هل استطيع العودة للوطن بعد شهر من وصولي لأمريكا لأنتظر القبول ؟

هلا فيك اخوي خطوه موفقه انشالله .. ضيعت عمرك على شي مايسوى جا وقت البعثه توكل على الله ..

استفساراتك :

امريكا اول دوله بالعالم متساهله بقبول الدبلوم وماعدلته لاكن اذا كان سنتين ماراح تعادل سنتين يعني على الغالب سنه او سنه ونصف بالكثير .

امر الاركاب اذا انت بالرياض وفيك حيل تروح لمده اسبوعين للوزاره وتقابل الدكتور علي ماراح يقصر معك ..

العوده تقدر ترجع اهم شي ختم الدخول ويفتحون لك ملف وماراح يعرفون انت رجعت ولا لا لان الملحقيه تتابع المبتعثين فقط انت مالك علاقه فيهم ..

اذا لغتك تمام الملحقيه تعطيك تمديد كحد اقصى سنه وست شهور .. يعني لو جلست سنه بالسعوديه تنتظر قرارك اتوقع مايضرك بحكم انك كويس بالانجليزي ..

زوجتك اذا ضميتها كمرافقه من البدايه راح يصرف لها اذا ابتعثت .

اي استفسار انا حاظر والله يوفقك انشالله

^^^
تسلم لي اخوي

يعني قصدك أهم شي بس أدخل امريكا حتى لو ما أدفع أي شي للمعهد ولا ابدى مع المعهد "ياليت توضح هالنقطه"
لأني ما راح استقيل الا اذا ضموني للبعثه

وبالنسبه لزوجتي ما يعطونها امر اركاب معي من البداية ؟؟؟

وشكر لك اخوي 6yar

اول شي المعهد ماراح يعطيك قبول نهائي الا بضمان مالي او بنكي .. على اساس تطلع الفيزا .. علشان كذا ماراح تدخل امريكا الا بعد ماتخلص هالاشياء ..
اذا دخلت على الدكتور علي امورك متيسره انشالله ..

نقطه مهمه: انا سمعت ان امريكا الانضمام فيها سهل جدا ,, لذا اشير عليك ولواني ماابي اتدخل بخصوصياتك .. العمل لاتفصل خذلك اجازه بدون راتب او اعاره .. ورح انت لحالك بالبدايه بدون زوجتك وادرس لك كم شهر اذا ضموك ارجع وخذ زوجتك معك .. وضمها مرافقه ..

عزيزي انا ما أقدر آخذ اجازة كم شهر بدون راتب
انا أبي زي ما قلت لك اجيب ضمان مالي وقبول و آخذ الفيزا و أدخل بس لأمريكا و بعد ما ادخل امريكا اقدم على الملحقيه و من ثم اعود للرياض لعملي بأنتظار انضمامي للبعثة و من ثم اذا ضموني على بركة الله استقيل و اخلص اموري
هل يصير هالكلام

اضم صوتي معك

لاكن بالامر القبول المعهد لا يشترط بضمان مالي

يختلف من معهد الى معهد

وياخوي اسير

انا مثلك وضعي وانا الان منتظر الموعد بعد اربعه شهور من الان لاحصل على الفيزا

وسوفه افعل مثلك تمام

سوفه اسافر اسبوع وارجع الى السعوديه واتابع امري من السعوديه باذن الله تعالى


وانصحك بانك تفعل ما تفكر به والله معك ان شاء الله


وانت انتهى امورك بدون زوجتك علشان تسهل امورك واذا ابتعثت سوفه تحصل زوجتك على كل الخيار مثل باقي المبتعثين

خطتك موفقة بإذن الله
اهم شيء تتأكد بأن الملحقية ما راح تطلب منك الساعات الدراسية بالمعهد لما يحين وقت انضمامك كأني قرأت احد المواضيع بملقتى بريطانيا ان الملحقية طلبت شيء من ذلك.

اتمنى التوفيق للجميع

المهم هو ان الفيزا لا تنلغي عليك ، لابد ان تتفاهم مع المعهد و تطلب تأجيل دراسة بعد دخولك و الحصول على I-20 جديد و ساري المفعول ، و إلا سيلغي المعهد ال I-20 و بهذا تنلغي عليك الفيزا و تدخل في دوامة جديدة

بالنسبة للمعهد ، ممكن لما ارجع للسعودية اراسلهم لأحصل على I-20 جديد و يعطوني ولا اكتفي باللي عندي
والفيزا كم مدتها سفرات متعدده ولا سفرة واحده
و ماذا عن معدلي المنخفض 2.5 معهد الادارة هل ممكن انضم للبعثه بمعدل مثل كذا ولا استغني عن الدبلوم واقدم بالثانوية 83% ادبي

والمعذره يا اخوان كثرت الاسئلة

ممكن تقولي عزيزي شسويت بالتفصيل خطوه خطوه