الأعضاء الإشتراك و التسجيل

الملتقيات
ADs

تكفون طلبتكم ساعدوني والله محتاج لكم

تكفون طلبتكم ساعدوني والله محتاج لكم


NOTICE

تنبيه: هذا الموضوع قديم. تم طرحه قبل 5280 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مملوح
    مملوح

    مبتعث جديد New Member

    مملوح الولايات المتحدة الأمريكية

    مملوح , ذكر. مبتعث جديد New Member. من الولايات المتحدة الأمريكية , مبتعث فى الولايات المتحدة الأمريكية , تخصصى ماجستير , بجامعة جامعه الملك سعود
    • جامعه الملك سعود
    • ماجستير
    • ذكر
    • الرياض, الرياض
    • الولايات المتحدة الأمريكية
    • Apr 2009
    المزيدl

    October 14th, 2009, 07:52 PM

    السلام عليكم ورحمه الله وبركاته
    اخواني انا لي الان مايقارب اسبوع وانا في حيره ولا احد للاسف وجهني وواجهتني عقبات كثيره الى يومكم هذا
    في البدايه رحت للوزارة وقلت لهم ابي اقدم على الابتعاث وقالو لي ان المرحله الخامسه انتهت وان لازم تطلع على حسابك قلت مو مشكله وش الاوراق المطلوبه
    قالو لي في البدايه لازم تروح لفرع الابتعاث الواقع بحي الغدير علشان يشوفون شهادتكم ويعلمونك التخصصات المطلوبه المناسبه لتخصصك البكالوريس
    رحت لهم وبدت المعانات ومابين جيه وروحه للوزاره والابتعاث بحي الغدير
    وكل واحد يعطيك مره رائي
    قلت لهم علموني وش التخصصات المانسبه ياناس علشان اروح وانا على بينه والله العظيم يا اخواني ومافيه ولا واحد عطاني علم ولا حتى شي رسمي
    قلت لهم انا خريج جامعه الملك سعود قسم الدراسات الاسلاميه وش التخصصات المتاحه لي وتعالو شوفو الي يتفلسف والي يقولي احسن لك ادرس هنا حتى قلت له تجيب لي قبول هنا وواحد قالي قدم معروض ونعرضه على اللجنه ويوم رحت لهم اليوم ولا واحد شاف المعروض ورب البيت للاسف يعني كلام من روسهم ولا الي يشوف اوراقي يقول مايحتاج تطلع وليه تطلع ومن هالكلام حتى واحد قالي ليه بتطلع قلت له انا بطلع على حسابي يعني مو محتاج ابتعاث بس انتم وجهوني وش العلم الصح الي اسويه
    حى واحد منهم قالي بلا لغه بلا هم وربي مسئول بعد وله مكتب بالمعادلات بالقسم بالدور الثالث
    بعدين قلت له احنا الحين بعصر اللغه كيف تقولي هالكلام قالي يارجال رح للازهر وكمل ماجستير دراسات اسلاميه
    انا ضاق صدري وطلعت
    هل يا اخوان ان لابد قبل ما اطلع اني اشوف التخصصات المناسبه لي قبل ما اطلع ولا فيه بموقع الوزاره على الاقل يرشدني ان اعرف وش التخصصات المناسبه لتخصصات المناسبه الي اقدر اكمل فيه ماجستير وابني عليه بناء على تخصص الدراسات الاسلاميه
    بالرغم ان فيه كثير من ربعي دراسات وطالعين ادراه عمال ماجستير وقانون
    بس قالو لي الي بالمعادلات انه مايصلح اكمل ماجستير قانون الا الي بالشريعه بس
    المهم وكملت واحد بالوزاره قالي انت بس جب لي القبول بس بالمعهد والجامعه وتعالي السبت
    اليوم يوم صحيت المغرب كلمت على معهد اسمهigce بالعليا
    كلمه وقلت له ابي تجيبون لي قبول قالي كم معدلك قلت له 2.59
    قالي اسف مانقدر نجيب لك قبول بامريكا لان الجامعات الامريكيه ماتقبل الا 3 وطالع
    قلت له مو مشكله طيب وكندا قالي مانتعامل معاهم بس شوف دول ثانيه قلت له الوزاره الحين بس سامحه لكندا وامريكا بس والدول الثانيه وقفو الابتعاث
    انا بصراحه بعد ماقالي يائست وضاقت فيني الوسيعه
    تكفون الي يقدر يساعدني ولا الي عنده حل يقولي
    وربي لكم دعوه بظهر الغيب
    وعسى الله يسهل اموركم ويسهل دربكم يارب

    انتظركم بفارغ الصبر
    والمعذره على الاطاله
  2. اااااااااااااااااااااااااااااااااااااااااااااااااا ااااااااااااااااااااااالله يوفقك وينيلك الي تبغا وماعليك منهم افضل انك تسافر بره تكمل دراسته..
    لاكن اخوي انا في امور الماجستير بكل امانه ماعندي خلفيه لاني بطلع اكمل بكلريوس ..لاكني متاكد انو الاخوان الي هنا مراح يقصرون معاك وراح يفيدونك لاكن انا على ماسمعت انو في اخوان هنا يعني متواجدين في امريكا وكندا تكلمهم ويجيبون لك قبول لاكن ماعندي خلفيه لاكن الشباب مراح يقصرون معاك والي معنده اي افاده مراح يبخلها عليك لانه مشاءالله الاخوان هنا متعاونين لك التوفيق تقبل مروري
    7 "
  3. الله يوفقك ويسهلك كل امورك يا رب
    اخوي انا سويت مثلك وسألت مالقيت جواب جبت قبول من جامعه في امريكا وطلعت على حسابي وفتحت ملف في الملحاقيه بس ماجا شي الين الحين قالولي راح نظمك بعد 30 ساعه صراحه تحطمت بس بأخذ اللغة وبرجع اذا ظموني كملت واذا ما ظموني رجعت باللغة وادخل جامعه الملك عبدالعزيز اهم شي اني كسبت اللغة
    وانت اذا عندك امكانيه اطلع ولا تستشير لا وزارة ولا شي اهم شي تكون الجامعه معترف فيها
    والله يوفقك
    دعواتك
    7 "
  4. شااااااااااااااكر لك مروروك اخوي وردك على الموضوع

    المشكله اخوي مو هنا المشكله وانا اخوك بالتخصصات المسموحه لتخصصي الي اقدر اخذها ماجستير

    لكن للاسف لاحياه لمن تنادي ومكتوب علينا نكون على اعصابنا والله يكتب الي فيه الخير يارب

    والله يوفقك يارب ويسهل لك
    7 "
  5. اخوي مملوح حياك الله
    انا تخصصي ماستر
    وعندي خلفية بالنسبة لمثل موضوعك
    ركز معي في الخطوات التالية :
    1- لا تروح وزارة ولا شي مرة ولا تقبل عليهم
    2- بالنسبة للبحث عن القبول في كندا من اشبه المستحيلات ....
    3- بالنسبة للبحث عن القبول في امريكان من اشبه المستحيلات كذلك صعب مرة ....
    4- بالنسبة لغيرها / انا رأيي الشخصي تستطيع تجيب قبول من بريطانيا , ولا تلفت لقضية انه الالحاق موقف
    5- اذا انت جازم استعن بالله وكمل اورقك من قبول جامعة ومعهد واستخراج فيزا دراسية وقدم للوزارة ان جاك شي والا اطمر وسافر على حسابك ولا تجلس هناك والا اسبوع او اسبوعين افتح ملف وارجع ان جتك البعثة الجمدلله وان ما جتك ما تكون خسرت شي واجد

    طبعا اعتبر الطريقة مجازفة تختلف باختلاف الاشخاص والاوضاع المالية
    فقد يناسب شخص ولا يناسب اخر فليس هناك امر واضح
    اعيد واكرر رأيي الشخصي بناء على ما رايته وتجربتي الشخصية في مثل هذي الامور
    ربي يوفقنا واياك وكل مسلم
    تكفى لاتساني من دعواتك يالغالي ان الله يسهل اموري ....
    7 "
  6. أخوي مفلتر اسعد الله اوقاتك بكل خير
    واسال الله العلي العظيم ان يفرجها بوجهك وين مارحت وسهل دربك ويوفقك يارب

    اما بالنسبه لما طرحته اخوي من ناحيه قبول كندا او امريكا انا اتفق معاك من ناحيه كندا حيث القبول فيها متعب جدا من ناحيه القانون اما التخصصات الاخرى ماعندي خلفيه عنها اما المعاهد عندهم ممتازه جدا بصراحه انا كنت افضل كندا لانه شعبها كويس وممتاز ويتعاونون مع الاجنبي من ناحيه الدراسه
    اما بالنسبه لامريكا فهي كبيره وفيها جامعات عده انا اخوي اعرف واحد من ربعي له هناك تقريبا 8 سنوات وتكلمت انا وياه بالموضوع وقالي هينا بالنسبه للجامعات والمعاهد هو يتكلم عن واشنطن يقول الغلى فقط من ناحيه السكن والا الباقي زي اي ولايه وبعدين الملحقيه والسفاره كلها عندك وانا نصيحتي لك ما ابيك تكون في واشنطن ابيك تكون في احد القرى المقاربه لها وقالي عن قريه تعتمد اعتماد كلي على المعهد والجامعه مو هذي سالفتنا بس بقولك الي صار معاي

    انا الي ابي اوصل له وابي احد يقوله لي وش التخصصات المناسبه لتخصصي بالماستر وش الافضل لان يه واحد اعرفه متزهل لي من ناحيه الالتحاق يعني الي معطلني الحين التخصصات الي احتاج لها فقط
    والي راح اسويه واذا عندك اضافه او ملاحظه لاتبخل عليها والله يوفقك يارب
    الظمان المالي وكشف الحساب+الترجمه مع ان وثيقتي من الوثائق الجديده الي تجي نص عربي ونص انجليزي ومصورها طبق الاصل حتى معاي سجل اكاديمي انجليزي من نفس الجامعه ومختوم+ قبول المعهد+التوصيات+التصديق من الخارجيه+اخر شي الي هو التقديم عن طريق الموقع واذا ماعندك مانع نتكلم عن طريق الخاص او عن طريق اذا ماعندك مانع والله يوفقك ويفتحها بوجهك يارب وسهل لك ويسخر لك يارب
    تحياتي لك
    7 "
  7. هلا اخووووي


    اعتقد تقدر تلاقي قبول MBA في امريكا واسأل مجرب مكاتب القبول في السعوديه ماعندهم سالفه طبعا موكلهم الكثير حسب تجربتي


    ولا تتوقع ان موضوع السفر سهل يبغاله شوووية عزيمه واصرار وتحدي وطبعا توكل على الله وراح تتوفق



    اذا تبي قبول انا حاضر اساعدك بقدر استطاعتي والمشكله اذا تبي تتواصل معي ما راح نقدر لان المنتدى ممنوع تبادل الايميلات .





    تحياتي للجميع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.