معاناة طالب سايمون فريزر في جلسة 170 بحجة كثرة السعوديين! "أفيدوني الله يثيبكم"

^
طيب لو فرضا , راح زميلي بديلاً عني لمراجعة الوزارة..
الضمان المالي كيف أقدر آخذه؟ بعد قبولي؟

وتذاكر الطيران مثلا؟

ولكم اطيب تحية.

الزيارات كثيره على هالموضوع, والآراء الكريمه أكثر..
لكن مازلت أبحث عن الشخص الذي مر بنفس الحالة أو قريبه منها, كي أقوم بعمل المضمون في هذه الحالة.

أرجو تحملكم, ولكم اطيب تحية.

اي زميل؟؟
أنا اقول لك انت روح راجع بنفسك لكن لا تقول لهم انك انت الطالب
قول لهم انك انت اخو الطالب

اي ضمان مالي يابن الحلال؟؟
انت تدور ضمان مالي والا تدور البعثه
بعدين الضمان المالي تأخذه من الملحقيه بعد ما يجيك الالحاق من الوزاره ان شاء الله


تذاكر الطيران اكيد بتكون على حسابك
بعدين اذا الحقت بالبعثه ان شاء الله ما اعتقد تكاليف تذكره بتكون عقبه


اهم شي عندك الالحاااااااااااااق
اذا جاك الالحاق ان شاء الله ماعندك اي مشكله

^
الله يعطيك العافيه يبو احمد.. وماقصرت..

لكن ممكن تقولي وش الفرق بين أني اقولهم أنا نفس الطالب أو أنا أخوه؟
لأن في كل الحالات الظروف المادية عقب ست اشهر حدتني أرجع < قد يكون سبب جيد اذا قلت أنا نفس الطالب الفلاني!
لأن ماودك تطيح بكذبه وتبلش بعمرك!

ياخي نفس سالفة واحد من اخوياي

خذ العلم مني يالذيب

ارسل صوره للملحقيه وبعدها رح للوزاره وقل لهم جاني رفض بسبب التكدس وهذا القبول الجديدوبعد يومين تنضم للبعثه بأذن واحد احد

وللمعلوميه صاحبي نفس جامعتك سايمون فريزر

اما بالنسبه اذا جتك البعثه وانت بالسعوديه محد يسئلك ليش رجعت

لان انا فتحت ملف بالملحقيه وكلمت الدكتوره كوثر قالت تقدر ترجع لديره ومتى مانزل قرار ابتعاثك لك 3 شهور عشان تدخل كندا وتكمل اوراقك المتبقيه


يعني من الاخر لاتشيل هم والله يوفقك ويوفقنا معك ان شاء الله

^
الله يعطيك الف عافيه يالذيب..

يعني بكذا مايحتاج اقول هذي اوراق اخوي وانا جاي اجدد ملفه والخربطه ذي.. اجي على اني نفس الشخص..

سؤالي فيه شيء اجيبه معي لارحت الوزاره غير القبول؟
واذا تقدر تسأل خويك اذا فيه اسأله معينه دائمه دائما يسألونها للي تجيهم مثل هالحاله؟
وبالمناسبة الدكتورة كوثر ماردت على ايميلي, لأني موب عارف كيف اجدد ملفي بموقع الملحقية عن طريق حسابي الشخصي هناك.. لأن مافيه اي خيار يخولك لإضافة القبول الجديد للأسف.. فياليت تسأل خويك عن هالموضوع برضوا الله لايهينك.


وشاكر لك ومقدر.

اسمع يالذيب بالنسبه للملحقيه ارسل الصوره على نفس ايميل ريم السلمان وكذالك الدكتوره كوثر وهم بيفتحون لك خانه ويضبطون من عندهم مثل مافعل صاحبي
بس اتوقع الدكتوره كوثر الايام هذه عندها اجازه مدري رجعت او لا لان كلمتها قبل اسبوع قالو بأجازه

بالنسبه عن اي شي تاخذه معك للوزاره صاحبي راح بداله ابوه وماخذ معه غير قبول الجامعه الجديد فقط لا غير


الله يوفقك اخوي ويوفقنا معك ان شاء الله

يمال العافيه , والله يوفقك..

مرحبا اخوي اذا رحت للوزارة شف وش اخر التطورات ونزلها بالله للي ماعندهم خبر عن الوزارة مثلي وشكوووور وربي يوفق الجميع

الله يعين و يوفق يارب.