الحل بسيط ومجاني لكم

هذه سنة دراسية

واضيف عليها سنة لغة

و إلا الحسبة طقت حدود الميتين الف ريال سعودي

ما جبت جديد طال عمرك

الشباب اغلبهم متسلفين حق التذاكر ، والله يعينهم

المشكلة اغلب المبتعثين اهليهم هوامير ، وعندهم معارف و واسطات ، ويقدر الواحد فيهم يرسل ولده يدرس برا و يقدر يرسل عشرة مع ولده

ولكن وده يتفشخر بولده ويقول ان ولده محد قده وارسلته الحكومة يدرس برا

وراح فيها المساكين اللي لا قروش ولا واسطة

هذا يالربع دراهمه واجد

والله انك فااااضي وما عندك سالفه
اسال الله ان يهديك

اخوي اسمح لي لو ما انا في مكان محترم كان قلت لك شيء ثاني !!

بكل صراحه هل تتوقع لو ان الكل يستطيع تطبيق الشروط راح يدخلون المنتدى ويشكون حالهم ؟!!

هل تراها سهله ؟؟ ناس تلتحق امام عينك وانت تقول طبقوا شروط !!

استغفر الله ربي العظيم ..

شباب ال 30 ساعه تروها كلام على ورق وكلام قديم مرررره تفائلو بالخير تجدوه بطلوها ال 30 ساعه في امريكا وترون الملحقيه مو اول مره تقول طبقو الشروط ما عليكم اكثر من مره قالوها والشعب يلتحقون

جداً ( الحل ) كان في غاية السهوله ، هل تعتقد ،
أن كل مانهم متواجدون أو من ترسل لهم هذا الموضوع المصغر ، انهم قادرون على تكلفة المعهد التي تبلغ 80 الف ريال سعودي
بـ الاضافه الا تقريباً 50 الف ريال للفصلين بالجامعة بـ الاضافه . الى المعيشه والسكن ..... الخ ،

ليه 80 الف معهد قرناس الله يهديك بس
عندك معهد جامعة كليفلاند 3800$ 15 اسبوع
والله يفرجها علينا وهليك
وفيه كلمه حاب اوجهها لطارح الموضوع انه انت لازم تثمن الكلمه اللي تصدر الحين انت قاعد تتكلم عن طموحات واحلام ناس
اصلا هذي شكلها اول مشاركه لك جيت ورميت بالكلمتين اللي مالها سنع ومشيت والله لو سكت كان احسن لك
باالتوفييييييييييييييق

انا رايح على حسابي
والنظام واضح ياجماعة خلاص

يا شباب وشفيكم زعلتو وقمتو تهاجموني...ما اقول الا الله يهديكم... انا قايلكم انا منكم واليكم والسلام عليكم...لا تنسون الهدف الاساسي من تواجدنا بالخارج هو الحصول على الفائده المرجوه من دراسه وثقافه وعلم وبحث وأدب وحتى نتعلم منهم كيف هم يحترمون اراء الغير ويناقشونها بموضوعيه...ما اعتقد من اغلب اللي ردوعلي استطاعو ان يخرجو من عمق الزجاجه اللي كانو عايشين فيه في السعوديه...ما زلت اصر على ان الشروط والانظمه واضحه لكل مبتعث من قبل لا يسافر ونشكر الوزاره اللي اتاحت لنا هذه الفرصه للحصول على الفائده والالتحاق بزملائنا المبتعثين عند تحقيقنا للشروط...وبصراحه اقولكم ياها اللي سافر وبدون ترتيب وتخطيط من الافضل له الانسحاب من بدري والرجوع لديرته ولا يلوم الا نفسه.وبالنسبه للطموحات والاحلام اللي يتكلم عنها الاخ العزيز مستر هيرو ما اقوله الا ركز على هذي الطموحات واترك عنك ضمونا وما ضمونا. انصح الجميع بقراءة كتاب "من حرك جبنتي" "Who Moved My Cheese" وياخذ منها العبره والفائده.التوفيق للجميع