ارسل خطاب قلته ايه والمشكله ماادري وش السالفه