هل الفيزا يأتي معها مظروف ام لا ...

حبيبي ما عليك من صديقك يتفلسف زيادة عن اللزوم

المطلوب هو : 1- الجواز ومختروم داخله الفيزا
2- قبل ما تركب الطياره على امرييكا تقوم بكتابة نموذج صغير ما ياخذ منك ولا 3 دقائق والمطار راح يرسلونه على امريكا عشان يعرفون انك في الطريق الى امريكا وانك راح تدخل امريكا حلو

3- وانت في الطائرة تطلب من المساعدات والموجودين نموذج I-94 وتقوم بتعبئته وانتبه من الاخطاء يعني خليك حذر في تعبائة النماذج

ولا انصحك تجي على الخطوط السعودية عشان ما تنكب 5 او 4 ساعات تحقيق
تعال بطيران امريكي ما تاخذ نص ساعه والا انت خارج من المطار



وبالتوفيق يارب

وبالنسبة للملحقية لا تسوي اي شيء .. كل شيء هم رايح يعلمونك اياها عشان لا تضيع واسأل عن اي شيء مو فاهمه عشان ماتتمرمط

يالطيب انت مادام الفيزا معك خلاص موضوعك منتهي مايحتاج ظرف ولا شي الظرف كان ايام زمان
انا استلمت الفيزا والان ادرس في امريكا لاشفت ولا اعطوني...وبالتوفيق

هلا والله والله انك وحش اجوبة مفيدة للغاية
ربي يوفقك
طيب والجواز والفيزا حليناها
والنموذج هم يعطوني ايااه الي ماياخذ 3 دقايق ولا انا اطلبه منهم

تمام انا بطلبه ان شاءالله اول ما اطلع الطااايرة باذن الله بس ممكن اعرف وش الفائدة منه النموذج هذا للتوضيح فقط
ههههههه الخطوط حجزت خلااااااااص الله يعينا خدماتهم زفت بس نبي نجرب الطايرات الجديدة حقتهم ربى تكون زينة والله يعينا بالمطار بس

لابس يقولون لازم تعبي ورق قبل لاتجيهم ورق تطبعه من النت وتعبيه

ماشاءالله ربي يوفقك ان شاءالله
انا توقعت انوو الظرف يام زمان ههههههههههههههههههه
يعطيك العافية ياغالي وموفق ان شااءلله

خويك صادق و لكنه قديم شوي

بالفعل كان يجي مع الفيزا مظروف ممنوع تفتحه ، فيه ال I-20 و خطاب لموظف الجوازات

اما حالياً اصبح ال I-20 يعطى للطالب و لا يوجد مظروف

بالنسبة للاوراق في الطائرة وعلى جميع خطوط العالم و قبل الهبوط بساعة او ساعتين يتم توزيعها على الركاب من دون ان تطلبهم

وبالنسبة للخطوط السعودية او غيرها ، انت وحظك و الزحمة ، سافرت امريكا كثير و كانت اخر سفرية لي على الخطوط السعودية وهي ايضاً اول مرة اسافر على الخطوط السعودية إلى امريكا ، لاني كنت اسافر بخطوط اخرى ، ومع انى نزلت بمطار نيويورك و الاكثر زحمة وتعقيد ولكني ولله الحمد لم اقضي اكثر من ثلث ساعة

وكل ربك في كل امر و ان شاء الله تتيسر امورك

سلام عليكم

اخي الكريم ثلث ساعه لانك سبق واتيت الى امريكا كثير .. والسستم مسجل عندك دخلت من قبل

الجديد اجرائاته والله تعبانه .. انا نزلت على مطار واشنطن دي سي ولكن جلست ما يقارب 4 ساعات ونصف وهذا الكلام في شهر 4 يوم 28 الضبط مانسيته

بالنسبة للنماذج .. اذا كنت على الخطوط السعودية .. تعبي نموذج قبل الركوب الى الطائرة وهذا النموذج يرسل الى امريكا قبل وصولك بالضبط مثل ما صار معاي .. الشرطي التفتيش حق الشنط في السعودية قالي قبل ما تفتش شنطك روح عبي النموذج الصغير عنوانك في امريكا ووو كم سؤال بسيط حلو

وبالنسبة للنموذج في الطائرة انا من الاشخاص الى لم يصل الي النموذج وطلبته قبل النزول بنص ساعه .. وهذا النموذج ابحث عنه راح تحصله في الانترنت صور للنموذج لا تطبعه بس اخذ خلفيه عن المعلومات الي فيه .. ولا تدخل امريكا بمبلغ اكثر 10 الف دولار في جيبك .. واعرف كل شيء حطيته في حقيبتك لان راح يتوجهه هالسؤال لك .. واعرف المؤكولات لي جبتها معاك لانك راح تسجلها في النموذج .. وموفق ياارب

بالنسبة لنموذج الملحقية ... نعم موجود في موقع الملحقية وهو www.sacm.org ولكن ملخبط ووو انا عبيت في السعودية بس جيت الملحقية قالو لي مخلبط ومافي وقت ترتب في هالاوراق وووو اكتب عبي نفس هالنموذج وريحنا وريح نفسك من الاخطأ وصحيح عبيت نماذجهم وارتحت عن المشاكل لا يقلون ناقص شيء او او او ... احول تحط نسخ لاوراقك في شنطتك .. و في فلاش مومري

وموفق يارب الله يسهل دربك

أخوي A.Alsaeed

حياك الله
ثلث ساعة بفيزا جديدة ،و جواز جديد لمرحلة دراسية مختلفة عن الاولي
بالنسبة للنموذج ماعمري اخذته من المطار ، و دايم الخطوط يوزعونه في الطائرة ، والخطوط اللي جربتها البريطانية و الفرنسية و الالمانية و الماليزية و السعودية

بالنسبة لمبلغ اكثر من عشر الاف دولار ، النظام يقول اذا معك اكثر من هالمبلغ لازم تبلغهم و صار معي و بلغتهم و اعطوني ورقة اعبيها ، واللي اول مرة ولغته ما تساعده ما انصحه ياخذ اكثر من عشرة الاف دولار

اذا انت نازل واشنطن على الخطوط السعودية ما يحتاج تبلغ الملحقية ، تلقى الموظف في إستقبال المطار على جميع رحلات الخطوط السعودية اللي تنزل بواشنطن ، النموذج تعبيه فقط اذا انت نازل واشنطن على خطوط غير السعودية