استفسار بسيط

شدعوى ياجماعه
اجل لو قلت اني ابيكم تقولون لي( هل ينفع اسوي الشهاده البنكيه الى ثلاث جهات موجهه لكل جهه باسمها معهد وجامعه وسفاره هل ينفع)

وش بتسووين

بانتظار الاجاابه

لو كل أنسان حاول يعطي مثل ما((ياخذ))
ماكانت فيه مواضيع مثل هالموضوع صاحبه ينزل تسائل ويقعد يرد على نفسه يوم

الله لايبلانا ... بس ولا يحوجنا لا لوجه الكريم

والله يا أنك ماعندك صبر
شوفي .. الحل الوحيد للناس الطفرانة واللي أنا سويته هو التالي:
تسجلين في المعهد ترم واحد وتقريباً يكلف 10 آلاف دولار شامل الدراسة والسكن والمصاريف الشخصية
ولازم تعطينهم شهادة بنكية بنفس المبلغ علشان يرسلون لك الـI-20 اللي بتقدمين فيه على السفارة
إذا رحتي للسفارة تاخذين الـI-20 و الشهادة البنكية وتعريف براتب اللي يصرف عليك وتعهد أنه بيصرف عليك وكشف حسابه 3 أشهر
وبس.. طبعاً كل هالكلام يكون بالانقليزي
الشهادة البنكية تقدرين تاخذين من البنك وحدة موجهه للسفارة الأمريكية وتخلين البنك يصورها ويختمها,, تكون وحدة للجامعة والثانية للسفارة

معارف اللي هو برنامج المدارس!!
أنا أقول استري على نفسك ولاترسلينها لهم

مثل ما قال اخوي xeen

بس انتي ما قلتي اي دولة بتروحين يعني تفكرين باي دولة , , ؟

علشان احسبها لك من تكاليف وسكن ومعيشة , , ؟

وبحكم اني موظف بنك انتي لما تسوين شهادة بنكيه لازم تذكرين السفارة اللى بترسلين لهم هالشهادة او يكون اذا مافي جهه تكتبين لمن يهمه الامر , ,

واذا تبين نصحيتي تخلين احد من اهلك او من اقاربك يودع بحسابك مبلغ وقدرة والاهم يكون اكثر من 70 الف ريال ولما تسوين الشهادة البنكيه تسحبين الفلوس , ,

اما بخصوص الدورات اتوقع ماتفيدك لان الاهم شهادتك لـ أخر مرحلة دراسية سواء ثانويه او دبلوم او بكالوريس وتترجمينها من مكتب معتمد للانجليزي وتصديقنها من وزارة الخارجيه , ,

وأي خدمة انا موجود والاعضاء موجودين ما يقصرون , ,

صراحه احرجتووني بردكم الجمييييييل يـ (xeen) & (عنزي الخبر )
خليتو وشي (وجهي) مدري رقبتي أد السمسمه

يعني لازم الشهاده البنكيه + تعريف من الي بيصرف علي + كشف حساب له لمده 3 شهور
طيب سين سؤال
محرمي اين يقع من الاعراب ( ماراح يقدر يدرس الا لما التحق)ان شاء الله) بالبعثه وتنزل له مكافئه وش وضعه من ناحيه المعهد وبكم بيزيد على المبلغ الي قدرته تقريبا وهل يقدر يصير معي بالمعهد ولا لحالي
وانا افكر باأمريكااا يعني لانها الى حد الان هي الي الحاق فيها اسهل من غيرهاا ...
وحبيت اسالكم انا احب يكون المعهد تابع للجامعه يعني هل فيه اشكال من ناحيه زياده مبلغ الضمان المالي ؟!! ومن اشياء اخرى
ولا نفسه ؟!!
وبالنسبه للدورات انا بعد قلت كذاا مثلكم مالها داعي بس حبيت اتاكد << نصابه
على فكره انا ماستر يعني مو بكالوريوس
وكم شهر تقريبا الـ 9 ساعات ( جعلنا مانكملها ال9 ساعات في المعهد الا ملتحقين )

الف الف شكر xeen & عنزي الخبر

طال عمركـ ما سوينا الا الـواجب وحنا أهنيه أستفدنا الكثير وبأذن الله نفيد ونجيب على أي استفسار لانه ما يهمك بس بالعكس يهم الكل , ,

والله يجملنا على اللى نسويه , ,

أنزين انتي ماستر شي حلو أنتي منو اللى يبي يصرف عليك يعني متكفل بمصاريف دراستك , , ؟!

أمـا بخصوص محرمكـ بالعكس يقدر يدرس معك بالمعهد واذا مستواه بالانجليزي مثل مستواك راح يكون معك بالكلاس واذا انتي اللتحقتي بأذن الله هو راح يكون مرافق لك وراح يصرف له مكافئة مرافق , ,

أنتي اذا جمعتي مبلغ أكثر من 70 الف ان شاءالله بيكفيك انتي والمرافق لخمس شهور اذا كنتو ماسكين نفسك من ناحيه الصرف والاهم طال عمرتس دام الدراسة على حسابك نصحيتي تشوفين لك ولاية رخيصه ومناسبة للدراسة وتكون معهداها وجامعتها قوووية والجامعه تكون معتمدة من وزارة التعليم العالي , ,

اما بخصوص معهد الجامعه بالعكس شي حلوو انك تدرسين بمعهد تابع لجامعه لانه بيكون معهد اكاديمي مو يكون مادي بحت والضمان مثل ما قلت لك جيبي فوق 70 الف ريال ومافي اي مشكلة , ,

وان شاءالله فرصه اللتحاقك بالبعثه كبيرة وخصوصاً ان اللحاق في امريكا وكندا مفتوح للان ومافي اي مشكلة بس الاهم انتي شدي حيلك وخلصي امورك وأجرائاتك , ,

الله يعطيك الف عاافيه اخوي (عنزي الخبر) على الرد

محرمك يجلس في بيتكم الين يطلع قرار ابتعاثك
بعديم عاد يجيب له قبول من معهدك ويدرس هو واياك وينزل له راتب مرافق
وإذا تبينه يروح معك ألحين يطلع له فيزا سياحية, بس وضعها غير.. لأن له فترة محددة يقدر يجلس فيها بعدين لازم يطلع ويرجع ثانية
وبث
تقريباً ترم واحد يعني أربع شهور
بس ترا المقصود فيها 9 ساعات في الجامعة
يعني بعد ما تخلصين اللغة يمكن تخلصينا في 6 شهور ويمكن سنتين المهم بعد ماتخلصين اللغة وتدخلين الجامعة تبدين في حساب الساعات

مشكوور xeen
يعطيك الف عافيه ماقصرررت