سؤال عام: هل يوجد أمل للدراسه على حسابك الخاص ومن ثم الإلتحاق ؟

اسهل الدول للالحاق هي امريكا من بعدها كندا

وبقية الدول انساهم

مافي احد يقدر يضمن لك البعثه في مرحلة مبكرة

لكن على حسب كلام الوزير قال للطلاب في الدول الاخرى روحو امريكا وراح تبتعثون..

اي ان امريكا امورها ميسره

نصيحه لو بتجي خل يكون عندك مبلغ احتياطي يغطي ال30 ساعه((من باب الاحتياط)) وهو مايقارب ال 200 الف ريال

لكن ان شاء الله تنضم قبل ذلك وبأسرع وقت

النصائح لو بتجي امريكا
جهز قبول جامعي قبل لاتجي امريكا مع تخصصه ويكونون الاثنين معترف فيهم من قبل الوزره(الجامعه والتخصص)

عقب ماتسلم اوراقك للملحقية ... بعد اسبوع اتصل عليهم وألح عليهم في ان يرسلو اوراقك الى الوزاره((ترى مجربه اذا تهاونت معاهم ولا تابعت حالتك بالاتصال معاهم ملفك راح يخيس عندهم...يعني كل يومين اتصل عليهم تأكد هل ارسلو ملفك الى الوزاره او لا))

بعد ذلك ماعليك الا الانتظار وان شاء الله بتكون امورك طيبه لكن تذكر اهم الشي القبول الجامعي والتخصص وتأكد من موقع الوزار انهم معترف فيهم واضافه الى ذلك اتصل عليهم واسألهم هل الجامعه معترف فيها او لا

لأن بعض الجامعات مسجله في موقع الوزاره انها معترف فيها لكن تتفاجأ بعدين يرفضون طلبك والسبب انهم وقفو الجامعه ولا كنسلوها من الموقع..

باالتوفيق لك ياخوي ومانطلب منك غير الدعاء في ظهر الغيب..

ياويلي ويلآآه قال ميتين الف ريال حرام بالله احس الرجال من يوم سمع كلامك بلع ريقه يآبلآد الهجره .. اسمع ياخوي منصور ؟ شوف كل شي توافيق من الله بقول لك قصتي انا ؟ انا ياطويل العمر طلعت لمريكا قبل شهرين ودرسة في كلية مجتمع في الباسو بـ(413) دولار يعني حوالي الف وست ميه في (الشهريـن) ؟ تتخيل ولا ماتتخيل يعني اخس معهد في السعوديه ماياخذ الف وست ميه في الشهرين .. وكان باستطاعتي ادرس سنه كامله يعني علي حسابي في هالمعهد الشقه كانت بحوالي خمس مية دولآر والمعيشه يعني مو غاليه في هالولايه ثلاث مية دولار تكفيك بالراحه يعني بتقدر يعني تطلع وتدرس فيها .. الي ابي اقوله هالميتين الف ريال الي يقول عنها ان شاء الله ماتحتاجها فيه صحيح ولاايه غاليه وفيه ولايه رخيصه .. وانت طالع علي حسابك دور لك من الولايات الرخيصه .. الله يوفقك ان شاء الله

ياعبقري انا اقصد لو بيكمل 30 ساعه في الجامعه + سنة معهد

وهذا الكل متفق عليه ولا فيه جدال

وانا قلت له كمبلغ احتياط ويقدر يجي بدونه لكن اذا كان يملكه يضمن روحه حتى لو ماتحول في مرحلة اللغة يكون يقدر يحقق شروط الوزاره

فهمت ياجينيس ولا اشرح لك في سبورة؟

اسمع ياخوي لاتقولي ياجينيس ولا كتاب المطالعه ولا تشرح لي ولا اشرح لك اذا انت انسان ماطلعت علي حسابك وحسيت بتفكير الطلاب وهمه قبل يطلعون هذا مو ذنبي الناس الي زي كذا يبي لهم واحد يحفزهم مو يكسر ظهورهم بكلامك ذا ؟ وبعدين ميتيــن الف ريال ياشيخ لو اني ادرس في جامعة هارفورد ..

والله انا ماقلت هاالكلام الا لأن في بعض الطلاب يستمرون سنه كامله على حسابهم ولا يتحولون ويعودون الى بلدهم

وحبيت اقول لك اني كنت دارس على حسابي وقبل لاأجي ضمنت لنفسي 200 الف

لكن الي عنده اقل مايمنع انه يتوكل على الله..

اخوي مسفر اذا تقدر تساعدني في القبول لاني ابي ادرس في جامعه el paso أو إذا تعرف مكتب يجيب القبول ... وهل انت في مرحله اللغه في اي معهد الان هل الدراسه في كليه المجتمع ضعيفه او ممتازه ؟؟
وهل الجامعه تحتاج لتوفل وكم درجه التوفل ؟؟ وهل استطيع الانضمام للبعثه في مرحله اللغه ؟؟ وهل يمكنني الانتقال إلي ولايه اخرى في حال انظمامي للبعثه ؟؟
أرجو أن تفيدني ولك جزيل الشكر اخوي
اخوك Eyad

مشكور بلاد الهجره وفييت وكفيت بس مثل ماقال اخوي مسفر هالشي من المحبطات الصراحه وخاصه الـ200 ألف
انا يادوبي جمعت 50 ألف ريال ولا بعد الى عطانياهم يقول خذ رايي ولاتطلع تدرس هاتهم واستثمرهم لك واسترزق الله هههههههههه طبعا الوالد الله يطولي بعمره
لكن انا مِصر اني اخذ البكالوريوس وحاب نظام الدراسه ..
ولكن الموضوع مفتوح ممكن تجي اخبار تفرح وممكن تجي اخبار تبكي
شاكرلك

والله جد تشوف اخوي مسفر هههههه
انا وشلون بقول للوالد 200 الف كان يعلقني
لكن نظامك اعجبني وللمعلوميه انا باخذ تخصص حاسب طبعا ( برمجه - قواعد بيانات - هندسه ) مو مشكله تحديد تخصص الحاسب .. بس الحاسب هل تعتقد الدوله تطلب مثل هالتخصصات لجل يقبلوني ولا اشوف تخصص أخر من تخصصات البيزنس هذا واحد ..

ثانيا هل يجب إني اذهب للوزاره واصدق شهادة الثانويه ولا يكفي اترجمها .. لأني من خارج الرياض وانت عارف الروح والرده مشكله ..

انتظر الاجابه

 المشاركة الأصلية كتبت بواسطة Eyad333

اخوي مسفر اذا تقدر تساعدني في القبول لاني ابي ادرس في جامعه el paso أو إذا تعرف مكتب يجيب القبول ... وهل انت في مرحله اللغه في اي معهد الان هل الدراسه في كليه المجتمع ضعيفه او ممتازه ؟؟

ابششر ياخوك ماطلبت شي .. شوف والله ماعرف مكتب يجيب القبول بس انا بجيب لك عنوان الجامعه نفسها وتقدر تراسلها بنفسك .. وانا الحين في هالكليه ادرس في المرحله الثانيه من اصل سته والدراسه انت الي تقدر تخليها ضعيفه و ممتازه الكليه معظمها من المكسيك وتقدر تخاطبهم بالانقليزي والله ديره طيبه واهلها طيبين لي فيها ثلاثه اشهر واموري فيها ماشيه .. اما بالنسبه للجامعه انا جايب قبول مشروط من جامعه نيو مكسيكو واذا خلصت من المعهد علي طول اروح للجامعه لان المعهد تبع الجامعه طبعاً الجامعه معترف فيها ولا ماظموني للبعثه .. وسؤالك عن الانتقال من ولايه اخري والله ياخوك اني سمعت انك تقدر ماني متاكد بس اخوي قال لي اني لو ابي اغير المعهد اقدر بس مرتاح في هالمعهد .. انتظر وبحاول افيدك ان شاء الله الليله ولا بكره .. الله يسسعدك

 المشاركة الأصلية كتبت بواسطة Mansour888

مشكور بلاد الهجره وفييت وكفيت بس مثل ماقال اخوي مسفر هالشي من المحبطات الصراحه وخاصه الـ200 ألف

الاجابه هي التخصص احد الشروط المهم للقبول يعني لاتطلع الا وتخصصك مطلوب زي التخصصات الي قلتها برمجه ولا قواعد بيانات ولا هندسه .. والله مادري بالنسبه للحاسب .. والتخصصات بس انا تخصصي هندسه ميكانيكه وظموني يعني شغلة الانضمام يكون عندك تخصص مطلوب وجامعه معترف فيها ..
وروحتك للوزاره ماتحتاج انك تصدق الشهاده الثانويه ترجمها وجيب لك قبولات وطلع لك الفيزه حقتك وقبل تطلع قدم علي الدفعه الخامسه من بعثة خادم الحرمين الشرفين (الله يطول لنا بعمره) واذا ماقبلوك اطلع والله يوفقك ..